05/08/2026
سؤال بيتكرر كتير جداً في الاستشارات
أول حاجة حابة أطمنك: حرقك متوقفش ولا حاجة، وثبات الوزن مرحلة طبيعية جداً وبتحصل لغالبية الناس أثناء رحلة النزول. الجسم بيميل دايماً للحفاظ على التوازن، ولما بتخسري وزن، احتياج جسمك للسعرات بيقل عن البداية.
ليه الوزن بيثبت؟
* أسباب طبية وعضوية (وهنا مربط الفرس): لو عندك مشكلة في الغدة الدرقية (خمول)، أو مقاومة أنسولين، أو عدم انتظام في أدوية السكر أو أي حالات هرمونية أخرى، ده بيبطئ النزول جداً.
* انخفاض معدل الحرق الأساسي: جسمك بقى أخف، فبقى يستهلك طاقة أقل في الحركة والتنفس واللي هما بدورهم بيستهلكوا سعرات
* حبس المية وزيادة العضلات: التوتر وقلة النوم بيزودوا الكورتيزول ويحبسوا مية. ولو بتلعبي رياضة، ممكن تكوني بتفصلي دهون وبتكسب العضلات، فالشكل بيتغير والميزان بيثبت!
إزاي نكسر الثبات ده بذكاء؟
* راجعي وتنظمي أوديتك وخطة علاجك: كصيدلانية وأخصائية تغذية، بؤكدلك إن تنظيم مواعيد وجرعات أدوية الغدة أو السكر بانتظام وتحت إشراف طبي هو الخطوة الأولى قبل أي دايت.
* عيدي حساب سعراتك: السعرات اللي كانت بتخسسك وأنتي 80 كيلو، هي هي اللي هتعمل ثبات وأنتي 72 كيلو.
* ركزي مع المقاسات مش الميزان: قيسي محيط الخصر والأرداف واعتمدي على حركة الهدوم وصور المتابعة.
* غيري روتين التمارين ونامي كويس: أدخلي تمارين مقاومة، واهتمي بالنوم من 7-8 ساعات يومياً لضبط الهرمونات.
* يوم إعادة التعبئة (Refeed): زودي حصة الكارب الصحيحة ليوم واحد عشان تدي إشارة للجسم إن مفيش مجاعة.
شاركوني في التعليقات.. هل في حد بيعاني من ثبات الوزن ومتابع أدوية غدة أو سكر مع الدايت؟ 👇✨
