عيادة كيان للطب النفسي و العلاجات الجماعية - د. نبيل علي نصر

21/08/2026

الهروب من عيوبنا مش بيحلها.. المواجهة هي أول خطوة للتغيير

إحنا دايما بنحاول نداري عيوبنا أو نتجاهلها، بس الحقيقة إننا طول ما إحنا مش معترفين بيها، بتفضل مأثرة على حياتنا وقراراتنا.

إن شاء الله.. بكرة السبت هنكمل رحلتنا في اللقاء التاسع عشر من مبادرة قراءة وأثر، وهنغوص أكتر في الجزء التالت من مناقشة كتاب "أنت وعيوبك face to face" للكاتب محمد رفاعي.

اللقاء مفتوح للكل، حتى لو دي أول مرة تحضر معانا.

تفاصيل اللقاء:
الميعاد: السبت 22 أغسطس 2026.
التوقيت: الساعة 9 مساء بتوقيت القاهرة.
المكان: أونلاين (Google Meet)، والحضور مجاني.

علشان يوصلك رابط الحضور المباشر وكل التفاصيل، اكتب في التعليقات كلمة "اكتشف" وهنبعتلك رسالة بالتفاصيل.

متنساش تشارك البوست مع اللي بتحبهم علشان الأثر يعم، وتكون سبب إن حد يبدأ رحلة التغيير والتصالح مع نفسه.

كلمات تقرأ.. وحياة تتغير.

18/08/2026

15/08/2026

أيام تملؤها العافية هو الشعار الذي ينطلق من خلاله فعاليات برنامج العافية النفسية لصيف 2026 شعار لخلق دوائر للحوار والعافية والاستمتاع لكل أفراد المجتمع مع الكثير من الاهتمام بالعلاج بالفن والحركة والإبداع كطاقة خلاقة للتغير الواعي.

كلنا بندور على الأمان والسكن والراحة في علاقاتنا.. بس فجأة، بنلاقي نفسنا أبطال في فيلم إحنا أصلاً مخترناش أدواره! سيناريوهات تتكرر، خناقات من الهوا، سوء تفاهم، توقعات بتخيب، وساقية من الضغط النفسي بتسحب طاقتنا كل يوم

سألنا نفسنا قبل كده: إحنا ليه بنقع في نفس الغلطة؟ ليه ننجذب لنفس النوع من الناس؟ وإزاي نوقف الدراما دي؟

"دراما العلاقات" مش مجرد كلام متزوق أو نصائح سطحية.. دي خريطة طريق حقيقية هنحاول نغوص بيها مع بعض عشان نفهم اللى بيحصل وراء الكواليس في علاقاتنا الإنسانية.

‏موعدها الاثنين 17 أغسطس ٢٠٢٦ – من الساعة 2:00م حتى الساعة 4:00م

بقاعة المحاضرات – مكتبة الإسكندرية

يلقي المحاضرة:

د. نبيل علي نصر (أخصائي الطب النفسي)

للحجز: https://forms.gle/acHwrFbVkDnRSUPV9

14/08/2026

مكملين رحلة اكتشاف نفسنا ومواجهة عيوبنا بشجاعة

إن شاء الله، بكرة السبت ميعادنا مع اللقاء الثامن عشر من مبادرة قراءة وأثر، والخطوة التانية في قراءة ومناقشة كتاب "أنت وعيوبك face to face" للكاتب محمد رفاعي.

في اللقاء ده هنكمل كلامنا عن إزاي نواجه العيوب اللي بنحاول نهرب منها، وإزاي نتعامل معاها بوعي ومن غير جلد للذات، علشان نقدر نتجاوزها ونبني نسخة أحسن وأقوى من نفسنا.

لو دي أول مرة ليك معانا، تقدر تنضم وتبدأ من اللقاء ده وتستفيد معانا بكل تأكيد.

تفاصيل اللقاء:
الميعاد: بكرة السبت 15 أغسطس 2026.
التوقيت: الساعة 9 مساء بتوقيت القاهرة.
المكان: أونلاين (Google Meet)، والحضور مجاني للجميع.

علشان يوصلك رابط الحضور المباشر وكل التفاصيل، اكتب في التعليقات كلمة "اكتشف" وهنبعتلك رسالة.

متنساش تشارك البوست مع اللي بتحبهم علشان الأثر يعم، وتكون سبب في إن شخص تاني يكتشف نفسه ويطورها.

كلمات تقرأ.. وحياة تتغير.

23/07/2026

14/07/2026

الالتحاق مفتوح بالمجموعة الرابعة من برنامج أصلها ثابت للمتعاملين مع الأطفال والمراهقين

11/07/2026

إن شاء الله أتواجد غدًا الأحد 12 يوليو 2026 في معرض الأسكندرية للكتاب بجناح دار @تشكيل للنشر والتوزيع - Tashkeel Publishing House لتوقيع كتابي الهدوء الذي لا يأتي..

إن شاء الله أتواجد من 6 إلى 7 مساء وأكون سعيد بمقابلتكم جميعًا.. نراكم على كل خير.

#الأسكندرية

09/07/2026

الرجالة في الكهف.. يا ترى إيه اللي حصل!!
شوفوا الفيديو وشاركونا إيه أكثر لقطات حبيتوها....

إن شاء الله انتظرونا في كهوف قادمة ومختلفة.
#الكهف

07/07/2026

التربية مش مجرد توجيه لسلوك ولادنا.. هي في الحقيقة رحلة بنعيد فيها اكتشاف نفسنا.

وسط زحمة الأيام وتحديات العصر، بنحاول بكل طاقتنا نكون السند والأمان ليهم. بس أحيانًا بنقف قدام تغيراتهم السريعة، أو أسئلتهم العميقة، أو حتى تمسكهم بالشاشات، وبنحس إننا محتاجين إحنا كمان مساحة نفهم فيها اللي بيحصل جوانا وجواهم. من الطبيعي جدًا إننا نحس بالإرهاق أو الحيرة، لأننا في النهاية بشر بنحاول نقدم أحسن ما عندنا.

برنامج "أصلُها ثابت" في مجموعته الرابعة متصمم عشان يكون المساحة دي. رحلتنا مش قايمة على نصايح جاهزة أو قوالب مثالية لتربية خالية من الأخطاء، لكنها مبنية على دمج الفهم النفسي العميق بالتطبيق العملي، عشان نقدر نبني "طريقة وجود" جديدة وآمنة معاهم.

إيه اللي هنكتشفه ونتعلمه مع بعض في رحلتنا؟

إزاي نفهم نفسنا ونهتم برصيدنا النفسي الأول عشان نقدر نكون السند الحقيقي.

التعرف على التطور النفسي والاجتماعي، وتركيب المخ البشري وإزاي بنشكل وعيه فيهم.

التدريب على مهارات الاستماع، التعاطف، والتصديق، كبدائل آمنة للعقاب وأساليب التوجيه القاسية.

مناقشة واعية للتربية الجنسية، التهيئة للبلوغ، والتربية الإيمانية والرد على أسئلتهم بطمأنينة.

إزاي ندير تأثير الشاشات والدوائر المحيطة (الأصحاب والمجتمع) بوعي وحكمة.

البرنامج مخصص لمين؟

لكل متعامل مع الأطفال أو المراهقين بيدور على وعي حقيقي وأرض صلبة؛ الآباء، الأمهات، المدرسين في المراحل المختلفة، الأخصائيين النفسيين والاجتماعيين، والمدربين والميسرين.

تفاصيل رحلتنا الرابعة من البرنامج:

النظام: 15 أسبوع بمعدل لقاء واحد أسبوعياً (أونلاين).

التوقيت: من 7:00 إلى 10:00 مساءً.

البداية: الأحد 16 أغسطس 2026.

لو حابب تبدأ الرحلة وتكون جزء من المساحة دي، وتعرف إزاي تبني جسر من الأمان بينك وبينهم..

اكتب "أصلها ثابت" في التعليقات.

وهتوصلك رسالة فيها استمارة الالتحاق اللي بتشمل كافة التفاصيل المكملة للبرنامج.

#التربية #المراهقة #الطفولة