Psychologist Peter Magdy

Call Directions Website Contact the practice

Psychologist Peter Magdy Contact information, map and directions, contact form, opening hours, services, ratings, photos, videos and announcements from Psychologist Peter Magdy, Mental Health Service, Alexandria.

▪️ أخصائي نفسي | معالج نفسي 🧠
▪️ خبرة 10 سنوات في دعم الصحة النفسية
▪️ علاج سلوكي معرفي (CBT)
▪️ صدمات نفسية | قلق | علاقات
▪️ بساعدك تفهم نفسك وتتعامل مع مشاعرك بشكل صحي 🤍

12/10/2026

ليه الوسواس القهري مش راضي يسيبك ؟!

#الوسواس #علمالنفس #علاج

ليه بتستحمل ناس بتأذينا كل يوم ؟‼️تخيل نفسك ماسك في حاجة بتجرح كف إيدك ومكمل برضه عشان خايف من الفراغ ! ده بالظبط اللي ب...
10/10/2026

ليه بتستحمل ناس بتأذينا كل يوم ؟‼️

تخيل نفسك ماسك في حاجة بتجرح كف إيدك ومكمل برضه عشان خايف من الفراغ !

ده بالظبط اللي بنعمله لما بنتمسك بعلاقات مستنزفة خوفًا من الوحدة.

المشكلة إننا ساعات بنخاف نقعد لوحدنا، فنرضى بوجود ناس بتتعبنا وتستنزف طاقتنا، لمجرد إننا مش عايزين نحس بالوحدة.. ومع الوقت بنتعب نفسيًا أكتر! 💔

لازم تفهم إن : 👇

🔹قعدتك مع نفسك شوية تفصل فيها دوشة الناس، مش مرض نفسي،
دي «فترة شحن» بتعيد فيها ترتيب دماغك وقلبك. 🧘‍♂️

🔹وجود ناس جنبك لمجرد منع الفراغ بيستنزف أعصابك،
وبيكلفك من صحتك النفسية أكتر بكتير من قعدتك لوحدك. ⚠️

🔹العلاقات السوية بتدعمك وتطمنك، مش بتخليك كل ما تقرب منها
تخرج مجروح ومستنزف لكل طاقتك. !❤️‍🩹

💭 اسأل نفسك بهدوء النهاردة :
الناس اللي حواليك بيزودوا طاقتك ولا بيسرقوها؟!


#علاقات

الست أكتر شخص بيختار غلط ❌الأنثى بتختار دايماً على حسب المشاعر والاحتياجاتفدايماً أغلبية اختياراتھا في العلاقات ... غلط ...
08/10/2026

الست أكتر شخص بيختار غلط ❌

الأنثى بتختار دايماً على حسب المشاعر والاحتياجات
فدايماً أغلبية اختياراتھا في العلاقات ... غلط !

لأن هي بتختار في الأول على حسب أنا مرتاحة مع ده !
" طب هل ده مناسب أصلاً معاكي " ؟

فتقولك : مش مهم معرفش !!
" أنا مش بفكر في هو مناسب ولا لا " ...

ممكن يكون هو أصغر منها بكثير ... بس هو أنا مرتاحة معاه وخلاص!!

طب انتي مرتاحة بس هو مش مناسب
كوضع ... مش مناسب معاكي !

مش معنى إن هو إداكي احتياج يبقى هو مناسب !

يعني البنات أصلاً ما بتبصش على المناسب !
بتبص على ... هو إداني إيه
أنا إرتاحت معاه
أو اتبسطت معاه وخلاص فمتعلقة بيه !

مرة الفنانة ياسمين صبري قالت " أصلة بيضحكني " !😁
( يعني عشان بيضحكك يبقى مناسب ؟! )❌

وعشان كده… قبل ما تقولي :
"أنا مرتاحة معاه"، اسألي نفسك سؤال أهم :

"هو مناسب ليا فعلًا… ولا بس بيديني احتياج أنا مفتقداه؟" 🤔

صحيح الراحة مهمة، والاهتمام مهم، والضحك مهم ❤️
لكن الأهم : هل الشخص ده مناسب لقيمك، وشخصيتك، وطموحك، وطريقة حياتك؟
هل تقدروا تكملوا بعض…
ولا هو بس لمس احتياج جواكي فخلاكي تتعلقي بيه؟

خلي بالك…
مش كل شخص أشبع احتياج عندك، يبقى هو الشخص المناسب ليكي!

أحيانًا إحنا ما بنختارش الشخص…
إحنا بنختار الإحساس اللي بيخلّيه جوانا‼️

بيتر مجدي / أخصائي نفسي




أنت بتضحك على نفسك وجسمك هو إللي بيدفع الفاتورة‼️أشطر حاجة بنعملها لما بنمر بوجع كبير أو صدمة هي إننا نهرب.. وبنقول بكل ...
06/10/2026

أنت بتضحك على نفسك وجسمك هو إللي بيدفع الفاتورة‼️

أشطر حاجة بنعملها لما بنمر بوجع كبير أو صدمة هي إننا نهرب.. وبنقول بكل ثقة :
( الموضوع عدى وخلاص.. ومحدش بقا بيأثر فيا ) !

بس هل أنت تجاوزت فعلاً؟ ولا مجرد دفنت الوجع وهو حي؟! 🧠

مخك الواعي تقدر تخدعه بكلمتين، لكن من الناحية العلمية الجهاز العصبي (Nervous System) مابيعرفش يكدب.. ومابيفهمش التواريخ ولا التقويم!

لما بتحصل صدمة وما بتاخدش حقها في التعبير والتفريغ، عقلك مابيعرفش يعملها "أرشفة" في الماضي.

إللي بيحصل إن جسمك بيتحبس في حالة طوارئ مستمرة (Fight or Flight)..
ومع الوقت الكتمان ده بيتحول لـ فاتورة ثقيلة بتدفعها من صحتك وحياتك على شكلين :

📌 أولاً : الفاتورة الجسدية (لما جسمك يقرر يصرخ نيابة عنك)

كتير بنروح لـ أطباء وبنعمل تحاليل وأشعة وبتطلع "سليمة"، ومع ذلك الألم موجود ومستمر!

• القولون العصبي ومشاكل المعدة
• التعب المزمن وألم الضهر والأكتاف
• الصداع النصفي واضطرابات النوم

📌 ثانياً : الفاتورة العاطفية (تكرار نفس السيناريو المؤذي)

وتستغرب وتسأل نفسك :
( أنا ليه كل مرة بختار نفس نوعية الناس اللي بتأذيني وتكسرني؟ ) !

• عقلك الباطن بيميل دايماً للشيء "المألوف" حتى لو كان مدمّر!

بيسحبك لنفس العلاقات السامة، أو الأشخاص النرجسيين والمهملين عاطفياً..
في محاولة منه إنه "يعيد الفيلم ويغير النهاية المرة دي"
عشان يثبت لنفسه إنه يستحق الحب !

• أو العكس.. إنك تجري وتهرب فوراً وتخرب العلاقات السليمة أول ما تحس إن الطرف الثاني بدأ يقرب منك بجد لأن القرب بالنسبة لك بيعني "وجع محتمل" !!

💡 الحقيقة بقى اللي لازم فعلاً تستوعبها :

التجاوز مش معناه إنك تعمل نفسك مش شايف الجرح، ولا إنك تضغط على أسنانك وتعيش دور الشخص القوي اللي مابيعيطش ومابيزعلش !

التجاوز الحقيقي بيحصل لما تعترف بوجود الوجع فعلاً،
وتسمح لجسمك إنه يفرغ الشحنة المكبوتة.

جسمك مش عدوك..
الأعراض والألم اللي عندك دول مجرد "جرس إنذار" بيقولك :
في جرح قديم محتاج يتنضف ويترمم بجد، مش يتردم عليه !

بيتر مجدي / أخصائي نفسي







السكوت مش دياماً علامة رضا‼️مش كل واحد سكت يبقى موافق.في ناس بتسكت لأنها اتعودت من وهي صغيرة إن كلامها ملوش لازمة!وفي نا...
04/10/2026

السكوت مش دياماً علامة رضا‼️

مش كل واحد سكت يبقى موافق.

في ناس بتسكت لأنها اتعودت من وهي صغيرة إن كلامها ملوش لازمة!

وفي ناس بتسكت عشان كل مرة اتكلمت فيها، اتحولت المشكلة عليها

"إنت حساس زيادة."
"إنت مكبر الموضوع."
"ما كل الناس بتعمل كده."
"إنت اللي فاهم غلط."

فيبدأ الشخص يتعلم إنه بدل ما يشرح وجعه… يسكت!
بدل ما يعترض… يعديها

بدل ما يقول "إنت جرحتني"… يقول "ولا يهمك"
وبدل ما يطلب حقه… يقول "مش مستاهلة"

لحد ما الناس حواليه تفتكر إنه راضي عن كل حاجة!
وهو في الحقيقة بيبعد عنهم حتة حتة.

وده بيحصل كتير جدًا في العلاقات الزوجية!

واحدة كل مرة جوزها يزعق لها، تسكت.
كل مرة يقلل منها قدام أهله، تعديها.
كل مرة تتضايق، تبلع كلامها عشان "البيت ما يخربش".

فيبدأ هو يفتكر إنها متقبلة!
لحد ما في يوم تلاقيها اتغيرت…

مش بتعاتب.
مش بتسأل.
مش بتتكلم.
ومش حتى بتحاول تصلح.

وساعتها يقولها :
"إنتِ اتغيرتي فجأة" !

لا…
هي اتكلمت جواها كتير جدًا… لحد ما تعبت من الكلام!

ونفس الحكاية مع الابن اللي بطل يحكي لأهله، والصاحب اللي بطل يعاتب، والموظف اللي بطل يشتكي، والشخص اللي بطل يطلب حقه!

السكوت أحيانًا مش معناه إنك كسبت موافقته.
ممكن يكون معناه إنه فقد الأمل إنك هتفهمه!

وعشان كده، متستناش الشخص اللي قدامك يزعق عشان تصدق إنه متضايق.

اسأله
اسمعه
خد اعتراضه بجدية

وسيبه يقول "لأ" من غير ما تعاقبه عليها!

لأن الشخص اللي بيقدر يتكلم معاك وهو زعلان…
لسه بيحاول يحافظ على العلاقة.

لكن الشخص اللي بطل يتكلم خالص؟
ممكن يكون بدأ يحافظ على نفسه.

🛑 الخلاصة :

مش كل سكوت رضا…

أوقات السكوت خوف.
وأوقات السكوت تعب.
وأوقات السكوت يأس.
وأوقات بيكون الشخص قال كل اللي عنده…
ومبقاش عنده طاقة يعيد نفسه تاني!

فلو حد قريب منك سكت بعد ما كان بيتكلم ويعاتب ويناقش…

متفرحش إن "الدنيا هديت".
ممكن تكون الدنيا ما هديتش…
ممكن الشخص هو اللي خلاص استنزف خلاص!

بيتر مجدي / أخصائي نفسي



03/10/2026

حيلة نفسية بيستخدمها معاكي عشان يسيطر عليكي‼️

أصعب حاجة إنك تبقى سند لكل الناس… ومفيش حد شايلك!!في كل عيلة تقريبًا فيه الشخص ده…اللي لو هو وقع، البيت كله ممكن هيقع!ال...
30/09/2026

أصعب حاجة إنك تبقى سند لكل الناس… ومفيش حد شايلك!!

في كل عيلة تقريبًا فيه الشخص ده…
اللي لو هو وقع، البيت كله ممكن هيقع!

اللي شايل أبوه وأمه وإخواته، بيشتغل أكتر من طاقته،
وبيحط فلوسه كلها في البيت، ويأجل جوازه، ويأجل أحلامه، ويقول :

"بعد ما الدنيا تهدى شوية… أبقى أشوف نفسي."

بس الدنيا مبتخلصش!
مشكلة ورا مشكلة…
ومسؤولية ورا مسؤولية…
وهو كل مرة بيحط نفسه في آخر القائمة.

وفيه واحد تاني بيظهر في العلاقات بنفس الطريقة…
يحب واحدة، فيقرر يبقى كل حاجة بالنسبة لها.

يبقى حبيبها…
وصاحبها…
وأبوها وقت ما تحتاج…
وأمها وقت ما تنهار…
والشخص اللي يحل مشاكلها، ويطمنها، ويشيل عنها،
ويجري عليها كل ما الدنيا تضيق بيها!

يفضل يدي…
فلوس.
وقت.
أمان.
اهتمام.
تنازلات.
وفرص.

لحد ما العلاقة نفسها تخلص…

وهو يخرج منها مش بس موجوع.
يخرج وهو مش فاهم هو ضيّع فين السنين اللي فاتت!

المشكلة إن الشخص اللي اتعود يكون "المنقذ"
غالبًا بيحس بقيمته من احتياج الناس ليه.

كل ما حد احتاجه أكتر، يحس إنه مهم أكتر.
وعشان كده ممكن يستحمل فوق طاقته جدًا…

مش لأنه قوي للدرجة دي.
لكن لأنه اتعود يثبت إنه يستحق الحب عن طريق التضحية.

فيشتغل لحد ما ينهار…
ويساعد لحد ما يخلص…
ويحب لحد ما يختفي…
ويفضل واقف جنب الكل، وهو نفسه مفيش حد واقف جنبه!

والأخطر؟

إن الناس ممكن تتعود على عطائه لدرجة
إن تضحيته تتحول من "فضل" إلى "واجب"!!

ولو في يوم قال :
"أنا تعبت."

يبدأ يسمع :

"إنت اتغيرت."
"إنت مبقتش زي الأول."
"إحنا كنا معتمدين عليك."

فيحس بالذنب…
ويرجع تاني لنفس الدور.

لحد ما في يوم يبص لنفسه ويكتشف إنه أنقذ ناس كتير…
بس خسر نفسه!

مشكلتك مش إنك بتحب الناس.
ومش إنك جدع.
ومش إنك مسؤول...

المشكلة إنك ممكن تكون اتعلمت إن حبك للناس لازم يكون على حسابك!

وإنك لو مبقتش مفيد… محدش هيحتاجك.
وده محتاج يتفهم ويتغير،
مش مجرد إنك تسمع نصيحة وتقول "من النهاردة هقول لأ" !

لو طول عمرك شايل غيرك، وبتحس إنك مسؤول عن راحة كل اللي حواليك، أو دخلت علاقات ضيعت فيها نفسك وأنت بتحاول تنقذ الطرف التاني…

📩 ابعتلنا رسالة واحكيلنا اللي بيحصل معاك.

العلاج السلوكي ممكن يساعدك تفهم ليه بتدخل الدور ده من الأساس،
وإزاي تبدأ تخرج منه من غير ما تتحول لشخص قاسي أو أناني.

و صدقني...
انت مش محتاج تنقذ كل الناس

الشخص الوحيد اللي انت فعلاً محتاج تنقذه ... هو نفسك.!



29/09/2026

مش عارف أنام من التفكير... أعمل إيه؟🤯

#النوم #القلق #نفسيه

أنا بفتش في موبايل ولادي عشان أحميهم‼️طب خليني أسألك سؤال أصعب :إنت عايز تحمي ابنك… ولا عايز تعرف كل حاجة عنه حتى لو من ...
27/09/2026

أنا بفتش في موبايل ولادي عشان أحميهم‼️

طب خليني أسألك سؤال أصعب :
إنت عايز تحمي ابنك…
ولا عايز تعرف كل حاجة عنه حتى لو من غير ما يستأمنك؟!

في عائلات كتير بتتعامل مع موبايل ابنها كأنه حق تفتيش مفتوح :

تفتح الواتساب…
تقرأ المحادثات…
تفتش الصور…
تدخل على البحث…
وتقرأ المذكرات الشخصية!

وبعدها تواجهه بكل اللي عرفته وتقول :

أنا أبوك/أمك، ومن حقي أعرف كل حاجة عنك!

⚠️ هنا لازم نفرّق بين المتابعة وانتهاك الخصوصية.

المتابعة إنك تعرف أصحاب ابنك، وتعرف هو بيروح فين، وتبقى واعي بالإنترنت اللي بيستخدمه، وتحط قواعد مناسبة لسنه وتحميه من المخاطر الحقيقية.

لكن إنك تفتش كل حاجة في الخفاء، وبعدين تستخدم أسراره ضده…
ممكن يعلّمه درس مختلف تمامًا عن اللي أنت عايز تعلمه ليهم !

🧠 بدل ما يتعلم :
"لو حصلتلي مشكلة أروح لبابا وماما."

ممكن يتعلم :
"لازم أخبي المشكلة قبل ما هما يعرفوا."

وبدل ما يطلب مساعدتك لما يتعرض للتنم*ـــر أو الابتــ*زاز أو علاقة مـؤذية…

ممكن يبدأ يمسح المحادثات، ويخفي الحسابات، ويعمل كلمات سر، ويستخدم جهاز تاني، ويكذب في التفاصيل.!

وده مش معناه إن الطفل أو المراهق له خصوصية مطلقة مهما كان بيعمل.
طبعًا لأ.

لو فيه خطـــ*ر حقيقي: ابتــ*زاز، استغلال، تهـــ*ديد، محتوى جـ نسـي، شخص بالغ بيستدرجه،
إيـ ـذاء للنفس، أو سلوك ممكن يعرّضه لخـ ـطــر حقيقي…

- التربية الصحية مش إنك تعرف كل حاجة عن ابنك.!

التربية الصحية إن ابنك لما تحصل له حاجة…
يكون أول شخص يفكر يروح له هو أنت. ❤️

خليه يحس إن عنده مساحة خاصة، وفي نفس الوقت عنده أب وأم
واضحين في الحدود والقواعد وموجودين وقت الخطر.

لأنك لو بنيت علاقتك بابنك على المراقبة والخوف…

ممكن يفضل عايش معاك في نفس البيت،
لكن يبدأ يبني حياة كاملة أنت آخر واحد يعرف عنها.!


#المراهقين

26/09/2026

أسرع طريقة للتخلص من التسويف !

Address

Alexandria

Telephone

+201220232780

Website

,

Alerts

Be the first to know and let us send you an email when Psychologist Peter Magdy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Psychologist Peter Magdy:

Shortcuts

Share

Category