Dr. Sarah Nasreldein د. سارة نصر الدين

17/08/2026

حتى لو بتغير السن كل مرة ممنوع تماما تركيب سن القلم و استخدام القلم لاكتر من شخص

15/08/2026

حاجتين غير الفيتامينات لو مش قادر تغطي احتياجك منهم لازم تاخذهم في صورة مكملات و خصوصا لو انت ماشي على حقن التخسيس
البروتين و الألياف

09/08/2026

زي ما دايما بنقول ان مفيش نظام يعمم لكل مرضي القولون لان ببساطة كل مريض ليه أعراض و شدة و موقع مرض مختلفين و ناس عندها مضاعفات و ناس لا و ناس عملت عمليات و ناس لا و ناس عندها سوء تغذية و ناس لا دة غير الميكروبيوم او بيئة بكتريا الأمعاء اللي بتختلف من حد لحد في تكوينها و عددها و المواد الناتجة عنها
كمان الألياف .. المنع المطلق دة كلام قديم المهم حاليا هو أي نوع ألياف لأي مريض بأي كمية في اي مرحلة من المرض
التغذية المخصصة لكل مريض على حدة هي المستقبل بعيدا عن المنع الغير ضروري و أضراره

08/08/2026

أ.د خالد عبد العاطي على قناة النهار

Monday 💜 10 August at 11.30 am 👌Join us as we welcome Dr khalid abdelaty Professor of Gastroenterology and Endoscopy, Alexandria University, Consultant in Inflammatory Bowel Diseases, and Member of the European Crohn's and Colitis Organisation (ECCO).
With an outstanding career marked by remarkable clinical expertise, academic excellence, and numerous professional achievements, our distinguished guest will share the latest evidence-based approaches to diagnosing and managing inflammatory bowel diseases .

01/08/2026

👈🏻أعداء البيض اللي مش لاقيين حاجة يفطروا بيها فبيفطروا شاي و بسكوت او سندوتش جبنة..
👈🏻الناس اللي عندها عداوة غير مبررة مع البيض ..
👈🏻الناس اللي بتتهم البيض انه بيرفع الكولسترول و يسبب الكبد الدهني
👈🏻و اخيرا الناس اللي بتبصلي من فوق لتحت و أنا بحاسب علي البيض عند الكاشير 🤨🤨
👩🏻‍⚕️تعالوا اقولكوا معلومة
💡عارفين لما بيحبوا يعملوا تجارب على الفيران و يسببولهم كبد دهني عشان يدرسوا تاثير فيتامين او علاج عليهم قبل ما يطبقوه على البشر بيعملوا ايه؟ بيمنعوا عنهم الكولين و المثيونين يقوم الفيران -و بالمناسبة كمان الإنسان -يجيلهم كبد دهني .
💡عارفين بقى ايه اكتر superfood مليان كولين و مثيونين بعد الكبدة؟ ايوة هو البيض
البيض اللي انت بطلت تأكله و بدلته بالنشويات البسيطة و من ساعتها مبتشبعش و بتلقط أكل كل شوية ..
🔮البيض بروتين حيواني عالي الجودة مناسب لوجبة الفطار و العشا سعره قليل و متاح تاخده معاك في أي مكان مش محتاج تحضير كتير و يمكن فصل البروتين فيه عن الدهون و دهونه غير ضارة لو اتاخدت باعتدال بل بتمنع مشاكل صحية و بتحسن نمو و ذكاء الأطفال
المميزات دي مش موجودة غير في البيض
🔮و لو انت بتاكل البيض و بتزهق منه غير شوية في شكله او سيبه شوية و خد بدايل صحية تانية و ارجعله تاني لان مينفعش تخسره

23/07/2026

من اقرب زوار العيادة إلى قلبي
شخصية جميلة و مبهجة اللهم بارك
اللهم استخدمنا ولا تستبدلنا
البوست بعد استئذانها طبعا

18/07/2026

حاجة لاحظتها و بدأت اقرأ عنها لقيت دراسات جديدة عنها
مرضى السمنة مع التهاب الأمعاء المناعي اتحسنت تحاليلهم و اعراضهم و نتيجة منظارهم وًكتير من مرضى القولون العصبي مع السمنة اعراضهم اتحسنت كتير مع خسارة الوزن مع حقن التخسيس الموجود حاليا ويجوفي و مونجارو
و الدراسات كمان قالت إنها قللت عدد مرات الحجز في المستشفى و العمليات الجراحية
و الأسباب هي :
١-لان السمنة حالة من الالتهاب المستمر و اللي بتنتج مواد التهابية تزود هجمات المرض المناعي.
٢- تنظيم الاكل و المباعدة بين الوجبات حسن كتير من أعراض الانتفاخ و الألم.
٣- تحسين الميكروبيوم داخل الأمعاء مع الالتزام بالأكل الصحى مع الحقن
المونجارو و الويجوفي بقوا من ضمن بروتوكول علاج امراض زي القلب و السكر و غيرها لكن هي ممكن يصبحوا جزء من علاج امراض اخري زي الأمراض المناعية و انواع السرطان المرتبطة بالسمنة؟؟
هسيبلكوا لينكات الدراسات في التعليقات

13/07/2026

نصيحة:
لو انت عاوز تزيد في الوزن مفيش غير انك تستبعد الأسباب العضوية و تزود سعراتك و تاخد الفيتامينات اللي محتاجها و تصبر
و فيه ناس طبيعتها نحيفة و صعب تزيد

لازم مرتبك يبقي اكتر من اللي بتصرفه عشان تقدر تحوش
ولازم سعراتك تبقى اعلى من احتياجك عشان تخزن الزيادة منها و تزيد

مفيش حباية سحرية هتتخنك من عير ما تأكل
و احذر الكورتيزون و الترياكتين