22/08/2026
📢 حالة لسيدة عندها حوالى 42 سنة أهلها جايبنها العيادة وهى بتصرخ من آلام شديدة بالبطن وقيئ فحصنا الضغط والحرارة والعلامات الحيوية وجدناها كلها كويسة فحصناها بالسونار علشان نستبعد الحصوات المرارية أو حصوات الكلى أو التهاب الزائدة الدودية أو أى مسببات لآلام البطن الحادة والشديدة لم يتضح أى سبب لآلام البطن ‼️
📌أخدت مضادات للتقلصات والقيئ ومضادات لالتهاب المعدة والاثنى عشر تخفف الألم شوية لعند ما يتم التشخيص الكامل لحالتها .
📌 طلبنا تحاليل عاجلة مع عمل أشعة عادية على البطن وأخرى مقطعية بالصبغة على البطن والحوض لتوضيح سبب الألم العنيف اللى مش مستجيب لمضادات التقلصات .
📌 طبعا الآلام الحادة للبطن اللى مش بتستجيب للعلاج لازم تتشخص علشان ما ينفعش نسكن الآلام واحنا مش عارفين سببها ايه ‼️
✏️ لازم نستبعد قرح المعدة والاثنى عشر
✏️ لازم نستبعد الأورام
✏️ لازم نستبعد حصوات القناة المرارية
✏️ لازم نستبعد التهاب البنكرياس الحاد
✏️ لازم نستبعد التهاب الزائدة الدودية
✏️ لازم نستبعد حصوات الكلى والحالب
✏️ والأسباب كتيرة ومتعددة
📌 عملنا الفحوصات المعملية واستعجلنا المقطعية بالصبغة على البطن والحوض ليتبين لنا وجود قرحة نافذة بالمعدة مع تمزق بجدار المعدة ‼️
📌 كان لازم تدخل طوارئ جراحة الجهاز الهضمي بشكل عاجل لعمل تدخل جراحي عاجل لمعالجة تهتك المعدة 💔
📌 الحالة جت بعد شهر من الجراحة علشان تتابع وتمشى على نظام دوائى وغذائى لقرحة المعدة
📌 طبعا هى دلوقتي مفيش آلام فسألناها عن الأسباب اللى أدت لقرحة معدة نافذة وتهتك فى جدار المعدة
✏️ بتشربى قهوة وشاى كتير؟❓
✏️ بتاخدى مسكنات كتير للعظام أو الأم الجسم والأسنان ؟❓
✏️ بتاكلى أكل حراق وسبايسى كتير؟❓
📌 كل الاجابات لأ مبعملش كدة
✏️.طيب حضرتك بتنامى كويس ؟❓
🖍️ قالت لأ فيه أرق مستمر
✏️ حضرتك عصبية أو بتزعقى دايما؟❓
🖍️ قالت لأ أنا هادية بس قلقانة دايما وبفكر كتير وبزعل من غير ما اتعصب أو أزعق ومفيش نوم و دائما أرق باستمرار وقلق دائم ومتواصل ونفسيتي تعبانة
📌 للأسف إن اللى حصل لحضرتك هو قرحة التوتر والقلق وده شائع ولكن توتر لدرجة إن المعدة تنفجر وتدخلى طوارئ جراحة ليعيدوا التئام المعدة يبقى كدة علاجك يبقى لازم نضيف مع علاج المعدة والتقرحات مضادات للتوتر والقلق ومهدئ يساعد على نوم صحى لأن التوتر والقلق وقلة النوم هو السبب الأساسى لقرح المعدة والاثنى عشر والقولون العصبى.💔
📌 المعدة العصبية والقولون العصبى وتقرحات المعدة والاثنى عشر أكثر الأمراض شيوعاً بين مترددى العيادات والسبب هو القلق المستمر والتوتر العصبى الدائم علشان كدة بنحذر من خطورة القلق والتوتر مش بس على الجهاز الهضمي ولكن على الصحة بشكل عام وعلى الحياة لأنهم بيسببوا أمراض الأعصاب والتشنجات والأمراض المناعية والفيبروميالجيا والضغط والسكر وجلطات القلب ونزيف المخ والجلطات الدماغية وغيرها من الأمراض ‼️
📌 مش دايما آلام المعدة والجهاز الهضمى بتكون لأسباب عضوية ظاهرة أحيانا كتير بتكون لأسباب نفسية وعصبية والعلاج الدوائى لوحده أحيانا بيكون غير كافى ‼️
🖍️ ربنا يزيح عننا الهموم والكربات والقلق ويطمئن قلوبنا جميعاً ويهدينا إلى الرشاد والسداد
📌عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر
العنوان 📌
📌 عيادة أبوحماد شرقية شارع بورسعيد شارع السنترال أمام مشغل أبو عزب وبجوار مركز الحكمة تكنوسكان للأشعة
للتواصل والحجز 📞
٠١٢٧٠٠١٥٦٧٦
٠١٥٥٠١٤٤٢٩١
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤
