15/08/2026
عزيزتي التي هي أنا /
كورس إعداد قائد مجموعة هنا و الآن ( ج ١ )
الجمعة 14 أغسطس
🍀أجمل ما في العلاج بالفن أنك مش محتاج تكون فنان
🍀 أجمل ما في العلاج بالفن أنك ممكن تقول كل اللي أنت مش عارف تقوله من خلال أنواع العلاج بالفن المتعددة
🍀أجمل ما في العلاج بالفن أنه ما فيهوش لازم و يجب
🍀 أجمل ما في العلاج بالفن إن ما فيهوش جومة و لا خطأ
🍀أجمل ما في العلاج بالفن انه ما فيهوش أحكام
🍀أجمل ما في العلاج بالفن أنك بتقدر تسقط ذاتك و تحط رموزك و أفكارك و خطوطك و ألوانك اللي مش لازم تبقى نسخة طبق الاصل من الواقع
🍀🍀يمكن كانت حاجة مفاجأة ليا إن هنا و الآن نشتغل فيها تلوين اتبسطت حقيقي بس أتوترت لما لاقيت علبة ألوان مياه صغيرة
من ثانوي مش بستخدم فرشاة و ألوان مياه أو جواش
( مع العلم أن مدرستي العزيزة كانت بتدرس لي إعدادي و ثانوي عمرها ما شافت لي رسمة غير في ثانوي مرة في تانية ثانوي و مرة في كورس القدرات في سنة تالتة 😂😂 )
🍀🍀 كان بقى لي فترة طويلة مش قادرة استخدم ألوان و كل ما اجي ألون أحس بغضب شديد جدا
🍀Be kind to your mind
لما اخدتها ما كنتش قريت الجملة اختارتها على لأني بحب دايما ألون بس لما قعدت لاقيتها رسالة حقيقي مباشرة في وقتها فعلا محتاجة أهدى و أوقف دماغي شوية
🍀🍀 رغم أني بحب الألوان الخشب أكثر بس قررت استمتع بالتجربة بهدوء بدون استعجال و أكون ممتتة لصاحب الفكرة و منفذتها
🍀🍀 حيجرى ايه يعني لو الرسمة ما خلصتش في الميعاد المحدد مش محتاجة أجري
🍀🍀كان لاختيار الموسيقى عامل و تأثير كبير شكرا زميلي الفاضل على حسن الاختيار
كان تأثيرها عليا اجمل من اللي انا اختارتها
https://youtu.be/emJtURJmVmk?si=xj3EaP-rCDXEBm2D
🌹🌹🌹
🌷🌷أبسط حاجة ممكن نستفيدها في التلوين على سبيل المثال لا الحصر :
🌷أولا : تنمية الحس و الذوق الفني من خلال محاولات تنسيق الألوان و اختيارها
🌷ثانيا : تنمية مهارات حل المشكلات
🌷ثالثا : القدرة على الاختيار و اتخاذ القرار
🌷 رابعا القدرة على التعبير غير اللفظي
🌷 خامسا : تغيير بعض السلوكيات المراد تغييرها
🌷سادسا : ملاحظة النفس
🌷 سابعا : بناء علاقات اجتماعية جديدة من خلال العمل في المجموعة
🌷 ثامنا : تبادل الخبرات
🌷 تاسعا : حرية التعبير دون قيود أو شروط أو معايير واقعية
و للحديث بقية ..........
و إلى اللقاء
