Dr Seham Alkattan

25/08/2026

سعدتُ بالمشاركة في حلقة 24 أغسطس 2026 من برنامج «صباحنا أحلى» على شاشة القناة الخامسة، للحديث عن السلام النفسي للأسرة المصرية وأهميته في بناء أسرة أكثر استقرارًا وتفاهمًا.
كل الشكر لفريق عمل البرنامج على الاستضافة الكريمة. 🌷
إعداد: أ. مي دعدور
تقديم: أ. سمر رفاعي
إخراج: أ. هبة عبد الرحيم

د. سهام القطان
استشاري المخ والأعصاب والطب النفسي

السلام النفسى للاسرة المصرية د / سهام القطان استشارى امراض المخ ...

25/08/2026

كل عام وأنتم بخير
#المولدالنبوي الشريف
فى ذكرى #مولد خير الخلق أجمعين
سيدنا محمد صلى الله عليه وسلم
د.سهام القطان
استشارى المخ والأعصاب والطب النفسى

24/08/2026

السلام الداخلي والاستنزاف النفسي🤷🏻‍♀️
👈🏻مش كل تعب مصدره عضلات مجهدة ومحتاج نوم وراحة أحيانًا محتاج نفهم إحنا تعبانين من إيه؟
تصحى تبدأ يومك تشتغل تتكلم وتضحك لكن جواك إحساس مستمر إن طاقتك خلصانة!!
▪️مش بالضرورة يكون السبب إرهاق جسدي أحيانًا بيكون استنزاف نفسي نتيجة ضغط مستمر أو مسؤوليات متراكمة أو علاقات مرهقة أو محاولات مستمرة لإرضاء الجميع ومع الوقت يظهر الاستنزاف في صورة:

- فقدان الشغف والرغبة في فعل الأشياء اللي كنت بتحبها
- العصبية وسرعة الانفعال
- الرغبة في الانسحاب
- صعوبة التركيز
- الإحساس بالفراغ الداخلي (فراغ المشاعر)
- وحتى فقدان المتعة في حاجات كنت بتحبها

علشان كده بدأنا معاكم حملة "السلام الداخلي والاستنزاف النفسي" 🤍
👈🏻 هدفنا إنك تفهم تعبك وتعرف مصدره وتبدأ تستعيد توازنك خطوة بخطوة
🎯 هدفنا استرداد الهدوء الداخلي
استنونا في البوست الجاي:
إزاي تفرق بين الإرهاق الجسدي والاستنزاف النفسي؟
وإيه العلامات اللي بتقول إنك في حالة استنزاف داخلي مش بس محتاج تنام؟ 🤍
اتكلم_واحكي
مع دكتورة
__________________
د. سهام القطان
استشاري المخ والأعصاب والطب النفسي

#الاكتئاب #الحزن

22/08/2026

يوم جميل ومميز نفتخر به في قسم أمراض المخ والأعصاب والطب النفسي بمستشفى جمال عبدالناصر. ♥️

سعدنا اليوم بلقاء علمي جمعنا على العلم وتبادل الخبرات حول الـMultiple Sclerosis.

كل الشكر لأساتذتنا وزملائنا ولكل من ساهم في إنجاح هذا اليوم.

20/08/2026

الحياة كلها ضغوط وصدمات نفسية ومواقف مؤذية بنفقد القدرة على مواصلة الحياة بشكل سليم ..بتقف عقارب الزمن ومعاها استمتعنا بالحياة والرغبة فى الاستمرار . استشارة طبيب نفسى ضرورة والجلسات النفسية جزء أساسى من العلاج
علشان نخرج اللي جوانا علشان نقدر نكمل ونتعامل مع الحياة
- الجلسات النفسية اون لاين بتساعدك تتعالج من مكانك مع متخصص يقدر فعلاً يساعدك وياخدك للطريق السليم
صحتك النفسية هى أساس استمتاعك بالحياة

مع دكتورة
سهام القطان

للحجز والاستفسار يرجى التواصل على رسائل الصفحة



________________________
د.سهام فتحي القطان
استشاري المخ والأعصاب والطب النفسي

03/08/2026

"روشتة إعادة الحياة للحوار الأسري"
بيوتكم غالية نوروها بالكلام قبل ما تظلم بالسكوت
مفيش باب اتقفل في بيوتنا إلا وله مفتاح ومفتاحنا النهارده هي خطوات بسيطة لو نفذتها هترجع لبيتك الحياة والنبض من تاني😊🤍
1- اسمع بذكاء (Active Listening) لما ابنك يتكلم سيب الموبايل وبص في عينه واسمعه عشان تفهمه مش عشان ترد وتنتقد وتطلعه غلطان
2- نص ساعة بدون شاشات خصصوا وقت يومي في البيت ولو 30 دقيقة تمنعوا فيها استخدام الموبايل والتلفزيون وقت للكلام وبس حتى لو هنحكي في تفاصيل بسيطة أو نلعب سوا اي لعبة مشتركة
3- شارك ولادك اهتماماتهم انزل لسنهم واسمع الأغاني اللي بيحبوها واعرف الألعاب واليوتيوبر أو الجيمرز اللي بيتابعوهم
اتفرج معاهم على ماتش أو مسلسل. ادخل عالمهم عشان يرضوا يفتحولك الباب
4- لما تغلط في حق ابنك أو تتعصب اعتذر
الاعتذار والاحتواء النفسي من الآباء مش ضعف ده قمة القوة والوعي اللي بيحمي ولادنا
👈🏻 ولو مش عارف تبدأ ازاي اطلب استشارة أونلاين او شرفنا في العيادة واحنا نساعدك
اتكلم_واحكي
مع دكتورة
__________________
د. سهام القطان
استشاري المخ والأعصاب والطب النفسي

31/07/2026

اتكلموا وشاركوا مشاعركم ولو بدأ الصمت يغلبكم متستنوش واطلبوا المساعدة ⚠️
👈🏻البيت اللي مفيش فيه كلام بين الأبناء والآباء في حالات كتير بدأ بفجوة تانية خالص
الخرس الأسري مش مجرد حالة هدوء بيمر بيها البيت ده وباء صامت بينتشر لما يغيب الحوار بين الزوج والزوجة ويتحول التواصل لطلبات مادية وبس الأبناء بيتأثروا بالجو ده، وبيتولد عندهم إحساس بعدم الأمان
والثمن النفسي والجسدي هنا بيدفعه الكل كبار وصغيرين
1- أعراض جسدية (Psychosomatic) صداع مستمر وآلام قولون عصبي واضطرابات معدة ونغزات في القلب كل دي مشاعر مكبوتة وكلام متقالش فقرر الجسم ينطقه على شكل مرض
2- وأعراض نفسية قلق مستمر ونوبات اكتئاب وعزلة وجفاف عاطفي بيخلي الأبناء يدوروا على أي مصدر خارجي لتعويض الحب والاهتمام
البيت مبيتهدش فجأة البيت بيموت بالبطيء لما يسكنه الخرس
اتكلموا وشاركوا مشاعركم ولو بدأ الصمت يغلبكم متستنوش واطلبوا المساعدة
اتكلم_واحكي
مع دكتورة
__________________
د. سهام القطان
استشاري المخ والأعصاب والطب النفسي

28/07/2026

ااتعلمت أفضل ساكت وعمري ما اتكلمت وشاركتهم مشاعري لأني كل ما كنت بتكلم كنت بتهاجم أو بيتريقوا على مشاكلي
دي الكلمة اللي بنسمعها في عيادة الطب النفسي من شباب وبنات زي الورد عايشين بجرح الرفض غير المقصود من أهلهم 😥
📌 إحنا بنعلم أولادنا إزاي ينطقوا الحروف والكلام بس أحياناً -ومن غير ما نحس- بنعلمهم كمان يسكتوا 😔
👈🏻 لما ابنك يجيلك بمشكلة تافهة من وجهة نظرك (بس كبيرة في نظره) وتقول له "سيبني من التفاهات دي أنا فيا اللي مكفيني"
👈🏻 لما بنتك تحكيلك عن حاجة غلط عملتها فيكون الرد عقاب واهانة
📍 النتيجة الابن بياخد قرار لا واعي بإن السكوت أمان والكلام بيجيب مشاكل
- هما مبيبطلوش كلام هما بس بيبطلوا يتكلموا "معاكم" ونقلوا كلامهم لأصحابهم أو للأسف لناس غريبة عنهم على السوشيال ميديا ممكن يستغلوهم ⚠️
📌اسمعوا ولادكم بقلوبكم قبل ودانكم وماتخلوش العتاب يسبق الفهم اسمعوا وفكروا ولو مش عارفين ازاي توجهوهم اسألوا واحنا نساعدكم
اتكلم_واحكي
مع دكتورة
__________________
د. سهام القطان
استشاري المخ والأعصاب والطب النفسي

#المراهقة

26/07/2026

مش عارف ألاقي حوار بيننا؟ ولا قادر أفهم صمته؟😥 كل كلامه وضحكه مع أصحابه وجوا البيت مفيش غير كلمة (تمام.. عادي.. ماشي)؟
دي شكوى متكررة بنسمعها من أمهات وآباء كتير بيعيشوا حيرة حقيقية لأنهم بيحسوا إن ابنهم أو بنتهم اللي كانوا زمان مبيبطلوش كلام وحكايات فجأة اتحولوا لأشخاص غامضين قفلوا أبواب أوضهم وقفلوا معاها قلوبهم
عزيزي الأب عزيزتي الأم
وراء صمت ابنك المراهق أو الشاب مش دايماً "تمرد" أو "قلة ذوق" في السن ده، المراهق بيكون خايف من الأحكام خايف من اللوم أو حاسس إن لغته مش مفهومة بالنسبة ليكم لما بيقفل باب أوضته هو أحياناً بيحمي مساحته الخاصة لأنه مش لاقي الأمان الكافي عشان يعبر عن لغبطة مشاعره بدون ما يتهاجم
صمت الأبناء بيوجع الآباء وبيحسسهم بالعجز بس العصبية أو الإجبار مش هما الحل
استنونا البوست الجاي 👈🏻 هنسمع صوتهم هما ونعرف ليه اختاروا السكوت؟
اتكلم_واحكي
مع دكتورة
__________________
د. سهام القطان
استشاري المخ والأعصاب والطب النفسي