Dr Abdo Elgammal

26/12/2023

26/12/2023

ايه الاعراض اللى تخليكى تشكى انه ممكن يبقى فيه تكيسات ع المبايض؟،

١ - تأخر البريود اكتر من ٣٥ يوم
٢- نزيف رحمى متكرر او البريود بتيجى اقل من ٢٠ يوم و بتقعد اكتر من ٧ ايام و كمية الدم كتيره
٣ _ ظهور شعر سميك فى مناطق غير الطبيعيه زى الدقن و الشارب و الصدر
٤- ظهور حبوب بالوجه و ممكن باردو ببدأ تساقط الشعر و حدوث صلع دا قليل بس وارد
٥_ زياده فى الوزن خصوصا منطقة البطن و الحوض تبقى محيطها اكتر من ٨٨ سم

27/10/2023

يا نار كوني برداً وسلاماً على عْزة و أهل غرْة 🙏🇵🇸
#غزةفلسطين

28/04/2023

جمعه مباركه 🫄🧑‍🍼❤️

24/03/2023

كل دا و فى رمضان 😁😁

04/12/2021

💉👰🤰🤱

25/02/2021

ختان الإناث
المقال الأصعب، والأكثر جهدا، والأكثر تصادما مع الجميع، لكني أعدك أنك سترضى عن الختان تماما بعد هذا المقال :) وهتحبه وهترفع لواء الدفاع عنه.
مبدأيا الصدمة الأولى
نعم الختان يعالج برود النساء الجنسي
ونعم الختان أكثر الأشياء جورا في تسبب البرود الجنسي عند النساء
فـ يا ترى احنا موقفنا إيه من الحدوتة دي؟!

بسم الله، ربنا افتح بيننا وبين قومنا بالحق وأنت خير الفاتحين..

ربنا لما خلقنا كلنا أجنة في بطون أمهاتنا كنا كلنا شكل واحد و خلايانا زي بعض ذكورا و إناثا.. و بتأثير الهرمونات تبتدي الخلايا تتخصص و الأعضاء تاخد أشكالها ذكرية أو أنثوية.. لكن الأصل واحد..
الخلايا اللي بتعمل خصية في الولد = بتعمل مبايض في البنت،
و اللي بتعمل رحم في البنت = بتكوِّن بروستاتا في الولد،
ولو طلعنا للأعضاء الخارجية هنلاقيهم زي بعض برضه.. اللي بيعمل القضيب للذكر (p***s) بيعمل ب*ر (cl****is) و شفرات داخلية (l***a minora) للبنت، و اللي بيعمل كيس الصفن في الولد بيكون شفرات خارجية في البنت..
الخلاصة ... التركيب التشريحي تقريبا واحد..

طيب ليه أغلب الأولاد بيتعمل لهم ختان؟

الولد الطبيعي بيكون عنده جلد زائد عند القضيب بتاعه إسمها (قلفة)
الجلدة دي بتعمل جيب بينها و بين رأس القضيب اللي هي أكتر جزء حساس فيه، ... الجيب ده بيكون بيئة محترمة جدًا للالتهابات و العدوى..
ده غير إن تغطية رأس القضيب ده بالجلدة دي بيخلي الراجل يوم ما يمارس العلاقة الجنسية يبقى عنده مشكلة في الإحساس و الاستمتاع بالعلاقة.. بغض النظر عن إن الإحصائيات قالت إن النساء يستمتعن بالرجل الذي لم يُختتن عن الرجل الذي اختُتن، لكن في النهاية مفاسد عدم اختتان الرجال كبيرة..
في المطلق لما نعمل ختان أو طهارة للصبيان بنشيل الجلدة دي كوقاية أو علاج للالتهابات، و عشان نخلي الولد لما يكبر و يتجوز يقدر يستمتع بالعلاقة مع زوجته..

ليه في الأول قلنا أغلب الولاد؟

علشان فيه حاجه كتير مننا سمع عنها ألا وهي الإحليل السفلي،
و بالشعبي كده "طهارة الملايكة"
أولاد بيتولدوا بمشكلة في مكان فتحة البول.. مش بتكون في قمة القضيب زي الأولاد الطبيعيين، لا بتكون من تحت لدرجه ممكن توصل إنها تبقى فى نفس المكان إللى موجوده فى البنات إللى هى اسمها منطقة العجان الحاله دى طبيا اسمها ( Perineal Hypospadias )
و ده بيدخل في تشخيصات دقيقه فى تحديد الجنس اللي هو أصلا ممكن في الآخر يطلع بنت، أو يبقوا فاكرينها بنت و تطلع ولد..

حالات الإحليل السفلي دي بيكون فيها القلفة اللي بتتشال في الختان غير مكتملة و ممكن تبقى تقريبا مش موجودة في بعض الحالات .. زي إللى بتبقى الفتحه من تحت خالص فى منطقة (العجان)..
ولو موجود،.. الجلد بتاعها ده بنحتاجه في عمليات الإصلاح إللى بنقوم بيها للجهاز التناسلى علشان يرجع لشكله الطبيعى.. و عشان كده بيعلموا طلبة طب إنهم لو شافوا مولود بالاحليل السفلى ميطاهرش.. يعمل عملياته الأول وبعدين لو اتبقى جلد نبقى نطاهر الولد و نشيلهوله..
ليه بنشرح بالتفصيل الممل ده؟

احنا في الأول قلنا إن الأصول في الولد و البنت واحدة، و الأعضاء تقريبا واحدة لكن اختلاف الاسماء...
بس البنت عندها فتحة مجرى البول في العجان أصلا..
بمعنى اخر.. البنت تركيبها التشريحي أقرب للولد اللي عنده إحليل سفلي عجاني..
يعني يا عم أسيم البنات معندهاش قلفة اللي بيتشال في ختان الولاد؟

طبعا الإجابة لا.. زي ما أغلب الولاد الطبيعيين عندهم القلفة دي، و قلة اللي بتكون مش موجودة فيهم، برضه البنات أغلبهم معندهومش الجلدة الزيادة دي و قلة اللي بتكون عندهم..
طيب و دي برضه لو موجودة بتكون اسمه قلفه؟

لا.. اسمها Hood يعني رداء أو غطاء..

طيب و ده لو موجود بيكون فين و بيحصل ايه؟

ده لو موجود بيكون مغطي الب*ر و بيعمل زي القلفة بتاعة الذكر كده.. التهابات متكررة، و إعاقة الإحساس بالمتعة أثناء العلاقة الحميمية..

طيب و له حل؟

ايوه وصحصح معايا بقى علشان جينا للمنطقة الشائكة .. ده بيتعمل له عملية تجميلية بيتشال فيها الغطا ده، و اسمها Hoodectomy
لو عاوزين بقى نبقى منصفين، العملية اللي اسمها Hoodectomy دي هي اللي المفروض يبقى اسمها ختان.. هوب هوب هوب

مين بقى اللي يتعمل لها الـ Hoodectomy دي؟
المفروض ان العملية دي تتعمل لواحدة ست بالغة رشيدة عاقلة مسئولة عن تصرفاتها..
بتشتكي من شكوى من اتنين؛ إما بيحصل لها التهابات متكررة في المنطقة دي أو إنها ست متزوجة لكن حاسة بوجود ما يعيق احساسها بالاستمتاع.. عندها برود جنسي، أو فاقدة الإحساس.. شفت الآية اتقلبت ازاي، يبقى الختان الجائر الذي لا علاقة له بشرع ولا طب ولا عقل هو السبب الرئيس في تشويه أعضاء وظيفتها الحسية إيصال الشعور للمخ، واحنا هنا بنعالج الأنثى التي خلقت فلم تُختتن، لكنها تشعر بأنها لا يصل لها الإحساس بهذا الختان الحق الذي نتحدث عنه .. فهمت الفرق الشاسع عامل ازاي!

طبعا في الحالة دي تلك الأنثى العاقلة بتروح لدكتور تجميل أو دكتور نساء يفحصها و يشوف هل الـ Hood ده موجود فعلا و مغطي الب*ر فيتشال،
وساعتها يبقى فعلا ممكن نقول إن هو ده الختان الذي أشار إليه النبي صلى الله عليه وسلم " أنضر للوجه و أحظى للزوج " وهنا الطب يمتثل لحديث النبي صلى الله عليه وسلم كما أشرنا.
عملية الـ Hoodectomy اللي المفروض يكون اسمها ختان بينتج عنها زيادة استمتاع الزوجة بالعلاقة الزوجية الخاصة.. مش بتمنع الشهوة.. وده جواب الصدمة التي هي في صدر المنشور .. إن الختان الحق يعطي المرأة حقها في الاستمتاع، ويحافظ لها على ذلك، ويقيها من البرود الجنسي..
ده تعريف الختان الحق
ده تعريف الختان اللي يرضي الله عز وجل
فهمنا كده يعني ايه ختان؟
طيب إيه الجور والقتل البطيء والجهل المدقع اللي بيحصل عندنا في مصر وإفريقيا تحت مسمى الختان؟

باختصار شديد مقيت بيقطعوا أعضاء سليمة ذات وظيفة هامة في الجسم..
الاضرار كتيييييير جدا.. منها أضرار بدنية و أضرار نفسية..
الأضرار النفسية كتير جدا بداية من الصدمة اللي بتتعرضلها البنت من ازدواجية معايير الأهل، طفلة صغيرة تمن تسع سنين بيقولولها طول عمرها دي منطقة خاصة و عيب حد يشوفها أو يلمسها، و تلاقيهم مرة واحدة راحوا واخدينها لحد غريب يبص عليها و يحسس و يقطع كمان!!! شيء في منتهى القسوة و العنف، والقذارة والجهل والسفه... أوقفوا ذلك، ووعوا الناس إنهم يوقفوه
كفاية جهل وقرف بدعوى الحفاظ على عفة البنت

اللي بيقطع ده بيقطع اعضاء هامة و حساسة... تخيلوها كده في ولد ابوه خده يطاهره، راح قال للي بيعمله الطهارة، لا شيل معاك راس القضيب.. لا كده مش كفاية، شيل كمان باقي القضيب، او عشان يريح نفسه و ضميره راح قايله خد كيس الصفن معاك بالمرة... شيء في منتهى الجهل و الظلم..
الحاجة التانية همه بيعملوا التشويه ده ليه؟
عشان حد في غياهب الأزمنة البائدة فهمهم إن لما تقطع للبنت أعضائها الحساسة يبقى بتحافظ على شرفها و تكبت شهوتها.. قامت الناس من جهلها صدقت و مشيت ورا الخرافة دي..

الشهوة اصلا منبعها المخ.. و الأعضاء دي وظيفتها حسية تستجيب للمخ بالممارسة، و تبعت اشارات حسية للمخ بالاستمتاع إلى أن يحدث الإشباع
وتحصل النشوة..
لما تتقطع الأعضاء دي مش بتقف الشهوة.. لإن المخ موجود، لكن وقت الممارسة مش بتوصل الإشارات الحسية اللي بتوصل للنشوة، و ده بيسبب احتقان في الحوض، و ما يشبه حالة دوالي الخصية اللي بتحصل عندنا..
و ده بينتج عنه آلام شديدة أثناء الجماع، فـ الست تبقى بتتعذب و كارهة العلاقة المؤلمة دي، و يتهموها بالبرود الجنسي و عجزها عن إنها تعف زوجها..
من الاضرار برضه بالذات في الأنواع اللي بيشيلوا فيها الشفرات و يخيطوا دي.. إن ممكن توصل بالست في الآخر إنها تبقى مستحيل تولد ولادة طبيعية من كتر التليف و التشوه اللي حاصل في المنطقة..
والأنواع الأقل وحشية بتكون أضعف الإيمان لازم يتعملها توسيع وهى بتولد وده بقينا نشوفه كتير....
ووارد التوسيع فى المهبل ده يكون كبير وندخل فى مشاكل تانيه جديده فى العلاقه الزوجيه
نقطة فلسفية أخيرة... ربنا سبحانه وتعالى خلق جوانا غريزة التناسل و التكاثر.. و خلق ده متعة للبشر كلهم رجالة و ستات.. و ربنا عدل، مستحيل نصدق إنه يشرع للراجل سنة تزود متعته، و للست كبت و ألم؟
البغاشة
اللي بيحصل في مصر تحت مسمى ختان الإناث هو جريمة مكتملة الأركان من حيث الهدف و الدافع و الممارسة.. ولا يجب أن يطلق عليه ختان اصلا
وإنما اسمه في كل مكان في العالم هو تشويه الأعضاء التناسلية الأنثوية
female ge***al mutilation (FGM)
الختان هو استئصال جلد يغطي رأس القضيب في الذكر أو الب*ر (ان وجد هذا الجلد) في الأنثى زي اللي في الصورة دي، وهدفه علاج و منع الالتهابات المتكررة و زيادة المتعة الجنسية..
طيب و بالنسبة للحالات اللي بيكون عندها تضخم في الب*ر؟

فيه ناس فاكرة إن دي بتستدعي الختان.. لكن الحقيقة مش كده..
أولا تضخم الب*ر ده مش حاجة شائعة..
ثانيا لازم نتاكد إن الحالة دي أنثى.. لأن تضخم الب*ر أحيانا بيكون معاه مشاكل تانية زي مثلا عدم تكون القناة المهبلية، و ده بيدخلنا في موال تاني.. يا ترى المريض اللي قدامنا ده ذكر ولا انثى؟
فلازم لما نشوف حاجة زي دي نفحص المريض/ة كويس جدا، و نعملها تحليل كروموسومات عشان نتاكد انها بنت (xx) مش ولد (xy) و ممكن إشاعات كمان عشان نشوف الأعضاء الداخلية..
خلاص اتاكدنا انها بنت، و الحالة اللي قدامنا دي تضخم في الب*ر (clitoromegaly) مش احليل سفلي عجاني و صغر لحجم القضيب، بيتعملها عملية ظاهرها تصغير حجم الب*ر، لكن الحقيقة إن مفيش في العملية دي أي قطع لأي نسيج من الب*ر..
وإنما اللي بيتعمل هو دفن و تثبيت الجزء الظاهر من الب*ر تحت الجلد و تثبيته في انسجة الحوض، بحيث يبقى جزء صغير كده الطبيعي ظهوره من الب*ر.. و الجلد الزائد يتشال..
البغاشة سريعا
احنا كناس عاقلين واعيين مسلمين وفاهمين كويس عدل ربنا لازم يكون ده منهجنا في تناول قضية الختان، نعم ذكره النبي صلى الله عليه وسلم وله أدلة كثير من العلماء تناقش في ضعفها، لكن عُضدت كثيرا، سيدنا الإمام ابن تيمية لما سُئل عن الختان؟
قال بسم الله، نعم تُختتن، وختانها أن تُقطع أعلى الجلدة التي هي كعُرف الديك
انتهى كلامه
استخدم لفظا دقيقا للغاية متطابق مع ما قاله لنا العلم، الذي لم يعارض أبدا نظرة الإسلام للختان، بل أيدها وعضدها ورضي عنها، لكن المجرمين أخرجوا الأمر عن نطاقه وحده، وعاثوا في فروج النساء فسادا، فانقلب ذلك على الرجال والنساء ..
منقول 🔥

10/11/2020

الأسئلة الشائعة حول التوكسوبلازما والحمل...
مترجم (بتصرف قليل) من "مركز السيطرة والوقاية من الأمراض التابع للولايات المتحدة الأمريكية"...

1. متى يجب على أن أقلق كأم حامل من مرض التوكسوبلازما ؟
ج: بشكل عام، إذا ما سبق إصابتك بالمرض من قبل، فـأنت والجنين الحالي محميان بقضل مناعتك الطبيعية من العدوى السابقة. إلا أن بعض الخبراء يقترحون الانتظار لمدة 6 أشهر بعد الإصابة الأولى بالمرض قبل السماح لأي سيدة بحدوث الحمل.

2. كيف يمكنني معرقة ما إذا سبق إصابتي من قبل؟
ج: هناك بعض تحاليل الأجسام المضادة التي تجرى عن طريق سحب عينة من الدم، والتي تثبت حدوث إصابة سابقة أو تنفيها.

3. كيف يمكن للتوكسوبلازما أن تسبب ضررا للجنين داخل الرحم؟
ج: يمكن العدوى بطفيل التوكسوبلازما أثناء الحمل أو قبيل الحمل بفترة قصيرة أن تنتقل للجنين داخل الرحم. قد لا تعانين أنت شخصيا من أية أعراض. وفي أغلب الأحيان ولحسن الحظ لا يصاب الجنين بأية أمراض. إلا أن العدوى في بعض الأحيان قد تتسبب في حدوث بعض المشاكل الخطرة للمولود كالعمى وتأخر النمو العقلي.

4. كيف تنتقل عدوى التوكسوبلازما؟
ج: تلعب القطط دورا هاما في نقل العدوى. تنتقل العدوى للقطط عن طريق التهام الفئران و الحيوانات القارضة، ثم تقوم القطط بنقل الطقيل من خلال فضلاتها. يمكن للعدوى أن تنتقل إليك من خلال ملامسة الأيدي للفم عقب تغيير صندوق فضلات القطط دون غسل الأيدي، أو التعامل مع الخضروات والفاكهة التي تلوثت من تربة مخالطة لفضلات القطط، أو تناول اللحوم غير المطهية مثل البيف البقري ولحوم الدواجن المدخنة.

5. هل علي أن أتخلص من قطتي المنزلية إذا ما كنت حاملا أو أنوي السماح بحدوث حمل؟
ج: لا. ولكن عليك اتباع بعض التعليمات لتقليل خطر العدوى:
- تجنبي تغيير صندوق فضلات القطط قدر الإمكان. وإذا لزم الأمر ارتدي واقي الأيدي ثم قومي بغسل يديك جيدا عقب الانتهاء من تغيير الصندوق.
- ضرورة القيام بتغيير الصندوق يوميا. فطفيل التوكسوبلازما لا يمكنه أن يتطور إلى الطور المعدي قبل مرور من 1 - 5 أيام عقب خروحه في فضلات القطة.
- تجنبي تماما إطعام القطة بأية لحوم غير مطهية.
- حافظي على تواجد القطة بشكل دائم داخل المنزل.
- لا تشتري قطة جديدة وأنت حامل.

6. ماذا يجب علي أن أفعل أيضا لتجنب عدوى التوكسوبلازما؟
ج: عليك:
- غسل الخضروات والفاكهة بشكل جيد قبل تناولها.
- استخدام واقيات الأيدي عند غسل الخضروات والفاكهة.
- طهي اللحوم بشكل تام وعدم تناول اللحوم المدخنة أو غير المطهية بشكل جيد وتام.

وأضيف..
- الأبحاث التي أظهرت أن التوكسوبلازما تسبب الإجهاض في الشهور الأولى من الحمل ضعيفة.
- المشاكل التي قد تحدث للحمل من عدوى التوكسوبلازما تحدث فقط في العدوى الأولية أثناء أو قبيل الحمل. أي عدوى لاحقة لا تسبب أي ضرر للحمل، ببساطة لأن الأم تكون قد اكتسبت مناعة طبيعية. وهذه المناعة الطبيعية ستنتقل لأي جنين تحمل به لاحقا وتحميه.
- وعليه... فإجراء تحليل التوكسوبلازما لحالات الإجهاض المتكرر، أو وصف علاج لها أثناء أو قبل الحمل لمثل هذه الحالات ليس لهما أي أساس علمي.. ويجب التوقف عن ممارستهما بشكل نهائي..

14/09/2020

👨‍👩‍👧‍👦👭