12/06/2026
🤔 سؤال من العيادة ⁉️
💡 عملت تحليل فيتامين دال و طلع فى الأرض، لكن سمعت انى هاخد كام حقنة و خلاص هكون تمام، صح يا دكتور ⁉️
🦴 أولا: نقص فيتامين دال شائع، أقل تقدير لمعدل حدوث نقص فيتامين دال فى مصر 🇪🇬 هو ٦٠%, توصل النسبة إلى ٩٥% فى المرحلة العمرية 🧑🤝🧑 من ١٠ إلى ٢٠ سنة
🦴🦴 ثانياً: بنشخص نقص فيتامين دال بقياس تحليل 🧪 25 OH D3 فى الدم، و دة مستواه الطبيعي ٣٠ إلى ١٠٠ نانوجرام/مل
🔻 من ٢٠ إلى ٣٠ يعتبر عدم كفاية
🔻🔻 أقل من ٢٠ يعتبر نقص
🔻🔻🔻 أقل من ١٠ يعتبر نقص شديد و دة ممكن يصاحبه لين عظام💀
🦴🦴🦴 ثالثاً: الجرعات العلاجية 🩺 لفيتامين دال بتكون فى حدود ٥٠ ألف وحدة أسبوعيا لمدة ٨ أسابيع، قابلة للتجديد لمدة ٤ إلى ٨ أسابيع أخرى. يفضل إستخدام الأقراص 💊 أو الشرب عن الحقن💉.
🦴🦴🦴🦴 أخيراً: بعد الجرعات العلاجية، بنبدأ ناخد جرعات محافظة 🩹 فى حدود ١٥٠٠ إلى ٢٠٠٠ يومياً، موزعة على جرعات يومية أو أسبوعية أو شهرية 🗓️ حسب تفضيل المريض، و إلا مسألة وقت و هيتكرر نقص فيتامين دال.
📢 الخلاصة: نقص فيتامين دال مشكلة شائعة، سهل تشخيصها فى المعمل، ممكن تسبب مضاعفات زى لين العظام، علاجها على مرحلتين: علاج يليه محافظة.
