عيادة د. إيهاب المزين للأمراض الصدرية والباطنة

13/07/2026

بعتذر عن حضور العيادة يومي الثلاثاء والأربعاء الموافق 14 و 15 يوليو لظروف سفر . 🙏

25/05/2026

28/03/2026

⛔️ لو عديت الأربعين سنة فالبوست ده مهم جدا جدا لك ،👇

👍 مناخيرك هي بوابة جهازك التنفسي .. لو فضلت تخفف هدوم و وتتقل هدوم هتضعف مناعة الجهاز التنفسي وهتنقض الفيروسات والبكتريا علي جهازك التنفسي وتعمل التهابات مزمنة واتساع بالشعب الهوائية وممكن تليفات
👍 اوعي يغرك جسمك وتفكر انك زي زمان وتقوم شايل أنبوبة البوتاجاز لوحدك أو تجري ورا الأتوبيس عشان تثبت إنك لسه "عصب"
• ​الحقيقة: غضاريفك دلوقتي بقت زي "البسكويت". حركة واحدة غلط مش هتعمل شد عضلي، دي هتعمل "انزلاق غضروفي". الشطارة إنك تشغل "دماغك" مش "عضلاتك".

👍 "الكرش" مش عز ولا وجاهة.. أبسولوتلي
ده "مخزن التهابات"... الدهون اللي حوالين الوسط دي هي اللي بتفرز مواد بتسد شرايين القلب وبتعمل "نهجان السلم". الكرش ده لو منزلش، أنت ماشي بقنبلة موقوتة في بطنك.

👍جريمة "عدم شرب الماء":
بتقلل شرب المية عشان متدخلش الحمام كتير؟
• ​النتيجة إن: دمك بيبقى "لزج" زي العسل الأسود. ده اللي بيعمل جلطات فجأة وبيخليك "تنسى" مفاتيحك وتدخل الأوضة مش فاكر كنت عايز إيه. المخ محتاج غسيل بالمية،.

👍الأكل بالليل.
بتقضي يومك شاي وسجاير وتيجي بليل "تتعشى تقيل"
• ​طبياً: الحرق عندك بالليل بيبقى صفر. الأكلة دي هي اللي بتخليك تصحى الصبح "جسمك مكسر" وكأنك كنت بتاخد علقة.

👍​ مقولة "أنا طول عمري زي الفل ومش بتاع دكاترة"
• ​الضغط والسكر في السن ده بيبقوا "حرامية" بيدخلوا من غير استئذان. الكشف الدوري مش خوف، ده "صيانة وقائية" عشان متصحاش في يوم تلاقي الماكنة وقفت فجأة.

👍 بلاش "الأدوية الشعبية" والوصفات السحرية:
​جارتك قالتلك على "أعشاب بتنزل السكر" أو "خلطة للعضم" من عند العطار
• ​الواقع إن كبدك وكليتك مابقوش حمل "معادن ثقيلة" أو كورتيزون مخفي في خلطات مجهولة. الوصفات دي ممكن تريحك يومين بس بتدمر "الفلاتر" الطبيعية في جسمك.

​✅ قاعدة "الـ 20 دقيقة شمس":
عضمك مش محتاج كالسيوم بس ولا فيتامين د من غير التعرض للشمس قبل الظهر أنت حرفيا بتبلع بودرة ملهاش لازمة .

​✅ لازم تمشي يوميا علي الأقل نصف ساعة . عشان تحرق الكوليسترول وتظبط الضغط والسكر وتمنع انسداد شرايين القلب.... الرجل القوية هي اللي بتشيل القلب.

​✅ قاعدة "البروتين السائل" (شوربة العظام):
مرة أسبوعيا ..شوربة "المواسير" أو العظام. هي أغنى مصدر طبيعي للـ "كولاجين" والجلوتامين، هذا هو "الأسمنت" الذي يرمم المفاصل ويحمي جدار الأمعاء من الالتهابات.

​✅ تقليل الملح
ليس فقط ملح الطعام، بل "المعلبات" والمخبوزات الجاهزة. الصوديوم الزائد يسبب "احتباس سوائل" يجهد الكلى ويرفع الضغط في صمت. اعتمد على الليمون والتوابل الطبيعية ..
دمتم سالمين .💝💐

13/02/2026

مواعيد العيادة في رمضان .🌃

27/01/2026

🚨 فيروس نيباه في الهند… الحقيقة بدون تهويل 🚨

في الأيام اللي فاتت سمعنا كلام كتير عن انتشار فيروس نيباه في الهند، وده خلّى ناس كتير تقلق.

خلّينا نوضح الصورة الطبية ببساطة 👇
🦠 نيباه فيروس مش جديد
ظهر قبل كده أكتر من مرة، والحالات الحالية محدودة جدًا ومركّزة في ولاية كيرالا.

🔬 بينتقل إزاي؟
من خفافيش الفاكهة 🦇
أكل فواكه ملوثة
مخالطة قريبة جدًا لمصاب (غالبًا داخل الأسرة أو المستشفى)
⚠️ مش فيروس هوائي ومش بينتشر بسهولة زي كورونا.

🧠 الأعراض
حمّى، صداع، قيء
وفي الحالات الشديدة: التهاب بالمخ، تشنجات، غيبوبة.

📉 الوضع الحالي مطمئن نسبيًا
لا يوجد انتشار مجتمعي واسع
الحالات تحت السيطرة
إجراءات عزل وتتبع مخالطين صارمة

✅ بالمختصر المفيد
❌ مش جائحة
❌ مش سريع الانتشار
✅ يحتاج وعي مش خوف
✅ الالتزام بقواعد مكافحة العدوى كافي

الطب دايمًا مع العلم… مش مع الشائعات 👨‍⚕️🩺

22/01/2026

أعتذر لحضراتكم
العيادة أجازة الخميس ٢٢ والجمعة ٢٣ والسبت ٢٤ لظروف سفر.

18/01/2026

كتير من الناس بيستخدم البخاخة في اتجاه الحاجز الأنفي وهو مكان حساس ممتلئ بالشعيرات الدموية مما يجعل المريض يشعر بعدم ارتياح في التنفس وقد يؤدي الأمر إلى نزف قطرات من الدم

28/12/2025

خطوات بسيطة تحميك من الانفلونزا في فترة الذروة ..
اللقاح، التطهير، التهوية، تجنّب الازدحام، وغسل اليدين. الحرص علي ارتداء ملابس ثقيلة تناسب الوسط المحيط.
وقاية بسيطة تساوي شتاءً آمناً.

17/12/2025

مع تغيّر الفصول، لا تسمح للتحسس أن يُفسد صفو يومك. اعتنِ بصحتك، وكن مستعدًا دومًا. 🌿

25/08/2025

راحة البدن تبدأ من الرئتين 🤌😅
🍂 الصيف خلاص بيودعنا .. ومع دخول الخريف وموسم الفيروسات التنفسية 🦠
مهم جدًا تكون محمي كويس 💪
💉 تطعيم الإنفلونزا الموسمية مش رفاهية، ده وقاية ليك وللي حواليك.
👵👶 مين لازم ياخد التطعيم أكتر من غيره؟
كبار السن فوق ٦٥ سنة
الأطفال أقل من ٥ سنين
مرضى حساسية الصدر أوالربو والجيوب الأنفية
مرضى السدة الرئوية والتمدد الشعبي وتليف الرئتين
مرضى القلب والسكر والأمراض المناعية وغيرها من الأمراض المزمنة
❗ الناس دي معرضة لمضاعفات خطيرة زي:
🔻 التهاب رئوي حاد
🔻 فشل في التنفس
🏥 متأجلش .. هو ده وقته .. 👍