30/07/2026
من فترة وصلتنا رسالة من مُساعدة قضت معانا 3 سنين:
«لما بروح أي مكان أشتغل بتقبل في لحظة، والدكاترة تسألني إنتي كنتي شغالة فين، وفي دكاترة تقولي إنتي معانا في الكلية ولا إيه؟ وكانوا 3 سنين عندك أحلى 3 سنين في حياتي.»
الكلام ده بيسعدنا، لكنه كمان بيحملنا مسؤولية أكبر لأننا على مدار أكتر من 20 سنة، عيادة كُريم مكنتش مكان علاج بس كانت مدرسة.
ناس كتير بدأت معانا وهي لسه في أول الطريق، وخرجت وهي عارفة معنى الدقة، ومعنى النظام، ومعنى إن المريض إنسان قبل ما يكون حالة.
ومن غير ما نخطط لـ ده، بقى في حاجة بنسمعها كل شوية: إن اللي اشتغل هنا بيتقبل في أي عيادة تانية بسرعة، وبيتسأل اتعلمت فين.
عشان كده، وإحنا بنبدأ مرحلة جديدة بمعايير أعلى، بنفتح الباب لمُساعدات أسنان ينضموا لينا.
📌 اللي بندور عليه في الشخص:
◾️ عقل عايز يتعلم فعلًا لأن المهارة بتتعلم، إنما الاستعداد للتعلم لأ.
◾️ بيشوف المريض كإنسان، مش كحالة على الكرسي.
◾️ إنسان محترم، بيتعامل مع الناس بذوق وهدوء.
◾️ بيشوف دوره أكبر من أنه يناول أدوات.
◾️ عنده انضباط، وبيحترم الوقت والاتفاق.
📌 اللي بندور عليه في الشغل:
◾️تنظيم وقدرة على الشغل تحت ضغط الوقت مع الحفاظ على الجودة.
◾️دقة واهتمام بالتفاصيل الصغيرة لأنها هي اللي بتفرق.
◾️التعقيم ومكافحة العدوى كممارسة يومية.
◾️مظهر جيد واهتمام مهني.
◾️إنجليزي وتواصل كويس.
مع استعداد لمساعدة الدكتور يقدم أعلى جودة مُمكنة، مهما كانت التفاصيل.
📌 اللي هتستفيده معانا:
◾️تدريب حقيقي على إيد أطباء أكفاء.
◾️بيئة عمل جادة ومنظمة، ومعايير واضحة.
◾️احترام وتقدير مادي يليق بالشخص المناسب.
◾️خبرة اسم بيتكلم عن نفسه.
الشخصية هي الأساس. المهارة بنعرف نعلمها. إنما الاهتمام والانضباط والإنسانية، دي لازم تكون جواك من الأصل.
لو شايف نفسك الشخص ده، ابعتلنا رسالة على الصفحة فيها نبذة عنك أو CV، وابدأ رسالتك بإجابة سؤال واحد: معناها إيه إنك تشوف المريض كإنسان قبل ما تشوفه كحالة؟
احنا مش بندور على الخبرة. إحنا بنصنعها.
ُريم_لطب_الأسنان
