https://www.facebook.com/109880452084330/

AIU Center for Student Welfare

Home
Egypt
Alamein
AIU Center for Student Welfare

يُعد مركز الدعم الطلابي بالجامعة مساحة آمنة للتعبير عن الذات و تطويرها وتقديم الدعم النفسي لها

يقدم مركز الدعم الطلابي بجامعة العلمين الدولية العديد من الخدمات منها :

- خدمات الدعم النفسي و جلسات الإرشاد النفسي الفردية بشكل دوري .
- ورش العمل والندوات التي تهدف إلى تنمية المهارات النفسية المختلفة.
- يُعد المركز مساحة آمنة للتعبير عن الذات و تطويرها.
- خدمات دعم المتطوعين وتنمية مهاراتهم من خلال إرشادهم و إشراكهم في الأنشطة والنوادي الطلابية
المختلفة بما يتناسب مع اهتمامتهم ومهاراتهم.

06/08/2026

هل سألت نفسك يوم: "أنا حاسس بإيه؟"… ومقدرتش تلاقي الإجابة؟

أحيانًا بنقول:
"مخنوق"… "مضغوط"… "مش تمام"… "مش عارف مالي"…
لكن هل دي فعلًا مشاعر؟ ولا مجرد أوصاف؟

تحت رعاية الأستاذ الدكتور عصام الكردي - رئيس جامعة العلمين الدولية، والأستاذ الدكتور هشام جابر - نائب رئيس الجامعة للشئون الأكاديمية، و في إطار حرص جامعة العلمين الدولية على تعزيز الصحة داخل الجامعة.
يدعوكم مركز الدعم الطلابي لحضور ندوة توعوية بعنوان:
الألكسيثيميا (Alexithymia)، وهي صعوبة التعرف على المشاعر وفهمها والتعبير عنها.

خلال الندوة هنتعرف على:
- يعني إيه ألكسيثيميا؟
- ليه بعض الناس بيلاقوا صعوبة في التعبير عن مشاعرهم؟
- إزاي نفرق بين الفكرة والشعور؟
- إزاي نفهم رسائل أجسامنا ومشاعرنا؟
- أنشطة وتمارين عملية تساعدك توسّع قاموسك العاطفي وتفهم نفسك بشكل أفضل.

لأن أول خطوة في الصحة النفسية…
هي إننا نعرف نسمي مشاعرنا، ونفهمها، ونتعامل معاها بطريقة صحية.

فى انتظاركم يوم الاثنين 10 اغسطس 2026 من الساعة 12:00 إلى 1:30 ظهرا اونلاين على ميكروسوفت تيمز مع دكتورة منة الله النجار المعالج النفسي بمركز الدعم الطلابي بالجامعة.

للتسجيل:
https://forms.cloud.microsoft/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdUQ0dIWU1QR1k4VlZYUkpQWjdLMVlRTEVLOS4u

30/07/2026

بتلاقي صعوبة تقول "لا"؟
بتحس بالذنب لما ترفض طلب مش مناسب ليك؟
أوقات بتسمح لحد يتعدى حدودك عشان خايف تخسر العلاقة؟

تحت رعاية الأستاذ الدكتور عصام الكردي – رئيس جامعة العلمين الدولية، والأستاذ الدكتور هشام جابر – نائب رئيس الجامعة للشئون الأكاديمية، وفي إطار حرص جامعة العلمين الدولية على تعزيز الصحة النفسية داخل الجامعة، يدعوكم مركز الدعم الطلابي لحضور الندوة التوعوية بعنوان:

"الحدود الصحية وتوكيد الذات"

تقدمها أ. سوزى عادل
الأخصائي النفسي ومؤسس مركز الدعم الطلابي بجامعة العلمين الدولية.

في انتظاركم
يوم الأحد 2 أغسطس
الساعة من 2:00 م إلى 3:00 م
أونلاين عبر Microsoft Teams

هنتكلم مع بعض عن:
• يعني إيه حدود صحية؟ وليه مهمة؟
• إزاي نفرق بين الحزم والعدوانية؟
• ليه بنحس بالذنب لما بنقول "لا"؟
• إزاي نعبر عن احتياجاتنا ومشاعرنا بطريقة واضحة ومحترمة؟
• خطوات عملية تساعدك تبني علاقات صحية ومتوازنة.

افتكر إن احترامك لنفسك بيبدأ لما تعرف تحط حدود صحية، وتعبّر عن نفسك بثقة ومن غير إحساس بالذنب.

للتسجيل:
https://forms.cloud.microsoft/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdUQzBDUUJaNkZJRkRXMzhLTzhOWDYxTDVDMy4u

24/07/2026

ليه شخصين يمروا بنفس الموقف... لكن كل واحد يطلع منه بإحساس ورد فعل مختلف؟

هل اللي بيحدد رد فعلنا هو الموقف نفسه؟ ولا الطريقة اللي بنفكر ونفسر بيها اللي حصل؟

إزاي أفكارنا وإدراكنا للأمور يقدروا يغيروا مشاعرنا، وسلوكنا، وحتى القرارات اللي بناخدها كل يوم؟

في السيشن دي هنتكلم عن:
Overthinking (الإفراط في التفكير)
Perfectionism (السعي للكمال)
Cognitive Distortions (التشوهات المعرفية وأخطاء التفكير)

وهنتعرف مع بعض على إزاي أنماط التفكير دي بتأثر علينا، وإزاي نقدر نلاحظها ونتعامل معاها بطريقة صحية.

معادنا يوم الاثنين 27 يوليو
من 12:00 ظهرًا إلى 1:00 ظهرًا
أونلاين عبر Microsoft Teams

مع أ. عبدالكريم محمد

في انتظاركم ويتم التسجيل عبر اللينك

https://forms.cloud.microsoft/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdUNTZJS05CMjlSQjJERDdFRzQ5TU9KSFNMOC4u

15/07/2026

شهرين... ممكن يغيروا سنة كاملة!

تحت رعاية الأستاذ الدكتور عصام الكردي - رئيس جامعة العلمين الدولية، والأستاذ الدكتور هشام جابر - نائب رئيس الجامعة للشئون الأكاديمية، و في إطار حرص جامعة العلمين الدولية على تعزيز الصحة داخل الجامعة.
يدعوكم مركز الدعم الطلابي لحضور ندوة توعوية بعنوان "إزاي تستثمر إجازتك الصيفية وتحقق أقصى استفادة منها؟"

فهى مش مجرد وقت للراحة، لكنها فرصة حقيقية تقدر تستثمرها في تطوير نفسك، واكتساب مهارة جديدة، وتحقيق أهداف كنت مأجلها طول السنة.

هتعرف من خلال الندوة:
- إزاي تستغل وقتك بدون ضغط أو ملل؟
- إزاي توازن بين الراحة والإنتاجية؟
- إيه المهارات اللي تستحق تتعلمها خلال الصيف؟
- وإزاي تبدأ خطة بسيطة تخلص بيها الإجازة وإنت فخور بنفسك؟

معادنا يوم الاحد المقبل 19 يوليو 2026 الساعة 12م الى 1م اونلاين على ميكروسوفت تيمز
للتسجيل من خلال الفورم:
https://forms.office.com/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdURUtPOTRPQkM2TFhRSTREQjAyWDZWMkhHSS4u

03/06/2026

تحت رعاية السيد الأستاذ الدكتور/ عصام الكردي – رئيس جامعة العلمين الدولية، والسيد الأستاذ الدكتور/ هشام جابر – نائب رئيس الجامعة للشئون الأكاديمية، وفي إطار حرص الجامعة على تعزيز الوعي بالصحة النفسية بين طلابها وتوفير بيئة تعليمية آمنة وداعمة؛

نظم "مركز الدعم الطلابي CSW" بالجامعة مسابقة طلابية لإنتاج فيديوهات توعوية هادفة، وذلك تحت إشراف فريق العمل المتخصص بالمركز (د. منة الله النجار، أ. عبد الكريم محمد، وأ. بسنت عبد العزيز). وقد تناولت المسابقة موضوعاً غاية في الأهمية حول "أنواع الإدمان وتأثيراتها النفسية والاجتماعية" بمفهومه الشامل؛ الذي لا يقتصر على المواد المخدرة، بل يمتد ليشمل سلوكيات يومية كإدمان الإنترنت، إدمان العلاقات، التسوق القهري، وإدمان الطعام.

وقد استعرض طلاب الجامعة المبدعون خلال المسابقة أعمالهم عبر فيديوهات قصيرة لم تتجاوز الـ 5 دقائق، قدموا من خلالها رسائل توعوية مؤثرة عكست فهماً عميقاً وقدرة فائقة على توظيف الوسائط الرقمية في معالجة قضايا المجتمع. وبعد تقييم الأعمال وفقاً لمعايير الجودة والإبداع من خلال لجنة التحكيم، قام أ.د. هشام جابر بتكريم الفائزين مشيداً بمستواهم الاستثنائي وحسهم المجتمعي الراقي، حيث جاءت نتائج المراكز الثلاثة الأولى كالتالي:

🥇 المركز الأول: الطالب/ أحمد إبراهيم إسماعيل حجاج (المستوى الثاني - كلية طب الأسنان)
🥈 المركز الثاني: الطالب/ مينا ممتاز زكي (المستوى الثاني - كلية العلوم الأساسية)
🥉 المركز الثالث: الطالبة/ رناء أحمد الزناتي (المستوى الثاني - كلية الهندسة)

26/05/2026

مركز الدعم الطلابي يهنئكم بعيد الأضحى ويتمنى لكم عاما مليئا بالخيرات ❤️

07/05/2026

تحت رعاية الأستاذ الدكتور/ عصام الكردي – رئيس جامعة العلمين الدولية، والأستاذ الدكتور/ هشام جابر – نائب رئيس الجامعة للشئون الأكاديمية، وفي إطار اهتمام الجامعة بدعم الصحة النفسية للطلاب، نظم مركز الدعم الطلابي ندوة توعوية بعنوان "التوعية بأنواع الادمانات المختلفة"، وذلك يوم الاثنين 4 مايو 2026.

قدم الندوة الأستاذ/ عبد الكريم محمد، أخصائي الدعم النفسي بالجامعة

وتناول خلالها المحاور التالية:
تعريف الإدمان وأسبابه.
أنواع الإدمانات المختلفة.
طرق التعافي.
الخدع النفسية المرتبطة بالإدمان.

وقد شهدت الندوة تفاعلًا ملحوظًا من قبل الطلاب، وساهمت في رفع مستوى الوعي لديهم بمخاطر الإدمان بمختلف أنواعه، وسبل التعامل معه، مما يدعم صحتهم النفسية ويعزز قدرتهم على التكيف مع التحديات المختلفة.

02/05/2026

الادمان مش بس تناول مواد مخدرة !

تسمع عن ادمان العلاقات؟
وادمان الانترنت والشوبينج والاكل؟ وغيرهم من الأنواع هنعرفها..

تحت رعاية الأستاذ الدكتور عصام الكردي - رئيس جامعة العلمين الدولية، والأستاذ الدكتور هشام جابر - نائب رئيس الجامعة للشئون الأكاديمية، و في إطار حرص جامعة العلمين الدولية على تعزيز الصحة داخل الجامعة.
يدعوكم مركز الدعم الطلابي لحضور ندوة توعوية بعنوان:
"أنواع الإدمانات المختلفة"
هنتكلم مع بعض عن:

- أنواع الإدمان المختلفة.
- فهم أعمق لطبيعة الإدمان واثاره.
- دايرة الإدمان والخروج منها
- التعامل مع الإدمان
- طرق الوقاية والعلاج والدعم النفسي.

مع أ. عبد الكريم محمد
اخصائى نفسي بمركز الدعم الطلابي بجامعة العلمين الدولية

- الموعد: الاثنين 4 مايو 2026
- الوقت: 12:00 إلى 1:30
- المكان: مبنى 8 قاعة 1066

ومتنسوش المسابقة لسة شغالة متفوتوش الفرصة وتابعوا المفاجآت ❤️

حضوركم يفرق… ووعيكم يحميكم
مستنيينكم

للتسجيل على اللينك التالى:
https://forms.office.com/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdUQVFKUzNCNkM0QTc5S0dLT1BBUEdHSFUzUi4u

30/04/2026

تحت رعاية الأستاذ الدكتور/ عصام الكردي – رئيس جامعة العلمين الدولية، والأستاذ الدكتور/ هشام جابر – نائب رئيس الجامعة للشئون الأكاديمية، وفي إطار اهتمام الجامعة بدعم الصحة النفسية للطلاب، نظم مركز الدعم الطلابي ندوة توعوية بعنوان "اضطرابات القلق: الفهم والتعامل"، وورشة عمل يوجا للبنات وذلك يوم الاربعاء 29 أبريل 2026.

هدفت الندوة وورشة العمل الى:
- معرفة أنواع وأعراض القلق.
- إزاي تفرق بين القلق الطبيعي والاضطراب.
- طرق عملية للتعامل وتقليل التوتر.
- تقليل التوتر والقلق النفسي.
- تحسين الحالة المزاجية وزيادة الشعور بالاسترخاء.
- تنمية الوعي الجسدي والتنفس السليم.

انتظرونا في المزيد من الفعاليات وورش العمل القادمة… تابعونا لمعرفة كل جديد.

28/04/2026

عارفين ان دى فترة امتحانات وبتزيد فيها القلق ونوبات الهلع

قررت الجامعة تحت رعاية الأستاذ الدكتور/ عصام الكردي – رئيس جامعة العلمين الدولية، والأستاذ الدكتور/ هشام جابر – نائب رئيس الجامعة للشئون الأكاديمية، وفي إطار حرص الجامعة على دعم الصحة النفسية وتعزيز الوعي بأساليب الحياة المتوازنة لدى طلابها، نظم مركز الدعم الطلابي ندوة توعوية عن اضطرابات القلق وورشة عمل اليوجا للطالبات.

اضطرابات القلق من أكتر الحاجات اللي بتأثر علينا، سواء بسبب الدراسة، الامتحانات، أو حتى ضغوط الحياة اليومية.

إيه هي أعراض القلق؟
- تفكير زائد وقلق مستمر
- توتر وصعوبة في التركيز
- اضطرابات في النوم
- إحساس بالخوف بدون سبب واضح

نتعامل إزاي معاه؟
دا اللى هنعرفه مع بعض فى الندوة.
هنتكلم فيها عن:
- أنواع وأعراض القلق
- إزاي تفرق بين القلق الطبيعي والاضطراب
- طرق عملية للتعامل وتقليل التوتر
مع أ. عبدالكريم محمد اخصائى نفسي بمركز الدعم الطلابي بالجامعة

وكمان ورشة عمل يوجا للبنات فقط، تساعدك تهدي وتسترخي وتفصلى شوية عن القلق والتوتر مع أ. الشيماء حسين مدربة اليوجا

- الموعد: الاربعاء 29 أبريل 2026
- الندوة: 12:00 – 1:30
- ورشة اليوجا: 2:00 – 3:00
- المكان: B8-1024

متفوتش الفرصة وخد خطوة لنفسك

للتسجيل سيب كومنت

Address

Alamein University
Alamein

Website

facebook.com

Alerts

Be the first to know and let us send you an email when AIU Center for Student Welfare posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to AIU Center for Student Welfare:

Want your practice to be the top-listed Clinic in Alamein?