26/09/2026
أخطر حساب ممكن تفتحه ومتاخدش بالك منه
في بنك بنسحب منه كل يوم ❗️
بس المشكلة إن ناس كتير عمرها ما بتفكر تودع فيه
الحساب ده اسمه👇👇
الرصيد العاطفي
كل مرة تسمع شريكك بصدق… إيداع
كل مرة تقدر تعبه… إيداع
كل مرة تختار كلمة طيبة بدل كلمة جارحة… إيداع
لكن كل تجاهل… سحب
كل تقليل من المشاعر… سحب
كل خناقة تسيب أثر من غير إصلاح… سحب
المشكلة إن ناس كتير بتفتكر إن العلاقة بتستحمل لأن فيه حب
لكن الحب لوحده مش دايمًا كفاية
زي الحساب البنكي
لو فضلت تسحب من غير ما تحط حاجة هييجي وقت تلاقي الرصيد خلص
وساعتها ممكن تستغرب:
هو ليه بقى بعيد ❗️
ليه مبقاش مهتم❗️
ليه كل حاجة بقت تقيلة❗️
يمكن لأنك كنت بتطلب منه يستخدم رصيد… أنت ما ساعدتش في بنائه
العلاقات مش بتنهار من خناقة واحدة غالبا …
بتنهار من مئات السحوبات الصغيرة اللي محدش حاول يعوضها
اسأل نفسك النهارده 👇👇
آخر مرة عملت إيداع في رصيد الشخص اللي معاك كانت إمتى⁉️
