21/04/2026
النهارده وانا في المواصلات السواق كان مشغل اذاعه القران الكريم
وكان في برنامج انا الصراحه ما لقطتش اسمه بس كان عباره عن ان حد بيتصل يسال اسئله والشيخ اللي موجود يعني او الفقيه اللي موجود هو اللي بيجاوب على الاسئله
واحده اتصلت وقالت ان هي عندها مشكله ان ابنها في كليه هندسه بس هو مش بيصلي
وحاولت معاه كتير من وهو صغير بس هو مش بيصلي ومش عارفه ايه وبيصلي الجمعه بالعافيه
وهي الوحيده اللي بتصلي في البيت وكده
فكروا للحظه الراجل او الشيخ اللي موجود في البرنامج قال لها ايه تخيلوا ....
قال لها وكان ده بالنسبه لي صدمه اقطع المصروف لو هو بياخد 100 ادي له 30 وشويه خليهم 20 ما تشحنيش النت خدي منه الموبايل لو عنده ايباد عنده لاب توب خذي منه الحاجات دي كلها وقولي له الحاجات دي كلها هترجع ليك لما تصلي .....
طيب يا استاذي الفاضل انا عندي سؤال لو هو صلى عشان ياخذ 100 جنيه ده لو افترضنا يعني ان هو خد على امرها وسمع الكلام على اللي هي بتعمله ده ما عاندش معاها وممكن يكون نسيب لها البيت نفترض ان هو صلى عشان خاطر يشحن النت عشان خاطر ياخذ ال 100 جنيه طب وبعدين؟؟!
بعدين هيفضل طول عمره يصلي عشان 100 جنيه طب ما هيجي وقت وماما وبابا مش هيبقوا موجودين مين هيديهم
انا حقيقي الرد صدمني جدا واتمنى ان اي حد يطلع يتكلم في اي منصه او اي حاجه وخصوصا لو هو بيتكلم في حاجه تخص الدين او التربيه ان هو بجد يكون دارس يعني
ادرسوا واقروا في علم النفس والسيكولوجيه واقروا في المراهقين والشباب وفي كل حاجه علشان نقدر نجاوبها انت لما قلت لها اقطعي النت عن ابنك وخدي المصروف من ابنك هو مش طفل وحتى لو خضع عشان خاطر الحاجات دي هو عمره ما هيتبنى او يتعلم الصلاه بالعكس
تفتكروا اي التصرف الصح اللي يحصل مع الشاب ده ؟!
#فضفضة
