24/08/2026
أكتر جملة بتبوظ العلاقات: أنا بعمل كل اللي أقدر عليه وإنتي مش حاسة💔
إنتي شايفة إنه اتغير، وهو شايف إنك بقيتي بتطلبي كتير.
إنتي محتاجة اهتمام أكتر، وهو مقتنع إنه بيعمل كل اللي يقدر عليه.
إنتي بتقولي: "أنا مش حاسة بيك".. وهو جواه بيقول: "أنا تعبت عشانك، أعمل إيه أكتر؟"
فمين فيكم الغلطان؟!
يمكن ولا واحد..
يمكن المشكلة إن كل واحد فيكم بيحب بس بلغة التاني مش بيفهمها.
نفس التصرف اللي بالنسباله اهتمام، ممكن بالنسبالك يكون إهمال.
ونفس الاحتياج اللي بالنسبالك طبيعي، ممكن هو يشوفه ضغط ومبالغة.
وعشان كده
في سلسلة "مش ضد بعض.. حنا مختلفين"❤️🌷
هنكشف 10 مواقف بتحصل في بيوت كتير جدًا،
ونشوف كل موقف بعينك إنتي وبعينه هو.
مش علشان نطلع مين كسبان ومين غلطان؛
لكن علشان نكتشف سؤال أهم بكتير:
"هو شريكي كان يقصد إيه وأنا فهمت إيه؟"
يمكن تكتشفي إن اللي كنتِ شايفاه بُعد، كان طريقته في القرب.
ويمكن هو يكتشف إن اللي كان شايفه مبالغة، كان احتياج حقيقي جواكي.
استنوا أول موقف😉❤️
يمكن بعد السلسلة دي، تبطلوا تسألوا: "مين فينا الغلطان؟"
وتبدأوا تسألوا:
"إزاي نفهم بعض أكتر؟"
مش ضد بعض.. احنا مختلفين🌷
