28/06/2026
ربنا يسترها فعلا على كل بيت موجود فيه متعاطى المخدر الملعون دا وربنا يحمى شبابنا ويثبت المتعافين ويرفع عن المتعاطين اللهم امييين
💔 "لو ما ادتونيش فلوس... هولع في البيت!"
الجملة دي كانت بتهديد بيتقال كل يوم... لكن المرة دي اتحولت لحقيقة.
في بولاق الدكرور، أب عنده 70 سنة وأم عندها 60 سنة، عاشوا سنين يتعبوا ويشيلوا هم ابنهم، لكن الإدمان غيّره وخلى البيت كله يعيش في رعب.
الصبح، دخل عليهم يطلب فلوس عشان يشتري مخـ در "الآيس".. ولما قالوله إنهم ما معندهمش حتى قوت يومهم، اتجنن.
جاب جركن بنزين، وسكبه في الشقة، وبعدها ولّع النـ ار... وساب أبوه وأمه وسط اللهيب وهرب.
صرخات الجيران جمعت الناس، والحماية المدنية وصلت بسرعة وقدرت تسيطر على الحريق قبل ما يمتد، لكن الأب والأم خرجوا مصابين بحروق واتنقلوا المستشفى يتلقوا العلاج.
بعد ساعات، رجال المباحث قدروا يضبطوا المتهم، ووفقًا لما أعلنته التحقيقات اعترف بارتكاب الواقعة، وقررت النيابة حبسه 4 أيام على ذمة التحقيق.
قصة توجع القلب... لأن أخطر حاجة في المخـ درات إنها ممكن تسرق من الإنسان عقله ورحمته، وتخليه يرفع إيده على أقرب الناس ليه.
ربنا يشفي الأب والأم، ويحفظ كل بيت من مصير زي ده.
