كريمه عبده عبد الحميد
خبير تغذيه علاجيه(دكتوراه في التغذيه العلاجيه)
اشتشاري ارشاد اسري
استشاري سلامه وصحه مهنيه.
مدرب معتمد في السلامه والصحة المهنيه(السلامه في المستشفيات)
عضو الجمعية العربية لخبراء محترفي السلامة والصحة المهنية
مدير عام معامل الأغذية بالمعمل الإقليمي المشترك سابقا
36 سنة خبرة عملية في مجال الصحة وسلامة الغذاء
القصة ابتدت من قبل كده سنين أول مطلعت معاش (عمر الربيع المفروض
ابتدى زي مابيقولوا ) لكن الواقع كان مختلف تماما ,روتين الحياة فرض نفسه او بمعني اصح روتين قعدة البيت ,بعد ماكان يومي كله نشاط وحركة وسفر اتبدل لأعمال منزلية وعبادة فقط وتحولت حياتي إلي حياة نمطية جدا عمري ماتخيلتها وبدأت ثورة الجسد مابين زياده وزن,خشونة مفاصل,واّلام عمود فقري وبدأت امشي بشنطة العلاج(كيسه العلاج).
إلي أن قررت اني مش حستسلم وقعدت مع نفسي وقررت أني اتصالح معاها وسمحت للقوة الكامنه بداخلها أن تتحرر واقتنعت أني اقدر اعمل اي حاجه مهما كانت لان دي اصلا كانت طبيعتي فقررت اني أخس وأصلح جسمي واخمد نيران ثورته واستغل خبرتي الطويلة في الكمياء الحيوية والعمل في فحوص الأغذية بدراسة التغذية السليمة والصحية وكيفيه استقبال كل عضو من أعضاء الجسم للغذاء وقدرت افهم جسمي وازاي افيده بالغذاء وازاي انزل وزني من غير مااضره بشكل صحي وبإسلوب حياه مش مجرد رجيم ,واعالج امراض جسمي بتنظيم الغذاء .
الموضوع مكنتش بس زياده الوزن ولكن صحتي النفسية هي كمان اتغيرت للأسوأ لاني متعودة اني شخص مؤثر مش شخص ساكن .
فكان القرار اني أخس والحمد لله بفضله وبفضل ماعلمني إياه قدرت أنزل وزني واتعامل مع مشاكل جسمي الصحية والنفسية وقررت لما تجربتي نجحت أولاا معايا اني افيد بيها ناس اّخرين .
الحياة بعد المعاش لازم نعيشها صح نستمتع بيها ونستغل خبرتنا علي مدار سنين عمرنا اننا نفيد بيها الجيل الصاعد.
وعشان كده الصفحة دي بمثابة دعوة عامة لأي شخص ذو خبرة حابب يترك أثر في الحياة.
لكم مني كل محبة وصحة وسلامة وعافية
كريمة عبده
