Dr. Samah Ghazy

Dr. Samah Ghazy د. سماح غازي | مرشد نفسي وأسري وتربوى

أساعدك تفهمى نفسك قبل ما تحكمى عليها💛

- الصحة النفسية
- العلاقات الزوجية
- جلد الذات والتعافي
- الإرشاد النفسي والأسري

في الطريق...قبل أي لقاء أو ظهور إعلامي، بحب أسيب لنفسي كام دقيقة هدوء... وانا فى العربية عينيا بتلقط حاجات. النهاردة عي...
03/08/2026

في الطريق...
قبل أي لقاء أو ظهور إعلامي، بحب أسيب لنفسي كام دقيقة هدوء... وانا فى العربية عينيا بتلقط حاجات.
النهاردة عينيا لقطت المكتبة الصغيرة اللى على باب مبنى ماسبيرو دي صورتها 🧡 واللي ليها في قلبي ذكريات كتييييييير
ولو الطريق كان طويل، بسيب لنفسي مساحة أفكر في الناس اللي هتشوف الحلقة، وإيه أكتر رسالة محتاجة توصلهم.
النهارده رايحة برنامج سيدتي على الفضائية المصرية،
وهنتكلم عن "ماذا بعد نتيجة الثانوية العامة؟"
وأتمنى إن كل طالب، وكل أب، وكل أم، يطلعوا من الحلقة وهم فاكرين حاجة واحدة...
النتيجة مرحلة... لكنها مش هويتك، ولا هي اللي هتحدد قيمة مستقبلك.
دعواتكم أن يجعل الله الكلام نافعًا، ويكون سببًا في طمأنة قلب محتاج يسمعه🤍

نص ساعة والحلقة تبتدي ان شاء الله .. مين هيتفرج عليا😂😍

فيه جملة بقولها لنفسي كل مرة قبل أي لقاء أو محاضرة أو ظهور إعلامي..."يا رب اجعل كلامي سببًا في راحة قلب حد"مش مهم كام شخ...
03/08/2026

فيه جملة بقولها لنفسي كل مرة قبل أي لقاء أو محاضرة أو ظهور إعلامي...
"يا رب اجعل كلامي سببًا في راحة قلب حد"
مش مهم كام شخص هيشوف الحلقة.
ولا كام شخص هيعرف اسمي...
اللي يهمني إن أم تطلع منها وهي مطمنة على ابنها...
أو طالب يحس إن مستقبله لسه قدامه، حتى لو نتيجته ما كانتش زي ما كان بيتمنى...
أوقات كلمة واحدة في وقتها... بتغير نظرة إنسان لنفسه، ويمكن تغير حياته كلها.
ادعولي النهارده إن ربنا يوفقني، ويجعل كل كلمة أقولها نافعة، وخفيفة على القلوب، وتوصل لكل بيت محتاج يسمعها.

وبإذن الله أشوفكم النهارده في برنامج سيدتي على الفضائية المصرية، الساعة 3 مساءً، وهنفتح مع بعض ملف مهم جدًا بعنوان:
"ماذا بعد نتيجة الثانوية العامة؟" 🤍

بعد النتيجة... الحياة لسه في أولها🤍كل سنة، مع ظهور نتيجة الثانوية العامة، بيوت كتير بتمتلئ بمشاعر مختلفة... فرحة، قلق، إ...
02/08/2026

بعد النتيجة... الحياة لسه في أولها🤍

كل سنة، مع ظهور نتيجة الثانوية العامة، بيوت كتير بتمتلئ بمشاعر مختلفة... فرحة، قلق، إحباط، وخوف من المستقبل.
لكن هل فعلًا رقم في شهادة يقدر يحدد قيمة إنسان؟ وهل المجموع هو اللي يرسم طريق النجاح؟

غدًا بإذن الله هكون معاكم في فقرة "عيشها صح" ببرنامج سيدتي على الفضائية المصرية، وهنفتح مع بعض ملف مهم جدًا لكل طالب وكل أسرة.

هنتكلم عن:
-إزاي نحتوي الطالب لو النتيجة كانت أقل من توقعاته؟
-أخطر الأخطاء اللي ممكن يقع فيها أولياء الأمور من غير ما يقصدوا.
-هل الثانوية العامة فعلًا بتحدد المستقبل؟
-وإزاي نساعد أبناءنا يبدأوا من جديد بثقة وأمل، بدل ما يعيشوا تحت ضغط المقارنات والخوف.

أتمنى تكون الحلقة رسالة طمأنينة لكل طالب حاسس إن حلمه ضاع، ولكل أب وأم بيحاولوا يسندوا أولادهم في واحدة من أصعب المراحل.

📺 برنامج سيدتي – فقرة عيشها صح
📍 الفضائية المصرية
🗓 غدًا الإثنين 3 أغسطس
🕒 الساعة 3:00 مساءً بتوقيت مصر

في انتظاركم... وأتمنى توصل الحلقة لكل بيت محتاج يسمع إن الثانوية العامة مرحلة... وليست نهاية الطريق 🤍

بنوتة جميلة قالتلي "اختي جايلها عريس"رديت "ربنا يكملها على خير"البنت فرحت وقالت " يارب ..اجمل حاجة انك ماقولتيش عقبالك "...
28/07/2026

بنوتة جميلة قالتلي
"اختي جايلها عريس"
رديت "ربنا يكملها على خير"
البنت فرحت وقالت " يارب ..اجمل حاجة انك ماقولتيش عقبالك "
فكرت شوية لاقيتني عمري ما قولتها في مناسبة تقريبا
دائما بدعي لكن مش بتمنى لحد حاجة زى حد
بحس ان كل واحد بياخد رزقه في وقته اللي مكتوبله ومناسب ليه
كلمة عقبالك بتدى للي قصادك مش احساس التمنى لكن احساس النقص
كأن فرحتك مش هتكمل ودائما ناقصها حاجة
علشان ماطولش عليكم
عقبالك طلعت بتضايق البنات
اتمنولهم الخير عموما وبلاش عقبالك

امبارح في آخر جلسة...اتفاجئت بالشيكولاتة دى واتقال لي:"دي حاجة بسيطة... بس حبيت أشكرك على الفترة دي، وعلى اللي ساعدتيني ...
17/07/2026

امبارح في آخر جلسة...
اتفاجئت بالشيكولاتة دى واتقال لي:
"دي حاجة بسيطة... بس حبيت أشكرك على الفترة دي، وعلى اللي ساعدتيني أشوفه في نفسي" 🤍
ابتسمت... وشكرته طبعًا.
وبعدين وأنا راجعة فكرت...
إحنا في حياتنا بنفتكر إن الناس بتفتكرنا بسبب الكلام الكبير... أو النصايح... أو الحلول.
لكن أوقات أكتر حاجة بتفضل في قلب الإنسان... إنه حس إنه كان مسموع. وحس إنه متشاف. وحس إنه اتعامل كإنسان... مش كمشكلة محتاجة تتحل.
ودي من أكتر الحاجات اللي بحمد ربنا عليها في شغلي.
مش الشيكولاتة... (رغم إني بحب الشيكولاتة جدًا 😂🍫)
لكن إحساس إن ربنا ممكن يجعلني سبب، ولو صغير، في إن حد تبقى حياته أخف شوية... أو يشوف نفسه بطريقة أرحم.
الحمد لله على نعمة الرسالة... والحمد لله على الناس اللي بتسيب أثر حلو في حياتنا... من غير ما تعرف🤍

"وَمَا بِكُم مِّن نِّعْمَةٍ فَمِنَ اللَّهِ ۖ "🤍الحمد لله.. النهارده اتخرجت من الدبلوم الخاص في الصحة النفسية – كلية الت...
12/07/2026

"وَمَا بِكُم مِّن نِّعْمَةٍ فَمِنَ اللَّهِ ۖ "🤍
الحمد لله.. النهارده اتخرجت من الدبلوم الخاص في الصحة النفسية – كلية التربية، جامعة مدينة السادات بتقدير امتياز.
وأبدأ بإذن الله الخطوة اللي بعدها... تمهيدي ماجستير في الصحة النفسية.
أنا مؤمنة إن اللي بيشتغل مع الناس، لازم يفضل طول عمره طالب علم... يطور نفسه... ويراجع أفكاره... ويتعلم أحدث ما وصل إليه العلم، علشان يقدر يقدم مساعدة حقيقية لكل إنسان يلجأ إليه.
أسأل الله أن يجعل هذا العلم علمًا نافعًا، وأن يرزقني الإخلاص في طلبه، وأن يجعلني سببًا في التخفيف عن كل من ألتقي بهم، وأن يوفقني فيما هو قادم، ويبارك لي في رحلة العلم والعمل.
اللهم علمني ما ينفعني، وانفعني بما علمتني، وزدني علمًا، واجعل هذا العلم حجةً لي لا عليّ. آمين🤍

كل ما بتعلم أكتر... بكتشف قد إيه لسه قدامي أتعلم🌿وأنتوا؟ آخر مرة اتعلمتوا فيها حاجة جديدة كانت إمتى؟ 🤍
10/07/2026

كل ما بتعلم أكتر... بكتشف قد إيه لسه قدامي أتعلم🌿
وأنتوا؟ آخر مرة اتعلمتوا فيها حاجة جديدة كانت إمتى؟ 🤍

من الجمل اللي هتفضل معايا من محاضرة د. جمال شعبان النهارده:"علّموا أولادكم كيف يتحملون صعوبة الحياة."إحنا أوقات كتير، بد...
10/07/2026

من الجمل اللي هتفضل معايا من محاضرة د. جمال شعبان النهارده:
"علّموا أولادكم كيف يتحملون صعوبة الحياة."
إحنا أوقات كتير، بدافع الحب، بنحاول نشيل كل تعب من طريق أولادنا.
نحل المشكلة قبل ما يواجهوها... ونمنع عنهم أي إحساس بالحزن أو الفشل أو الخسارة.
لكن الحزن جزء طبيعي من الحياة...زي ما فيه فرح... فيه حزن...وزي ما فيه نجاح... فيه تعثر.
المشكلة مش إن أولادنا يزعلوا...المشكلة إنهم مايتعلموش إزاي يتعاملوا مع الزعل.لأننا مش هنقدر نحميهم من كل موقف مؤلم...لكن نقدر نعلمهم:
إزاي يصبروا.
إزاي يقوموا بعد الوقعات.
وإزاي يعرفوا إن المشاعر الصعبة ضيف مش مقيم.
وأكتر حاجة لمستني في المحاضرة...
إن القوة النفسية مش معناها إن الإنسان مايزعلش...
لكن إنه يعرف يحط حزنه في حجمه الطبيعي... ويكمل حياته وهو مستند على يقينه بالله.
يمكن أعظم هدية نديها لأولادنا... مش حياة بلا صعوبات، لكن قلب يعرف يواجهها🤍

من أكتر المحاضرات اللي لمستني النهارده في المؤتمر كانت محاضرة د. آية محمد كمال، رئيس المؤتمر.يمكن إحنا بنحكم على Gen Z ب...
10/07/2026

من أكتر المحاضرات اللي لمستني النهارده في المؤتمر كانت محاضرة د. آية محمد كمال، رئيس المؤتمر.
يمكن إحنا بنحكم على Gen Z بسرعة... ونقول إنهم مش شبهنا...مش بيحبوا السلطة... مش بيسمعوا الكلام... ودايماً ماسكين الموبايل.
لكن الولاد دول اتولدوا في عالم مختلف تمامًا.
عالم بيخليهم يدوروا على المعلومة بنفسهم... ويخلقوا فرص شغل من بيوتهم... ويفكروا في المستقبل بطريقة مختلفة.
علشان كده... يمكن دورنا مش إننا نسفه من اللي بيعرفوه... ولا نقلل من الأدوات اللي بيستخدموها...
لكن نسمعهم... ونفهم طريقة تفكيرهم... ونبني على اللي عندهم معرفة صحيحة.
وأكتر جملة خرجت بيها من المحاضرة كانت:
"ماتحققوش أحلامكم في أولادكم... اكتشفوا أحلامهم هم، وساعدوهم يكبروها"

Address

٦ أكتوبر مركز سند الحي الثالث, 6 October City
6 October City

Opening Hours

Monday 10am - 2pm
Wednesday 5pm - 9pm
Thursday 5pm - 9pm

Telephone

+201554852760

Website

Alerts

Be the first to know and let us send you an email when Dr. Samah Ghazy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Samah Ghazy:

Shortcuts

Share

Category