Psy/ Monica Maher

Psy/ Monica Maher Psychologist �

05/04/2025

الأمان مش في الصمت لكن في الكلام.. ♥️
تعرض طفل للتحرش مش مجرد حدث عابر ، لكنه بيأثر علي نفسيته
والتحرش بالطفل مش مجرد مشكلة فردية ..
احتوي طفلك و حسسه بلأمان ماتخوفهوش أو تلومه ، طمنه أنه مش غلطان ،
اسمعه كويس خليه يحكي براحة من غير مقاطعة أو استجواب عنيف ،
وماتجبرهوش يحكي بالعافية لو مش قادر يتكلم دلوقتي اديله وقته ، ماتتهددش وتزعق ، خليك هادي قدامه عشان يحس بالأمان
اشرحله بأسلوب بسيط إن جسده ملكه وإن اي حد يقرب منه بطريقة غلط لازم يقول
عرفه علي الفرق بين اللمسة الصح واللمسة الغلط من غير تخويف ، خليك صديق لطفلك
اهم حاجة تعرفه إنه مش لوحده وان فيه ناس بتحبه وهتحميه
مسلسل #لامـ شمسية #تعرض الطفل للتحرش

04/04/2025

الاطفال زي الكبار بالظبط
بيتضايقو لما نحكم عليهم ، ويتشدوا لما نحسسهم أنهم وحشين او مش نافعين وبنقول جمل دي من غير م ناخد بالنا
زي " انت دايماا مهمل"
"عمرك م بتسمع الكلام " ، "انت اناني" ، "مابتفكرش قبل م تتصرف"
الكلام دا بيوصل للطفل علي أنه وصف ثابت لشخصيته ، مش تصرف معين هو عمله ، يعني يبدأ يصدق إنه فعلا مهمل أو عنيد وبيتصرف بعد كدا علي الاساس دا
طب ايه الحل ؟
بدل ما تحكم علي شخصيته ، اتكلم عن الفعل أو المشكلة نفسها
زي " الواجب ناقص ودا ممكن يأثر علي درجاتك محتاجين نشوف هنخلصه ازاي "
"بدل انت دايما بتغلط" قول "تعالا نشوف ممكن نصحلها ازاي مع بعض "
بدل " انت اناني " ، قول " كان ممكن تشارك اخوك في اللعبة دا كان هيخليه مبسوط "
ليه الأسلوب دا مهم ؟
بيفصل بين الطفل كشخص و بين تصرفه المؤقت
بيديله فرصة يفكر في حل
يخليه يحس أنك بتفهمه مش بتحكم عليه ❤️🧠

11/03/2025

الخلافات بين الاخوات طبيعي ومش معناها أن العلاقة بينهم سيئة ♥
و من الأفضل التدخُل من الأهل ب شكل عادل ، مش مُتحيز اعرف الاول سبب الخلاف ، هديك مثال بسيط
-فيه بيتخانقو عشان يتنافسوا علي الاهتمام لما طفل يحس أن اخوه بياخد اهتمام اكتر منه فا بيحاول يلفت انتباهك
-لو الطفل مضايق من حاجة زي ضغط المدرسة ممكن ينفجر في اخوه بدل م يعبر عن مشاعره الحقيقية
-بدل م نخلي المشاكل تكبر ممكن نحلها ب طرق بسيطة 🎯..
متحاولش تعرف مين صح ومين غلط علطول ده بيخلي كل طفل يحاول يثبت أنه الضحية
#الحل قبل م نحكم ، نحاول نفهم وجهه نظر كل واحد
بدل ما نفرض عليهم حل خليهم يشاركو في إيجاد حل مناسب للطرفين
تشجع الحلول المشتركة ( ايه الحل ال ممكن يرضيكم سوا )
( بدل م تحاول "تفصل بينهم" طول الوقت ، حاول "تعلمهم" ازاي يتعاملوا مع بعض بإحترام و ذكاء ♥ )

09/03/2025

العلاقة بين الاخوات مُعقدة جدا ، فيها تنافس ، صراع ، حب في نفس الوقت
الطفل مش بيشوف اخوه مجرد فرد في العيلة لكنه كمان "منافس" علي حب واهتمام الأهل
التنافس مش معناه أن الاخوات بيكرهوا بعض لكنه جزء طبيعي من العلاقة بينهم ، المشكلة مش في التنافس نفسه ! المشكلة في طريقة تعامل الأهل معاه
هديك مثال بسيط
اول حاجة لازم تقبل أن التنافس طبيعي ، بدل م تقوله ليه دايما بتتخانقو!؟
ممكن نقول 'كل واحد فيكم ليه طريقته تعالو نشوف نحل المشكلة ازاي'
لما يقول 'أنا بكره اخويا ' بدل م تقوله لا انت بتحبه، نحاول نفهم مشاعره ونوجهها بشكل صح ، ممكن نقول انت مضايق منه دلوقتي ممكن تحكي ايه اللي حصل ؟"
دي حاجات بسيطة بتفرق معاهم ، الجملة بتفرق
دور الأهل انك تقلل المشاعر السلبية ، وأنه مش لازم يتنافس عشان ياخد مكان في قلب أهله ❤️

02/03/2025

بناء الثقة بيبدأ من البيت ومن طريقة تعامل الأهل ..
-شجع الطفل لما يحاول يعمل حاجة جديدة ، شجعه حتي لو منجحتش ، شجعه حتي لو حاجة بسيطة جدا عملها زي
" شاطر انك حاولت تربط جزمتك لوحدك "
-ابعد عن النقد متقولش"انت فاشل " "انت عمرك م هتعرف تعمل كدا"
بدل كده قوله ( المرة الجاية جرب بطريقة مختلفة وانا واثق انك هتنجح )
-احتفل ب محاولاته مش بس بالنتيجة ( انا مبسوط أنك اجتهدت في الرسم ، مش مهم أنه مثالي)
كل م الطفل يحس أنه محبوب ومقبول زي ماهو ثقته في نفسه هتزيد وهيكبر بشخصية قوية ومستقلة

18/02/2025

كتير بيشوفو الاطفال ب ( قالب واحد ) ! تعالا افهمك يعني ايه .. 💁
-الولد دا شاطر.. انا ليه ابني مش كدا ؟ الولد دا بيعرف يرسم .. انا ليه ابني مش كدا ؟
في الواقع ان كل انسان في الدنيا بيأدي رساله معينه وبيضيف للحياه شيء مختلف عن بقيه الناس ، ازاي عايزين منهم انهم يبقوا شيء واحد ؟ نفس الطريقه ونفس الاسلوب
(كما نريد .. لا كما يريدون )
احنا كدا بنخلق أن الطفل يقول ( انا ليه مش زي اخويا ، انا ليه مش بعرف ارسم ، انا ليه مش شاطر )
° كل انسان وهبه الله قدرة خاصة عشان يضيف بيها للحياة يا عزيزي
° لو حس كل طفل بأنه محبوب لذاته و إمكانياته ويعرف أنه متميز في شئ معين غير الباقي ، و أن كل إنسان ليه قدرة وموهبة عمل شئ معين في الدنيا هتختلف احوالنا وهنشوفهم ب عين العطف والرعاية
كتاب الصحة النفسية للطفل 🧠

24/01/2025

من الحاجات ال ممكن تخلي فيه صراع م بين الاب والام من الطفل أو العكس
في نوع من التربيه والتوجيه العلماء قسموه ل حاجتين
-الإبلاغ : ان انت اب او ام يكون عندك رساله معينه وعايز توصلها ل ابنك ، زي تقوله دا صح ودا غلط او نصيحة
وهنخش على النوع الثاني وهو
-الفعل ( وهو ان الطفل يستجيب ل ال انت بتقوله ) بس مش معناه انه يستجيب ل كلامك كله
الطفل يقدر يغير ويعدل حاجات كتير علشان ربنا خلق له اراده ورؤيه وعنده فكر حتى وهو صغير فهيبدأ في ( الإختيار )
زي مثلاً انت ك اب او ام وصلت ل ال انت فيه حالياً بعد مراحل كتيره من التجارب والاخطاء والنضج والتعلم
-مش من المُفضل يكون عندي 40 او 50 سنه و عايز طفل عنده خمس سنين يكون عنده نفس ارائي وتوجيهاتي ده ضد الطبيعه وضد فطره الانسان وضد ارادته واختياره ومسؤوليته
وإصرار الأهل على ده هيحصل المشكله اللي بنشوفها دايما وبيشتكوا منها كتير وهي أن الطفل عنيد ومش بيسمع الكلام
والنتيجه هتكون شيء من ال ٢ ، الطفل هيستسلم تحت الضغط وهيكون سلبي معندوش إراده واعتمادي مفيش اختيار واو تلقائيه وبالتالي اسلم كل شيء على الاب والام
وفي نفس الوقت عدواني سلبي هيقولك ( مش انتم عايزين ده شوفوا بقى اللي هيحصل ) وهيحمل النتيجه للأب والام وهتكون رحله صراع للطرفين هيتراكم فيها مشاعر سلبيه عند الطفل اتجاه الاب والام او الاب والام اتجاه الطفل
( من كتاب الصحة النفسية للطفل )

16/01/2025

اسمع رأي ابنك
لما يطلب منك حاجة او يعترض علي حاجة خد دا علي محمل الجد و اسمع رأيه حتي لو مش هتنفذ ال قاله
المهم يحس ان له قيمة ❤

03/01/2025

سيبوا الطفل يجرب حاجات لوحده زي اختيار هدومه او تجهيز شنطته
ادعموا استقلاليتهم ❤

01/01/2025

متتريقش علي ابنك قدام حد
لو عمل حاجة غلط انصحه بينك و بينه عشان ميحسش ب الاهانة ❤️

Address

Alexandria

Website

Alerts

Be the first to know and let us send you an email when Psy/ Monica Maher posts news and promotions. Your email address will not be used for any other purpose, and you can unsubscribe at any time.

Shortcuts

Share

Category