صيدليات عبدالعاطي - Abd Elaty Pharmacy

صيدليات عبدالعاطي - Abd Elaty Pharmacy في خدمتك اينما كنت.

20/09/2021

لو طفلك عنده ارتفاع في درجة الحراره

ممنوع اعطاء الدولفين او بيبي رليف او الكاتفلاي قبل عمر السنة
ممنوع اعطاء البروفين بالتبادل مع الدولفين
ممنوع اعطاء الكاتفلاي بالتبادل مع البروفين

الاختيار الامثل مادة الباراسيتامول زي سيتال او الابيمول بالتبادل مع البروفين كل ٤ ساعات بالتبادل

15/09/2021

الناس الي بتشتكي دايما من الجيوب الأنفية 😷
يجمعوا هنا عشان الكلام مهم 🔔🔔

شوية نصايح ممكن تعملوها وتخفف حاجتكم للدوا الطويل وتكراره..⬇️⬇️⬇️

١- اشرب كمية سوايل كتير بالذات المية وده عشان ترطيب الانف والجسم بصفة عامة لأن الجيوب الانفية بتزيد في الجو الجاف.

٢- استنشاق بخار الماء سواء بميه بس أو ميه وملح بيساعد على ترطيب المخاط في الأنف وتخفيف أعراض الجيوب الأنفية والشعور بالألم.

٣- عمل كمدات ميه دافيه على اماكن الجيوب الأنفية واماكنها في الصور⬇️.

٤-اعمل مساج للجيوب الأنفية لان ده بيخلي احساس الوجع يقل بسبب الحرارة اللي بتحصل مع المساج ونقل الاحساس للجلد بيقلل الاحساس بوجع الجيوب الانفية.

٥- حاول تغسل الانف كل يوم تلت او اربع مرات بميه دافيه بملح دا هيساعد في ذوبان المخاط وتقليل الضغط على الجيوب الأنفية فيقلل الألم.

٦-ننام على مخدة مرتفعة شوية عشان تقلل تجمع المخاط في الجيوب الأنفية وبالتالي تقلل من الرشح والصداع الي بيحصل اول ما تصحى.

٧- نقلل قدر المستطاع من الكافيين والمشروبات المنبه ونسبتدلها بمشروبات فيها زيوت عطرية زي الزنجبيل والنعناع والقرنفل.

٨- ابعد عن أي حاجة ممكن تسبب تهيج الجيوب الانفية زي الادخنة والاتربة والروائح النفاذة زي الكلور والعطور.

23/08/2021

آباء وأمهات كتير بينظفوا أذن أطفالهم الرُضع بإستخدام حامل القطن (( الودّانة))

طيب!! ،، هل الطريقة دي صحيحه فعلاً ولا ضاره بالأذن ؟؟
تعالوا نشوف...

☝️الشمع الموجود داخل الأذن عبارة عن مواد فيسيولوچية ومفيدة وبتعمل علي منع الغبار والحشرات الدقيقة للأذن

☝️عملوا دراسة في مستشفي أطفال في امريكا اسمها ER .. لقوا ان الأطفال تحت سن ٨ سنوات اللي بيستخدموا حامل القطن لتنظيف الأذن اكتر من ٧٥٪ منهم‏ بيصاب بثقب في الأذن نتيجة استخدام حامل القطن

☝️قنوات الأذن بتقوم بتنظيف نفسها تلقائياً عند تراكم الشمع ولو ببطيء،، سبيها في حالها 😏

☝️مجري السمع الخارجي غير مستقيم ومحاولة إدخال أداه للتنظيف قد تسبب الأتي :
*ألم للطفل
*جرح في القناة الخارجية وصولاً لطبلة الأذن وعمل ثقب
*دفع الشمع للداخل ودا بيصعب من خروجه وبيعمل انسداد في الأذن وبيكون ليه تأثير مؤقت علي السمع
*تلوث وادخال جراثيم وحدوث التهابات

طبعاً بعد اللي ذكرته
الأباء والامهات اللي عندهم هواية تنظيف ودان عيالهم ،، ممنووووووع ❌ تنظيف الأذن من الداخل تماماً

ودا اللي أوصت بية الأكاديمية الأمريكية لطب الأنف والأذن والحنجرة واللي قالت ان شمع الأذن ليه فوايد صحية وبتعمل كخط دفاعي للأذن ،،

طب والحل ،،!؟؟
بعد الشور او استخدام الماء لغسيل الوجه عموماً
كل اللي علينا تنظيف الأذن من الخارج فقط،، بفوطه قطنية مبلله ،، بس خلاص

ودان عيالكم أمانة في ايديكم،،

#صيدليات عبدالعاطى

Address

تقاطع شارع صيدليه نور مع شارع مسجد الرحمن متفرع من النبوي المهندس
Alexandria

Telephone

+201062962141

Website

Alerts

Be the first to know and let us send you an email when صيدليات عبدالعاطي - Abd Elaty Pharmacy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category