دكتورة/ أميرة بدوى أستاذ النساء والتوليد وعلاج العقم

  • Home
  • Egypt
  • Alexandria
  • دكتورة/ أميرة بدوى أستاذ النساء والتوليد وعلاج العقم

دكتورة/ أميرة بدوى أستاذ النساء والتوليد وعلاج العقم أستاذ أمراض النساء والتوليد وعلاج العقم
استشاري الأورام النسائية والمناظير المتقدمة Page Managed by AdMedica
https://www.facebook.com/admedica

تتشرف عيادة الدكتورة اميرة بدوى بتقديم الكثير من الخدمات الطبية المتخصصة فى مجال أمراض النساء والتوليد وعلاج العقم:

1- الكشف المبكر عن الأورام النسائية:
أخذ عينة من جدار الرحم بدون الحاجة الى تخدير.
أخذ عينة من عنق الرحم.
الفحص الدورى للثدى.
المتابعة الدورية بالموجات فوق الصوتية.

2- التطعيم الوقائي من سرطان الرحم.

3- المناظير النسائية:
المنظار الرحمى.
تشخيص وعلاج حالات تأخر الحمل وحالات النزيف.
المنظار البطني.

4- علاج حالات تأخر الإنجاب:
تشخيص وعلاج حالات تأخر الحمل.
تشخيص أسباب آلام الحوض المزمنة.
علاج حالات الحمل خارج الرحم.
استئصال أورام وأكياس المبيض.
إجراء العمليات مثل استئصال الأورام الليفية واستئصال الرحم بالمنظار.

4- توفير وتركيب وسائل تنظيم الأسرة مثل:
اللولب، كبسولة تحت الجلد، الحلقة المهبلية.

5- خدمات المتابعة المعتادة:
متابعة الحمل والحمل الحرج.
تشخيص وعلاج الالتهابات والنزيف.
الفحص الشامل والتوعية الطبية للمقبلات على الزواج والمتزوجات حديثًا.
المتابعة الطبية للسيدات بعد سن انقطاع الدورة.

وتعتبر عيادة د/ اميرة بدوى من المراكز النادرة المتخصصة في تشخيص وعلاج الأورام النسائية، وإجراء عمليات المناظير الدقيقة بأنواعها،
كما تتميز بوجود فريق طبي نسائي متميز أثناء الكشف بالعيادة، وخلال العمليات الجراحية المختلفة لمراعاة رغبة وخصوصية المريضات في العيادة.

نحن حريصون على متابعة كل جديد فيما يخص صحة الآنسة الصغيرة و السيدة الناضجة و على استعداد للإجابة والتواصل مع كل من لديها سؤال او استفسار.

"المياه معكرة.. البيبي تعبان ولازم نفتح حالاً!".. الجملة اللي بتدّخل أمهات كتير أوضة العمليات بدون أي مبرر طبي حقيقي.لكن...
06/08/2026

"المياه معكرة.. البيبي تعبان ولازم نفتح حالاً!".. الجملة اللي بتدّخل أمهات كتير أوضة العمليات بدون أي مبرر طبي حقيقي.

لكن الحقيقة الطبية عكس الرعب ده تماماً؛ المياه المعكرة دي ظاهرة طبيعية جداً وبنشوفها في حالات كتير ومتقلقيش خالص.

السبب في العكارة دي مش إن البيبي تعبان أو قام بالتبرز جوه، الموضوع ببساطة إن المياه بتكون مليانة خلايا طبيعية بتقع بشكل عادي من على سطح جلد البيبي، وساعات بتكون خلايا دهنية من المادة اللي بتحمي جلده وهو جوه الرحم.

وعشان إحنا دايماً معاكي، بنطمنك إن طول ما نبض البيبي وتخطيط قلبه وحركته تمام، مفيش أي داعي للقلق أو الاستعجال سواء بولادة طبيعية أو قيصرية.

احجزي استشارتك ومتابعتك دلوقتي مع د. أميرة، واطمني إن كل قرار بيتاخد بناءً على تقييم طبي مظبوط وفي وقته الصح. 💜
عيادات أ.د. أميرة بدوي دايمًا معاكي.

سرطان عنق الرحم.. صامت وسريع الانتشار، بس مناعتك تقدر عليه!المرض ده ملوش أي أعراض واضحة في بدايته، وللأسف سريع الانتشار....
05/08/2026

سرطان عنق الرحم.. صامت وسريع الانتشار، بس مناعتك تقدر عليه!
المرض ده ملوش أي أعراض واضحة في بدايته، وللأسف سريع الانتشار.. بس المفاجأة" الطبية إن في الأول، لو مناعتك وتغذيتك كويسة، جسمك بيقدر يحاربه ويتخلص منه تماماً وينهي وجوده!
الخطورة الحقيقية بتحصل لو المناعة ضعيفة؛ وقتها الخلايا دي بتلاقي فرصة وتتطور بالتدريج لتغيرات سرطانية.
وعشان إحنا دايماً معاكي، نصيحتي ليكي دايماً، ركزي في أكل صحي، ونوم مظبوط، وابعدي عن الضغط العصبي.. لأن طول ما مناعتك قوية، جسمك ويقضي على أي خطر من غير ما تحسي.
عيادات أ.د. أميرة بدوي دايمًا معاكي.

الأورام الليفية مش معناها خسارة الرحم.. اعرفي الحل الصح والآمن لحالتك!كتير من الستات بيصيبهم القلق أول ما يسمعوا تشخيص "...
04/08/2026

الأورام الليفية مش معناها خسارة الرحم.. اعرفي الحل الصح والآمن لحالتك!
كتير من الستات بيصيبهم القلق أول ما يسمعوا تشخيص "ورم ليفي" ويفتكروا إن الحل الوحيد هو الجراحة أو استئصال الرحم، لكن في الحقيقة الموضوع أبسط من كده بكتير وبيتحدد حسب نوع وحجم الورم نفسه.

الأورام الليفية نوعين، نوع صغير وملوش أعراض وبنكتفي بمتابعته بس، ونوع تاني كبير وضاغط بيسبب نزيف أو بيأخر الحمل، وهنا بنبدأ نتدخل طبيًا.

وهنا بيجي دور المنظار كحل أنسب للتخلص من الأورام دي.. بفتحة جراحية متعديش 1 سم وبدون مضاعفات، عشان تقدري ترجعي لحياتك الطبيعية بكامل صحتك في أيام معدودة وبأقل فترة نقاهة ممكنة.

احجزي استشارتك دلوقتي وخلينا نطمنك بالحل الأصح ليكي. 💜

عيادات أ.د. أميرة بدوي دايمًا معاكي.

لو حالة 40 سنة وعندها سرطان ث*ي.. هل تطعيم الـ HPV مفيد ليها؟اللقاح ده ملوش علاقة بعلاج سرطان الث*ي نفسه ولا هيوقفه.. لك...
31/07/2026

لو حالة 40 سنة وعندها سرطان ث*ي.. هل تطعيم الـ HPV مفيد ليها؟
اللقاح ده ملوش علاقة بعلاج سرطان الث*ي نفسه ولا هيوقفه.. لكن أهميته الكبيرة هنا بتيجي من باب "الوقاية الإضافية".
مريضات السرطان اللي بيبدأوا علاج كيميائي مناعتهم بتقل جداً، وعشان كده الدكاترة بتنصح بقوة إنهم ياخدوا التطعيم ده؛ لحمايتهم من الإصابة بفيروس الورم الحليمي ومضاعفاته في وقت جسمهم فيه مش مستحمل أي عدوى تانية.
وبما إن سن الـ 40 مش من الأعمار اللي التطعيم فيها بيكون روتيني، فالخطوة الصح هي التنسيق المشترك مع الطبيب المعالج.
عيادات أ.د. أميرة بدوي دايمًا معاكي.

لو عندك أورام في الرحم ومترددة في قرار الاستئصال خوفاً من الوجع والمشرط.. عايزاكي تطمني لأن دلوقتي المنظار بقى بديل آمن ...
30/07/2026

لو عندك أورام في الرحم ومترددة في قرار الاستئصال خوفاً من الوجع والمشرط..
عايزاكي تطمني لأن دلوقتي المنظار بقى بديل آمن جدًا للجراحات التقليدية، وله مميزات كتير جدًا، زي:
إن المضاعفات في المناظير أقل بعشرات المرات من الجراحة العادية.
بتخرجي نفس اليوم من المستشفى.
فترة النقاهة من يومين لـ 3 أيام وبس.
المنظار بيتم من خلال ثقوب صغيرة جدًا مش بتسيب أي أثر أو جرح كبير في البطن.
وأخيرًا بالنسبة للتكلفة الإجمالية للمنظار بتكون أقل بكتير من الجراحة التقليدية.
ف دلوقتي اطمني إن قرار الاستئصال مبقاش يخوف، واحجزي استشارتك دلوقتي مع د. أميرة.
عيادات أ.د. أميرة بدوي دايمًا معاكي.

28/07/2026

الأورام الليفية شائعة جداً خاصة بعد سن الـ ٣٠، ورغم إن سببها الدقيق مش معروف، إلا إن فيه ٣ عوامل هما المحرك الأساسي لنموها والسيطرة عليها بتبدأ من فهمك ليهم، زي مثلًا:

- نشاط هرمون الإستروجين والبروجسترون، اللي بيعتبروا "الغذاء" للأورام دي، عشان كدة بتكبر وقت الحمل وبتبدأ تختفي وتنكمش بعد انقطاع الطمث.

- الجينات والوراثية، يعني لو والدتك أو أختك كانت عندهم، ففرصة إصابتك بتكون أكبر بسبب الاستعداد الوراثي في العيلة.
- وأخيرًا، المهم تفهمي إن أحياناً جسمنا بيتأثر بحاجات بسيطة؛ زي زيادة الوزن، نقص فيتامين (د)، أو لو الدورة بدأت معاكِ في سن مبكر.. كل دي عوامل بتخلق بيئة بتشجع الأورام دي إنها تظهر وتكبر.

في النهاية، حابة أطمنك إن وجود ورم ليفي مش معناه خطر، لكنه معناه إن جسمك محتاج متابعة خاصة، والتشخيص المبكر والمتابعة هما اللي بيضمنوا ليكي الأمان. 💜

شهور الصيف والحر الشديد بيحطوا جسمك في فترة الحمل تحت مجهود "دبل"، ودة طبيعي يخليكي تحسي بدوخة، تعرق مفرط، ضربات قلب سري...
28/07/2026

شهور الصيف والحر الشديد بيحطوا جسمك في فترة الحمل تحت مجهود "دبل"، ودة طبيعي يخليكي تحسي بدوخة، تعرق مفرط، ضربات قلب سريعة، أو ثقل وضيق في التنفس.
وعشان احنا دايماً معاكي في كل خطوة، بننصحك بالترطيب وشرب السوائل طول اليوم، تجنب الشمس المباشرة وقت الذروة، والراحة مع الكمادات الباردة..
لكن خليكي عارفة إن لو حرارتك وصلت 38° أو استمرت عالية لأكثر من يوم، بقي فيه ترجيع، رعشة، طفح جلدي، أو هبوط حاد، لازم تستشيري الطبيب فورًا.
لو عندك أي استفسار، شاركينا في التعليقات وهنرد عليكي فورًا عشان تطمني. 💜
عيادات أ.د. أميرة بدوي دايمًا معاكي.

26/07/2026

كتير من الأمهات بيسيطر عليهم الخوف من الولادة الطبيعية، لكن الحقيقة إنها مش بس أسرع في التعافي، دي أحسن خطوة لصحتك وصحة طفلك:

لأنك هتقومي بالسلامة أسرع وتمارسي حياتك بدون جرح جراحي.
لأن طفلك هياخد أول جرعة مناعة طبيعية لجهازه الهضمي وهو خارج.
لأن الرضاعة بتبدأ فوراً وبدون تعب، وده بيقوي ارتباطك بطفلك.
لأن الوجع مبقاش عائق والولادة بقت بدون ألم.

شاركينا.. إيه أكتر حاجة مخوفاكي من الولادة الطبيعية؟

26/07/2026

يسعدني التواجد كواحدة ضمن نخبة مميزة من الأطباء في مؤتمر طبي يستهدف كل ما يخص "تكيس المبايض"، يومي 29 و30 يوليو بالمركز الأفريقي لصحة المرأة (شارع القائد إبراهيم).. منتظرينكم جميعاً! 💜

23/07/2026

لو لسة متعرفيش إمتى بنلجأ للولادة القيصرية .. أنا النهاردة هقولك إزاي تعرفي دة؟

مبدأيًا رغم إن الطبيعي هو الأصل، إلا إننا بنلجأ للقيصرية كحل "منقذ" في حالات محددة، زي مثلًا:
- تعثر الولادة، لو المخاض اتوقف أو عنق الرحم مابيتوسعش بالشكل المطلوب.
- وضعية الجنين، لو البيبي نازل بالعرض أو بالمقعدة، أو لو ضربات قلبه بدأت تتأثر.
- مشاكل المشيمة، زي المشيمة المنزاحة اللي بتقفل طريق الولادة، أو تدلي الحبل السري.
- أسباب طبية تانية، زي حمل التوائم، العمليات السابقة في الرحم، أو وجود أورام ليفية تعيق المسار.
علشان كده، نصيحتي ليكي دايمًا، بلاش تطلبي القيصرية لمجرد الهروب من الألم؛ لأن الطبيعي دايماً مخاطره أقل، وسيبي القرار الطبي للطبيب، عشان تضمني سلامتك وسلامة طفلك.
لو عندك استفسار عن حالتك، شاركينا في التعليقات وهرد عليكي.

Address

Port Said St, Cleopatra Square, Cleopatra Class Building
Alexandria
21618

Opening Hours

Tuesday 1pm - 5pm
Wednesday 1pm - 5pm
Thursday 1pm - 5pm
Saturday 1pm - 5pm
Sunday 1pm - 5pm

Telephone

+201118244487

Website

Alerts

Be the first to know and let us send you an email when دكتورة/ أميرة بدوى أستاذ النساء والتوليد وعلاج العقم posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتورة/ أميرة بدوى أستاذ النساء والتوليد وعلاج العقم:

Shortcuts

Share

Category