د.شعبان حبيب

10/08/2026

04/08/2026

بعد الزلزال وخضته قوم اطمن علي السكر التراكمي

في عيادة ابوحماد

مجانا برعاية شركة ايفا للادويه🌺🌺🌺🙈

21/07/2026

💊بلاش وقفه في الشمس كتير النهارده وبعد كده

💊نشرب سوايل كتير ناخد شاور لو حصل سخونيه وصداع مع قرص بنادول

💊ضربة الشمس هتعمل صداع مع سخونيه متستعجلوش في المضاد الحيوي بليزززز

💊مرضي القلب والضغط والسكر وكبار السن اللي بياخدو مدرات البول وادوية السكر اللي بتنزل السكر عن طريق البول اشربوا سوايل كتير راجع طبيبك لو حصل مضاعفات عصبيه او دوخه اولخبطه في التصرفات والكلام نتيجة الجفاف بيحصل نقص في المعادن زي الصوديوم وبسببه بيدخل المرضي عنايه مركزه

💊التهويه والبعد عن اماكن التعرض للشمس مباشرة وشرب السوايل وتظبيط جرعات الدواء مهم جدا في الشهر ده

ربنا يحفظكم 🌺🌹🤲🤲

08/07/2026

نعود للعمل بالعيادة بكرة الخميس ان شاء الله بعد اجازة قصيرة 🌹♥🌺

26/06/2026

ايه العلاقة بين الشهية والصحة؟؟؟؟؟

طول ما انت نفسك مفتوحه علي الاكل يعني الشهيه زي الفل يبقي انت كده صحتك زي الفل ومفيش اشتباه اورام او مشاكل في الجهاز الهضمي ان شاءلله 🌹ولا تقولي زيادة وزن ولا بتاع المهم انك زي الفل وكل وروق نفسك ولا دايت ولاغيره 😂

تغيرات مفاجئة في الشهية😢😢

لو الشهيه اتغيرت فجأه وبقيت مبتحسش بالجوع وقرفان من اكلات معينه بالذات البروتين وده حصل فجأه انا بقول فجأه والموضوع طول معاك شهر مثلا مع وجود بعض الاعراض زي فقدان وزن وارتجاع مرئ وبهتان بالبشره مع امساك مزمن او اسهال مزمن اكشف واعمل فحوصات لاحتمالية وجود اوارام او مشاكل بالمعدة والقولون او غيرها😢😢

🔥مخاطر الاكلات الجاهزة🔥

اصبحنا احنا واطفالنا وبالذات اطفالنا عرضه للمخاطر بسبب الاكلات الجاهزه والمواد الحافظه ومحدش يقول الشيبسي والاندومي بس
في مصايب اكتر من الحاجات دي بكتير😭😭😭😭 وربنا يستر 🤲🤲

17/06/2026

كل التوفيق لطلبة الثانويه الازهريه الان

وبالتوفيق ان شاءلله لطلبة الثانويه العامه الاسبوع المقبل ان شاءلله ويارب تفرحوا اهاليكم اللهم امين

ياريت تحاولوا تعملوا اللي عليكم وسيبوا كل حاجه للتوفيق الرباني

انا عارف ان طالب ثانوي في البيت بيكون البيت مليان ضغط وكإنه معسكر مصاريف ونفسيه وصعبان عليا الطلبه لان الضغط عليهم بيكون كبير فبيحاولوا يهربوا من كتر الضغط ده بالنوم والوخم والكسل

نحاول نذاكر فترة الفجر ولو ساعتين تلاته بتركيز بعد صلاة الفجر ونقلل من القهوة والنسكافيه هيعملوا توتر وهبوط وضربات قلب سريعه يعني سهر بدون
لان الثانويه دلوقتي مختلفه عن زمان مش محتاجه كم مذاكره محتاجه فهم وتركيز و٩٠٪حظ وتوفيق وربنا يبعد عن الثانويه الغش واللي بيساعدوا علي الغش قولوا امين🤲🤲

شدوا حيلكم ياولاد وربنا معاكم♥🌹

06/06/2026

اسوأ عقاب ممكن تتعرضله لما جسمك يقرر يعاقبك بسبب حالتك النفسية ..

ف تلاقي نفسك مرة واحدة تخنت جدا لانك بتطلع عصبيتك في الأكل أو خسيت كتير لانك بطلت تاكل من الاكتئاب ..

تتفاجئ ان جسمك ظهرت فيه علامات غريبة و لما تروح تكشف الدكتور يقولك مش هتخف منه غير لما حالتك النفسية تتحسن ..

ممكن كمان تصاب بأمراض تانية كتير زي الضغط و السكر و غيرهم ..

كأن جسمك عايز يفوقك بس بطريقة مؤلمة شوية .. عايز يقولك إن مفيش حاجة مهما كانت غالية تستاهل إنك تقصر في حق صحتك علشانها ..
و إن الناس اللي انت مكتئب بسببهم لو كانوا بيحبوك مكانوش سابوك تتعب ..

عايز يقولك ببساطة إن صحتك هي الحاجة الوحيدة اللي باقيالك و إنها لو ضاعت منك هتتحول لشخص عاجز و غالبا هتكون حمل علي اللي حواليك ..

صحتكم بالدنيا🌹💙 ونتفرج ع الماتش بقي🌹🙈

مش كده وللا ايه؟!!!!

30/05/2026

هييييه انا جيت وهفتح العيادة النهاردة 🙈❤

كنت فاتح ايام العيد في البلد ورديت علي كل اللي احتاجني واتس ورسايل 🌹🌹

توكلنا علي الله 🤲🤲🤲🤲🏽

عيادة التل النهارده من الساعه ٢ للساعه ٦

عيادة ابوحماد من الساعه ٧ للساعه ١٠ م

خلص العيد وخلصت الاجازة مع اننا محسناش بيها بس فداكم مليون اجازة🫶🏾🫶🏻

عيدكم مبارك وربنا يتقبل منا ومنكم صالح الأعمال 🤲🏽🤲🏽🤲🏽🤲🏽