عيادة د. ساندرا ابراهيم لطب الاطفال و الرضاعة الطبيعية

25/08/2026

*بتغيري الجنب اللي بتبدأي بيه في الرضاعة؟ 👇*

نصيحة سريعة هتفرق معاكي ومع الحليب بتاعك 🍼

*ابدأي بالجنب العكس اللي بدأتي بيه المرة اللي فاتت*
ليه؟
1. *عشان الاتنين يشتغلوا*: كده بتدي تحفيز متساوي للجنبين والحليب يتسحب بالتساوي طول اليوم ✨
2. *عشان ميبقاش فيه "جنب كسلان"*: البيبي بياخد أكتر من نص الرضعة من أول جنب. وكل ما الجنب اتحفز أكتر، الحليب فيه بيزيد. فلو فضلتي تبدأي بنفس الجنب هيتعود ويكسل 😅
3. *لو عندك جنب إنتاجه أقل؟* ابدأي بيه على طول. هو محتاج تحفيز زيادة عشان يظبط الإنتاج.

*طيب ولو ابنك بيرضع من جنب واحد بس ويشبع؟*
عادي جداً ❤️ ده طبيعي خصوصاً لو الحليب كتير. المرة الجاية بس ابدأي بالجنب التاني.

*وفيه بيبيهات بتحب "السناك"*
ترضع شوية من هنا، شوية من هنا، أو تاخد سناك سريع وترجع تكمل وجبة. ده برضه طبيعي جداً خصوصاً وقت طفرات النمو.

*الخلاصة يا مامي* 💛
راقبي ابنك: بيرضع وبيبلع كويس؟ بيعمل حفاضات مبلولة كتير؟ وزنه بيزيد؟
يبقى انتو الاتنين ماشيين صح ولاقيتو النظام اللي يناسبكم. وكل بيبي وليه نظامه ❤️

انتي بتبدأي بأي جنب؟ قوليلي في الكومنتات 👇

23/08/2026

21/08/2026

*اقري ده قبل ما تقولي "صوت الطقطقة ده عادي"* 🤱👇

الـ "تكتكة" الصغيرة دي وهو بيرضع؟
دي مش عادي خالص 😅

ده صوت معناه إن النونو فقد "الشفط" `Vakuum` وهو بيرضع.
يعني حركة المص مش مظبوطة.

*طب تعرفيها ازاي؟ لو بيحصل ده:*
1. *مغص وانتفاخ* 💨 عشان بلع هوا كتير
2. *حلمتك بتوجعك* 😣 متجرحة أو لونها أبيض بعد الرضاعة
3. *بيسيب الصدر* ويرجع، بيكح، أو مش مرتاح
4. *اللبن بينزل بسرعة* أو بيطلع من جنب بؤه

*الخبر الحلو؟* ✨
الطقطقة دي مش "طبع" في ابنك. ده عرض وليه حل.
أول ما بنعرف السبب... الرضاعة بترجع هادية ومريحة ليكم انتو الاتنين 💛

💾 *احفظي البوست* واسمعيه بكرة وهو بيرضع
💬 *قوليلي* سمعتي الصوت ده قبل كده؟ وحلمتك أخبارها إيه؟
📍 للمزيد تابعي:

19/08/2026

حاسة إنك تعبانة و مرهقة و النوم مش مظبوط* 😔

*الزعفران* 🌸
آه والله الزعفران بتاع الرز والمحشي

في دراسة اتعملت على 60 أم بترضع وعندها اكتئاب ما بعد الولادة خفيف لمتوسط 📊
قسموهم مجموعتين: مجموعة خدت زعفران لمدة 8 أسابيع، ومجموعة خدت دوا وهمي.

النتيجة كانت مبهرة:
*مجموعة الزعفران* الدرجات بتاعة الاكتئاب نزلت من 20 لـ 8
*مجموعة الدوا الوهمي* مفيش فرق تقريباً
و *66%* من اللي خدوا زعفران اتحسنوا جداً مقابل *6%* بس في المجموعة التانية 🤯

وفي دراسة تانية قارنوا الزعفران بدوا الاكتئاب "فلوكستين" ولقوا مفيش فرق بينهم!

*طب أستخدمه ازاي؟*
كشاي ☕ من 15 لـ 30 شعرة في اليوم. أقل من 8 شعرات كده بنشرب "مية ملونة" ومش هنستفيد 😅

*رسالة مهمة للأمهات* 💛
انتي مش لوحدك، والمود بتاعك مهم. الزعفران ممكن يكون مساعد طبيعي، بس هو مش بديل عن استشارة الدكتور أو الأخصائي النفسي.
من حقك تحسي بتحسن ومن حقك تطلبي مساعدة.

جربتي الزعفران قبل كده؟ طعمه بيفرق في المود فعلاً؟ قوليلي 👇

*تنبيه مهم*: المعلومات للتوعية فقط. الزعفران ليه جرعات و موانع خصوصاً مع الرضاعة وأدوية الاكتئاب. لازم استشارة طبيبك قبل الاستخدام ⚠️

15/08/2026

سؤال بتتسأله 100 مرة في اليوم 😂☝️
*"لما أبدأ أأكل البيبي... أشيل رضعة؟"*

الإجابة: لأاااا ❌

يا ماميز الحلوين ركزوا معايا 🥰
انتي بترضعي طبيعي؟ يبقى أوعي تقللي الرضعات عشان دخلتي أكل

ليه؟
لأن اللبن = عرض وطلب
لو قللتي الرضاعة، جسمك هيفهم إن البيبي مش محتاج وهيقلل اللبن هو كمان 😱

طب نعمل ايه؟ 🤔
*الصح:*
1. رضعي قبل الأكل بشوية 🤱
2. وبعدين أكلي
3. وبعد الأكل كملي رضعة كمان 🤗

الأكل دلوقتي تسالي... لكن الرضاعة هي الأساس 💛

متخليش حد يقولك "شيلي رضعة"
لبنك غالي ومايتعوضش ✨

حسيتي بالمعلومة دي مفيدة؟
اعملي Save عشان تفتكريها وقت الأكل 📌
واكتبيلي في الكومنت: البيبي بتاعك بدأ أكل ولا لسه؟ 👇

14/08/2026

بتقعدي تشفطي لحد ما دراعك يتكسر... وفي الآخر تلاقي نقطتين بس في الببرونة؟ 🛑

استني قبل ما تقولي “اللبن قليل” أو تفكري تبطلي

اسألي نفسك سؤال واحد بس:
*قستي مقاس القُمع بتاع الشفاط امتى؟* 🔍

تعالي أقولك السر اللي 90% من الأمهات مش عارفينه
المقاس اللي بيجي مع الشفاط في العلبة “Standard” ده مش مقاسك انتي!
وللأسف أغلب الوقت بيكون كبير عليكي بزيادة.

ومحدش قالك إن القُمع الغلط مش بس بيوجعك...
ده كمان بيبوظ “انعكاس تدفق اللبن” نفسه.
يعني حتى لو لبنك كتير والشفاط غالي، اللبن مش هينزل أصلاً 💡

بصي على المشكلتين دول:
1. *القُمع صغير* : بيحبس الحلمة ويقفل القنوات فاللبن يتحبس
2. *القُمع كبير* : بيشفط الهالة كلها فالشفط يضعف ومفيش حاجة تنزل

يعني لا دا نافع و لا دا نافع 😭

طيب والحل؟
*بلاش تجارب وبلاش تضيعي لبن غالي على الفاضي*

في استشارة 10 دقايق بس مع استشارية رضاعة، هنقيسك ونشوف جسمك محتاج مقاس كام بالملي بالظبط. من أول جلسة هتحسي بالفرق في الراحة وفي كمية اللبن ✨

عاوزة ترتاحي وتوفري على نفسك؟
➡️ ابعتيلي رسالة دلوقتي واكتبي *”تشفيط”* واحجزي معادك

احفظي البوست ده هتحتاجيه كل مرة تيجي تشفطي 📌

💬 قوليلي في الكومنتات: انتي عارفة مقاس القُمع بتاعك كام ملي؟
ولا ماشية بمقاس العلبة وخلاص؟ 👇

📍 اعملي فولو عشان يوصلك كل معلومات الرضاعة اللي هتسهل عليكي

13/08/2026

هو انتي ليه بتعيطي تاني؟! 😭💔
الساعة 3 الفجر و المغص رجع... صح؟

اهدي وتعالي اقولك سر 👇
المغص في أول 4 شهور ده طبيعي 100%
من الأسبوع التاني لحد الشهر الرابع/الخامس
يعني مش انتي السبب ولا اللبن بتاعك وحش 🫶

طب بيجي من ايه؟
☆ بطن النونو لسه بتتعلم تهضم اللبن فبتعمل غازات
☆ الأمعاء لسه بتنمو وبيحصل فيها تقلصات
☆ البكتريا النافعة قليلة... خصوصا لو الولادة قيصري
☆ وضعية الرضاعة مش مظبوطة
☆ تقلبات المزاج: نوم ملخبط، نور، صوت عالي 🥴

طيب نعمل ايه؟ ندي دوا وخلاص؟ لأ ❌
الحل في 4 حاجات بسيطة داومي عليها:

1. مسااااج البطن 🤲
تمارين "العجلة" بتريحه وبتطلع الغازات
2. شيل صح 🤗
في وضعيات بتضغط على البطن وتريح المغص - هوريكي صورة لها
3. رضاعة صح ✅
اتأكدي انه ماسك صح ومش بيشفط هوا
4. أكلك انتي 👩‍🍳
قللي الحاجات اللي بتعمل حساسية: كرنب، قرنبيط، بقوليات

والخبر الحلو بقى؟ ❤️
العامل الأساسي هو "الوقت"
مع نمو الأمعاء كل ده هيروح لوحده وترجعوا تناموا

انتي مش لوحدك... كلنا عدينا بالمرحلة دي 💪
قوليلي، أكتر حاجة بتريح ابنك وقت المغص ايه؟

11/08/2026

أظن الكلام واضح ☺

09/08/2026

*الرضاعة بتخسس؟ طب والأكل الكتير؟! تعالي أفهمك الدنيا ماشية ازاي 👇😉*

أثناء شغلي قابلت أمهات كتير فاكرة حاجتين:
1️⃣ *"لازم أكل كتير عشان اللبن يكتر"*
2️⃣ *"مهما أكلت مش هتخن عشان الرضاعة بتحرق"* ‼️

تعالي نرتبها سوا ونستفيد من الرضاعة صح ❤️

*أولاً: الأكل* 🥗
الرضاعة مش محتاجة "كثرة أكل"
هي محتاجة *"أكل صحي ومفيد وكافي"*
يعني طبقك يبقى فيه بروتين + خضار + مية + سناكس صحية
مش صنية محشي كل يوم 😅

*ثانياً: الحرق* 🔥
جسمك فعلاً بيحرق حوالي *500 سعر حراري يومياً* من الرضاعة لوحدها!
يعني مع نظام أكل متوازن هتلاحظي نزول وزن فعلاً ☺️

*الخلاصة بقى* 👇
لو كلتي زيادة عن احتياجك بحجة "الرضاعة بتحرق"
للأسف هتتخني برضو... والـ 500 سعر مش هيعملوا حاجة ❤️

*الرضاعة نعمة استفيدي بيها صح*
صحة ليكي وللبيبي + وزن بينزل بالراحة

احفظي البوست ده وابعتيه لأي أم محتاجة تسمعه 💌
وقوليلي في الكومنتات: كنتي فاكرة انهي معلومة فيهم؟ 1 و للا 2 ؟