04/09/2026
الحالة دي بدأت بكسر في مفصل الرسغ (Wrist Fracture)، اتجبس عادي زي أي كسر، لكن للأسف الالتئام حصل بشكل غير سليم (Malunion). النتيجة كانت إن المفصل فقد وظيفته وشكله الطبيعي، وكان القرار الجراحي الحتمي: كسر العظم من جديد، وتثبيته جراحياً
بعد عمليتين وتثبيت طويل، إيده كانت شبه متيبسة تماماً، المدى الحركي مقفول، والعضلات ضعيفة، وفكرة إنه يرجع يحرك إيده أو يمسك بيها حاجة كانت تبدو بعيدة جداً ومقلقة ليه.
هنا بدأ دورنا الحقيقي في التأهيل:
استعادة المدى الحركي بالكامل (Full Range of Motion) لمفصل الرسغ والأصابع.
تحرير الالتصاقات وتليين الأنسجة بعد التدخل الجراحي.
تقوية عضلات الساعد واليد (Grip Strength) عشان يرجع لروتين حياته وشغله بدون أي عائق أو خوف.
الفيديو ده مش مجرد تمرين، دي النتيجة بعد التزام ومجهود حقيقي.. النهاردة المدى الحركي رجع طبيعي بنسبة 100% وقوة الإيد رجعت زي الأول وأحسن.
العلاج الطبيعي بعد جراحات العظام مش رفاهية.. هو الخطوة اللي بترجعك لحياتك الطبيعية.
الحمدلله دائماً وأبداً.♥️♥️
#كسور
