Dr. Eman zaki

03/09/2024

أوقات كتير بنمر بفترات صعبة في حياتنا وبتعدي -الحمد لله- بإرادتنا القوية ودعم الأهل والأصدقاء لكن لو المشاعر دي زادت لدرجة انها بتظهر عرض أو أكتر من الأعراض دي👇
- فقدان الاهتمام أو المتعة بالأنشطة التي كنت بتحبها
- التغيرات في الشهية أو الوزن (زيادة أو نقص)
- صعوبة في النوم أو نوم كتير
- الشعور بالتعب أو الضعف وعدم التركيز
- مشاعر الذنب أو العجز
- الأفكار السلبية أو المتشائمة عن النفس أو عن المستقبل
- القلق المستمر والمخاوف الغير المبررة
- التوتر والعصبية الزيادة أو الغضب
- التصرفات المضرة بالنفس أو بالآخرين
- الأفكار أو المحاولات الانتحارية
👈 تعرف إنك محتاج مساعدة دكتور نفسي علشان تقدر تخرج من دائرة الألم والحزن وتكمل حياتك

مع دكتورة

28/08/2024

متخليش الشغل يوصلك لكدا.

لازم يكون عندك صلابه نفسيه تخليك تفصل حالتك عن مشاكل الشغل، ولازم تكون عندك صلابه ذهنيه تخليك واعي إن برغم سحلة الشغل إلا إنك لسه فاكر إنه وسيله لجلب الفلوس الي هتعيش بيها، لكن الشغل مش هو الحياه في حد ذاته.

كمان لازم تتعلم ترتيب أولوياتك وبلاش تلهث ورا الراتب الأعلى حتى لو على حساب حاجات تانيه أهم زي صحتك وأسرتك ومستقبلك المهني.

وبالمناسبه
المذاكره والإطلاع المستمر هيوفروا ليك فرص كويسه تخليك متضطرش تكمل في مكان وانت شبه الصوره دي.

25/08/2024

#التعلق المرضي
#مشكله التعلق فى العلاقات العاطفية
#أن يصبح طرف فى حاله تعلق شديد بالطرف الاخر
#يصبح هو محور الكون ولا يوجد احد سواه
لا توجد لديه حياه اجتماعية اخري غيره اصبح انسان منغلق علي نفسه
مش شايف الا الطرف الاخر وبس
ببشوف نفسه من خلاله هو وبس
هو سر الحياه ولا بشعر بالسعادة الا بوجوده فى حياته
عندما يبتعد يشعر بالقلق والتوتر والخوف
وتبدأ الأفكار السلبيه بالظهور له
بيعتبره مصدر كل حاجه حلوه فى دنيته
من خلاله ممكن يشوف تقديره لنفسه أو إمكانياته وقدراته و بدونه يكون لاشئ

كيف نتخلص من التعلق العاطفى ؟
الاعتراف أساس حل المشكله
تعترف انك عندك تعلق وعايز تتخلص منه
أن يكون لديك وعى وإدراك
و يكون لديك اراده وعزيمه قويه جدا
تحدد ايه الحاجات اللى متعلقه به من الشخص الآخر
ايه المشاعر اللى يمدها لك الآخر هل الامان أو الاهتمام مثلا؟

أن تحدد اسباب التعلق من الطفوله وده محتاج حد متخصص يساعدك فيه

لو حددنا النقاط دى سهل جدا اننا نفك التعلق
أن تمارس هوايات وأنشطة ورياضه تخرج الطاقه السلبيه اللى جواك
أن تحدد اهداف واحلام تشتغل عليها لنفسك
تكون صداقات جديدة إيجابية
تهتم بنفسك تحب ذاتك تقدر نفسك تعرف تسعد نفسك بنفسك
محتاج تزود ثقتك بنفسك
محتاج تقرب لربنا كتيرر
محتاج أن لا تضعف ولا تستسلم تكون قوي جدا
وواثق انك حتنجح
الاستمرارية مطلوبه
حياتك تستحق

👈🏻 لحجز استشاره التواصل على الواتساب
# 01140678110

21/08/2024

دكتور ايمان في مصر 😍

دكتور ايمان ذكي حاصلة علي درجتي الماجستير و الدكتوراة في ال social work من جامعة Touro-Newyork

أخصائية نفسية بمركز علاج الإدمان ب Brokyln- Newyork

هتبقي متواجدة خلال شهر ٩ في الإسكندرية و القاهرة😍

الحجز من خلال الصفحة
او عن طريق التواصل what’s app علي رقم 01140678110
او اكتب كلمة نفسي وهيتم الرد بالتفاصيل☺️

14/08/2024

"الإهتمام مش بيطلب"

جُملة شائعة أغلبنا بيقولها على سبيل الجد والهزار هل هي صح ولا غلط؟

تابع معايا وأنا هقولك يا عزيزي. 👀

أولًا كدا الجملة ذات نفسها غلط ميه بالميه تعالى أقولك ليه ونصحح المفاهيم سوا. 🚶🏻

تعريف الإهتمام في علم النفس هو تصويب إنتباه الطرف الأخر نحو فكرة مُعينة وجعلها مركز النظر ومحط إهتمامنا..
معنى كدا إيه؟
معنى كدا إن الإهتمام بيطلب عادي جدًا أهو، أن الشخص اللي معايا مش هيتنبئ بـ إحتياجاتي من تلقاء نفسه، مش هيعرف أنا عايزة إيه غير لما أنا أقول أو ألفت نظرة لفكرة معينة تُعنيني، متتكسفش تقول أنت محتاج إيه خاصتًا لو أنت داخل علاقة جديدة مع شخص جديد مش عارف طبيعة إهتماماتك، متتكسفش تلفت نظرة لشئ أنت محتاجة، لأن طبيعي أحنا مش بنبقى عارفين إهتمامات الشخص اللي قدامنا غير لما هو يعبرلنا عنها..
عبر عن إحتياجاتك وأطلبها بس بأسلوب صحيح مش بأسلوب أمر لأنه في فرق بين الإثنين.. وخليك عارف أن الإهتمام بيطلب في أي علاقة في الحياة مش شرط علاقة حب فقط..

بس خد بالك وحاول تفرق بين طلب الإهتمام والمُبالغة في إستجداء الإهتمام طب أخلي بالي أو أقدر أحدد إزاي يا مروة؟
أنت بتطلب الإهتمام وبتلفت نظر اللي قدامك للنقطة دي مره وإتنين وثلاثة وبس كده أستوب مينفعش تطلبها تاني لـ تتقبل الأمر وتسكت لـ تتكلم فيها وتحاول تحلها مع الطرف الآخر..

الإهتمام طلبه جميل ولكن المُبالغة في طلبه مُنفرة جدًا جدًا..
وأخيرًا خليك عارف إن مفيش إنسان كامل فـ متطلبش شئ خارق عن العادة..

07/08/2024

يا تري ايه المراحل اللى بيمر بيها من فقد شخص عزيز عليه ؟؟و ايه الفرق بين الاكتئاب و الاسى الناتج من الثكل؟؟ و هل الثكل بيكون نتيجه شخص عزيز فقط ام هناك اسباب اخرى توضع تحت هذا البند؟؟
و اخيرا ازاى اتعامل مع شخص فقد حد عزيز عليه ؟؟؟

اولا :المراحل اللى بيمر بيها من فقد شخص عزيز عليه:
1- مرحله المنبه alarm : و دى حاله عصيبه بتتميز بتغيرات فسيولوجيه شديده زى ارتفلع ف ضغط الدم و معدل ضربات القلب و دى نتيجه سماع خبر الوفاه .
2- مرحله الخدر او البلاده numbness: دى بيظهر فيها الشخص متاثر سطحيا بالفقد و لكن الحقيقه انه يحمى نفسه من التوتر الشديد .
3- مرحله الحنين او الاشتياق pining : و هنا بنحس بالافتقاد الشديد لمن فقدناه ،و بنسترجع كل ذكرياتنا معاه و اخر موقف كان بينا ،و بيبقى فى مشاعر متداخله من القلق و عدم الراحه و الغضب الشديد و هذه المرحله ممكن تستمر لاشهر او سنين عديده .
4- مرحله الكآبه depression: و هنا بيبقى فى احساس شديد بالياس بشان المستقبل و ان هذا العالم ليس له معنى و ان مفيش اى داعى للحياه و العزله الاجتماعيه عن الاخرين .
5- مرحله التعافى recovery: و هنا الشخص بيدرك ان حياته حتستمر بتأقلمات جديده و ان الحياه لسه فيها حاجات جميله و ان فى اشخاص بيحبونا لازم نكمل نعيش عشانهم .

ثانيا :الفرق بين الاكتئاب كاضطراب نفسى و بين الاسى الناتج من فقد شخص عزيز علينا:
مننكرش ان الاتنين مشتركين فى بعض الاعراض زى البكاء و نقص الوزن و نقص الرغبه الجنسيه و العزله الاجتماعيه و نقص ساعات النوم و نقص التركيز و الاهتمام و العرضه للاصابه لمرض عضوى . لكن بالنسبه للفروق اللى بينهم حنلاقى ان فى الاكتئاب الافكار الانتحاريه اكثر انتشارا و ان الاعراض السابق ذكرها لا تقل بل احيانا تسوء و تظل موجوده لسنين طويله و انها لا تستجيب للتدعيم و تبتعد عن الاتصال الاجتماعى و لكن تستجيب لمضادات الاكتئاب اما الاسى الناتج من فقد شخص عزيز بتكون الافكار الانتحاريه نادره و الاعراض السابق ذكرها بتخف حدتها مع الوقت و غالبا بتختفى من 6 شهور لسنه و بتستجيب للدعم و الاتصال الاجتماعى و لكن هذه الاعراض لا تستجيب غالبا لمضادات الاكتئاب لانه ببساطه ليست اعراض اكتئاب و لكنها نتيجه فقد شخص عزيز.

29/07/2024

“ Not every relationship is meant to last forever. “
مش كل العلاقات لازم تكمّل للأبد .. !!
العلاقات اللي ماكمّلتش دي مش لازم تبقى علاقات فاشلة .. يعني مش علشان العلاقة انتهت يبقى نسميها علاقة فاشلة
بالعكس دي كانت مناسبة جدًا لفترتها ، وللأشخاص اللي كنتوا عليها وقتها ، وكان فيها حاجات حلوة كتير وحاجات تانية ماحبتوهاش
ممكن في علاقات تكون عرّفتك على أكلة جديدة أكلتوها سوا ، كتاب أو رواية مكنتش تعرفها ، أو فيلم شوفتوه مع بعض ، أو حتى مكان جديد روحتوه لأول مرة سوا ..
علاقات كده تكون عرّفتك حاجات جديدة عن نفسك ، اكتشفت فيها ذاتك ، بتحب إيه ومابتحبش إيه ؟ إيه هي حدودك ؟ و إيه شكل العلاقة المريحة بالنسبالك ؟ أو حتى يمكن تكتشف صفات مؤذية فيك و أنت مش واخد بالك فـ بالتالي تقدر تشتغل عليها ..
لذلك في النهاية .. خليكم ممتنين جدًا للعلاقات اللي ماكمّلتش ، للعلاقات اللي انتهت ، للصداقات اللي مابقيتش موجودة دلوقتي
" بعض العلاقات ليست مُقدّرة أن تستمر إلى الأبد ، فهي مُقدّرة أن تُعاش وتُجرّب "

21/07/2024

🌸اخصائي نفسي ( استشارات نفسية و اسرية)🌸

مميزات الجلسات:

• دعم نفسي متخصص
• استراتيجيات لتحسين الأداء الدراسي
• تحسين التواصل والعلاقات الأسرية
• تطوير المهارات الاجتماعية والشخصية

أنواع الجلسات:

• جلسات فردية
• جلسات جماعية
• استشارات أسرية

للحجز أو الاستفسار، عن طريق DM

15/07/2024

احنا جنبك 🥰
بلاش تشيل هم المسافات ، الجلسة الأونلاين بتقرب البعيد 🥰
كل اللي عليك اكتب كلمة #نفسية و احنا هنرد عليك ☺️
#نفسي #نفسية #نفسيه #دكتور

07/07/2024

الحدود الي هتعملها لنفسك والي حواليك مش متعودين عليها لازم تعرف انك هتتهاجم وممكن يتنمرو عليك كمان وتضعف واوقات كتير هتحس انك بتعمل حاجه غلط وكان لازم تتساهل اكتر من كدا 💔

بس انا بقولك انت صح وماشي في الطريق الصح اكتر حاجه صحيه هتعملها لنفسك تريحك من صدمات وانكسارات واستغلال كتير هي الحدود ودي اكتر حاجه هتتهاجم عليها لانك كنت متاح ومباح اي وقت مشاعرك ووقتك وحدودك وخصوصياتك وحياتك 💔

انت ازاي اتغيرت كدااا________علشان اتعلمت 👌

انت ليه بقيت عنيد ________علشان مصر علي موقفي وحدودي والمناسب ليا 👌

انت اناني مابتفكرش غير في نفسك _____ ولما فكرت في غيري واستغلوني وماكنش ليا حدود كسرت قلبي وحدودي وتم استغلالي 👌

الي عاوزك تلغي حدودك هو الي عنده مشكله مش انت

الحدود صحيه ليك وللي بيتعاملو معاك ولا انا ليا حق اتخطي حدودك ولا انت تتخطي حدودي امان ليك وليا ودوام ود ليك وليا👌🤎🫂
✍️
#نفسية #معلومةنفسية

29/06/2024