Baby clinic/ Dr GHADA Elsayyad

Baby clinic/ Dr GHADA Elsayyad عيادة د.غادة صلاح الصياد

إستشاري طب الأطفال و حديثي الولادة

د. غادة صلاح الصياد.

- إستشاري طب الأطفال و حديثي الولادة.

- ماجستير طب الأطفال- جامعة الأسكندرية.

- تغذية عامة و علاجية.

- عضو الجمعية المصرية العلمية لطب الأطفال و حديثي الولادة.

صحة طفلك تهمنا�

02/08/2026

02/08/2026

#حرارة

02/08/2026

02/08/2026

تحاليل السنة للانيميا الروتينية
او لاي طفل عنده فقدان شهية او قلة تركيز و مناعه في الكومنتات

01/08/2026

😞

١- الطفل لو جاع بعد ما يتولد و مامته تعبانه و مش قادرة ترضعُه :-

❌ الغلط :
إديله ٥ سم جلوكوز أو رضعة أعشاب لحد لما أمه تفوق ⁦... و كده كده اللبن مش هاينزل غير في اليوم الثالث..

⁦✔️⁩ الصح :
نساعد الأم و نحطه على صدرها لإن الحركة دي نفسها بتزود إفراز اللبن... لإن اللبن و القنوات اللبنيه بيكتمل تكوينها في ث*ي الأم من الأسبوع ال ٣٥ في الحمل و مش محتاج غير تحفيز فقط ...
و الكمية اللي بتنزل للطفل من اول يوم كافية تشبعه لإن معدِته صغيره و يعادل حجمها حجم البيضة البلدي الصغيرة .... زائد إن أول لبن بينزل من ث*ي الأم ( السرسوب ) على الرغم من إنه لونه خفيف و زي الماء إلا إنه بيحتوي على كمية عالية من البروتين و الأجسام المضادة اللي بتحمي الطفل لفترة طويلة ضد الميكروبات و الجراثيم اللي هايقابلها على كوكبنا الجميل 😊 ...و الأم لو مش قادرة مفيش مشكله نستنى كام ساعه تفوق وتحاول تاني وآخر حل ويكون تحت اشراف طبيب الأطفال نحضر للطفل ٣٠ مل لبن صناعي و نديه بالمعلقة أو بالسرنجة علشان ما يتعودش على الببرونة و يسيب ث*ي الأم ...
----------------------------------------------------
٢- الطفل لو جاتله الصفراء بعد الولادة :-

❌ الغلط :-
حطيه تحت لمبه نيون و إديله ميه بسكر علشان الصفراء تروح .

⁦✔️⁩ الصح :-
اللمبة النيون و لا ليها أي لازمة و لا تَمُت للعلاج الضوئي اللي الطفل بيتعرض ليه في الحضانة بِِصِلَة .... و الميه بسكر بتعمل عسر هضم و بتزود الصفراء ..... طيب نعمل إيه ؟؟!!
نِطلع بالطفل على أقرب دكتور نقيس عنده الصفراء بالذات لو ظهرت في أول يوم بعد الولادة .... و حسب النسبة و حالة الطفل الدكتور هايحدد هتعملوا إيه ....يا اما الام هتابع الطفل في البيت وهترضعه كويس وبشكل منتظم و دا في حالة ان الصفراء فيسيولوجيه او ان الطفل هيحتاج يتحجز ف الحضانة ويوضع على علاج ضوئي علي حسب منحنيات الصفرا
----------------------------------------------------
٣- الطفل عنده فتق سُرِّي :-

❌ الغلط :-
أربطي بطنه بحزام السُرة أو أقولك هاتي جنيه معدن و اربطيه برباط على الفتق علشان يروح .

⁦✔️⁩الصح :-
الفتق السري موجود في نسبة مش قليلة من المواليد و سببه ضعف جدار البطن و مع الوقت في مُعظم الحالات مع نمو الطفل و ازدياد عضلات البطن قوة في السنة الأولى بيروح لوحده بدون أي تدخل مهما كان كبير .... و رباط السرة من فضلك فكيه و ارميه و الجنيه حطيه في الحصالة
يمكن ينفعك في يوم من الأيام 😄
و لو حسيتي إن الفتق جامد شوية أو لونه مغير و دا بيحصل قليل أوي ياريت تستشيري دكتور جراحة ...
----------------------------------------------------
٤- حفلة السُبوع :-

❌ الغلط :-
هاتوا الغربال نغربل الواد خلليه يجمد كده ...و دق يا هون و إسمع كلام أبوك و ما تسمعش كلام عمك ...( للأسف لسه بيحصل الكلام دا و كتير )

⁦✔️⁩ الصح:-
هزة الغربال ممكن تسبب نزيف في المخ فوريا و تخللي الطفل يعاني من إعاقة ذهنية و عصبية و عضلية طول عمره ...ف بلاش الغربال.
----------------------------------------------------
٥- الكالسيوم :-

❌ الغلط :-
إديه من أول ما يتولد علشان يشد نفسه بدري و يمشي و يسنن بدري ...

⁦✔️⁩ الصح :-
مش بندي الكالسيوم من غير تحليل .... مش بندي الكالسيوم من غير تحليل .... مش بندي الكالسيوم من غير تحليل ... أقول كمان و الا كفاية 😄
ليه كل دا ؟؟!!
لإن الكالسيوم عمال على بطال و من بدري بيؤذي الكلى و ممكن يكون حصوات في مجرى بول الطفل و يدخلنا في متاهات لا طاقة لنا بها ...
طيب نعمل إيه ؟؟!!
ندي فيتامين د من اول الولادة ٤ نقط و لغاية سنة ونصف و دا كفاية مع الرضاعة و الأكل بعد كده لنمو الطفل و تطوره العضلي ... الطفل متأخر نروح للدكتور و نعمل التحاليل و الفحوصات اللازمة و نشوف إيه السبب ..
و بالمرة الحديد ممكن نبدأه من الشهر الرابع كجرعة وقائية بالذات لو الطفل بيرضع طبيعي و مع بداية الأكل لو الطفل بياكل و بيرضع كويس ممكن نستغنى عن الحديد خالص ...
----------------------------------------------------
٦- الأكل :-

❌ الغلط :-
إبدأي أكلي بدري علشان وزنه يزيد و يربرب كده ...

⁦✔️⁩ الصح :-
في علامات بتقولنا الطفل جاهز ياكل و الا لأ زي مثلاً إنه يصلب رأسه .. يتابع الناس و هي بتاكل و لعابه ينزل ... و العلامات دي بنشوفها من الشهر الرابع للسادس و حتى لو شفتيها و بدأتي تأكلي لازم تعرفي إن مرحلة ما قبل السنة اللي بيزود الوزن زيادة صحيه هي الرضاعة و الأساسي في غذاء الطفل هو الرضاعة ... و الغرض من الأكل ما هو فقط إلا تجربة الأصناف علشان نشوف تقبله ليها و عنده منها حساسية و الا لأ وياريت الاكل يكون تحت اشراف طبيب الأطفال لتظبيط الوجبات وطريقة ادخال اصناف الطعام.
----------------------------------------------------
٧- الماء :-

❌ الغلط :-
شربيه ميه الدنيا حر حرام عليكي ...

⁦✔️⁩ الصح :-
شُرب الماء بيبدأ من عمر ٦ شهور و الطفل بيوصله عن طريق الرضاعة سواء طبيعي أو صناعي إحتياجاته الكاملة من الماء ..
ليه مش قبل ٦ شهور ؟؟!!
علشان بطنه ما تتملاش على الفاضي و يشبع و بالتالي تضيع عليه رضعات مغذية و وزنه. يقل و كمان علشان الكلى ما تتعبش ويحصل طفيليات ونزلات معويه ...


Copied #

د_غادة_الصياد
01/08/2026

د_غادة_الصياد

29/07/2026

#العيادة #مصر

28/07/2026

جوزى بيسألنى مره وبيقوللى انتى ازاى بتعمللى كده ؟؟؟
قولتله بعمل ايه ؟؟؟

قالى بتزعللى وتتنرفزى جامد
وترجعى تهدى مره واحده

بتضربى الاولاد وترجعى تبوسيهم
مكان الضربه وتصالحيهم فى نفس الوقت

تبقى مش طايقاهم واول ما واحد فيهم يتخبط
تجرى عليه ويتغير شكللك فى لحظه وتبقى هتموتى عليه

تكونى نايمه فى سابع نومه وانا عامل هيصه جامده وماتصحيش
و اول ما حد منهم بس يعيط
واكون مش سامعه تتنطرى تروحيله
كأنك ما كونتيش نايمه

تفضللى تشتكى وتقوللى تعبانه ومش
قادره واول ما يبعدو شويه عنك او يروحو
عند جدتهم تفضللى تزنى عايزهم يرجعو
واول ما يرجعو ويبتدو يعملو شقاوه ترجعى
تزعقى وتتنرفزى تانى

أكيد انتى مش طبيعيه اكيد مجنونه

قولتله : بالعكس انا طبيعيه جداا""

انا بس السوفت وير بتاعى مظبوط عليهم وعلى نظامهم
افرح لفرحهم ,,,اتعب لتعبهم ,,,اصحى على صوتهم لو عيطوا
اقلق لو بعدو عنى ,,,ازعق واشخط خوف عليهم لا يتأذو
اكون زى ما بيقولو ,,,ادعى على ابنى واكره الى يقول أمين
ومن جوايا بقول يارب ما تسمع منى

انا طبيعيه ,,,انا الفطره الى فطرنى عليها ربنا ,,,,انا ببساطه ""ماما ""...❤️


ٔطفال_و_حديثي_الولادة
ٔطفال

📱01121150473
الأسكندرية.

28/07/2026

مفيش حاجة اسمها مديش طفلي فاكهة أو لحمة علشان بتعمل عفونة في المعدة.
الكلام ده غير علمي غير صحيح مش بيحصل.

Address

٤٨٨ طريق الحرية/بولكلي أمام ترام الوزارة الدور الثاني وحدة ٢ب/الاسكندرية
Alexandria
21646

Telephone

+201121150473

Website

Alerts

Be the first to know and let us send you an email when Baby clinic/ Dr GHADA Elsayyad posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Baby clinic/ Dr GHADA Elsayyad:

Shortcuts

Share

Category