أمنية أحمد - Omnia Ahmed

27/03/2026

اوقات كتير لما بنحس مشاعر تقيله بنبقى متخيلين أنها مش هتنتهي وبندخل في صراع معاها ويمكن الصراع ده هو اللي بيتعب اكتر من المشاعر نفسها
بس الحقيقه ان المشاعر مهما كانت عاليه لما بنتعامل معاها صح بتاخد وقتها وتعدي
#علاقات

24/03/2026

#علاقات

21/03/2026

بمناسبه عيد الأم
عندي اعتراف
الأمومه بالنسبالي زمان كانت مرعبه من كتر ما أنا كنت شايفه اد ايه هي مسؤوليه وانك بتكون مسؤول عن تكوين انسان
بس الحقيقه انت مش مسؤول عن تكوين انسان انت مسؤول عن انك تساعد ابنك او بنتك أنهم يكونوا على ما هم عليه بفطرتهم وشخصيتهم اللي جزء كبير منها مش محتاج تغيير هو محتاج يظهر باحسن صورة مش اكتر
اتعلمت مع يونس انه محتاج مني اعيش معاه اللحظه اكتر من اني ابقى شايله هم هاعمل معاه ايه بكرة
اتعلمت منه اني اركز اطلع احسن نسخه مني علشان ده اللي هيتعلمه ويلقطه بشكل تلقائي من غير ما اتكلم واعيد وازيد كتير
اتعلمت معاه اني محطش توقعات اسيبه واشوف ايه اللي بيطلع منه واتبسط بيه ولو محتاج مساعده وتدخل بسيط اعمل ده
اتعلمت أن ولادنا بتتبسط لما احنا نكون عارفين نتبسط معاهم مش أننا يبقى طالع عنينا علشان نبسطهم
ولسه هاتعلم واتعلم
الحمد لله على نعمه الامومه والرحلة بكل تفاصيلها
وكل سنه وكل ام حقيقيه طيبه
ويارب نقدر كلنا نكون ال good enough mother اولادنا ❤️
اسيبكم مع مراحل تتطور الننوس للي مش هيزهق 😅
اخر صورة صورة النهارده لسه طازة 💃💃💃💃
#عيدـالأم

18/03/2026

15/03/2026

انا من الناس اللي بتحس بالونس في التجمعات جدا وبحب اكون وسط ناس احس معاهم بالقبول والراحة وبيفرق معايا اوي
يا ترى انتوا بتحسوا ايه في التجمعات هاستناكم شاركوني 🥰

12/03/2026

كل سنه بنقول رمضان مبقناش نحس بيه
بيجري بسرعه
يا ترى جربت تقف وتسأل نفسك ممكن يكون ايه السبب
هاستنى مشاركتكم احساسكم ايه برمضان السنه دي 😍