الدكتور رامي احمد فؤاد

11/02/2026

يا ريت تبقى ضمن تطعيمات الصحة لأنها مهمة وأسعارها ارتفعت جدا

22/10/2025

نأسف لبشاعة الصورة
دول شوية #لب محترمين جراح زميلي استخرجهم من طفل كان جالي العيادة من ٣ ايام عنده مغص وحرارة عالية واسهال وأعراض تعنية يعني اكلينيكا ميكروب في الأمعاء وبعد يوم الطفل جالي تاني مش مستريح علي العلاج ومش قادر يقعد خالص وعنده ألم شديد أثناء الإخراج.
الولد ما طمنيش عملتله فحص شرجي لقيت حاجة غريبة في أول فتحة الشرج شكلها كأنها جسم غريب.
فورا بعته لزميلي دكتور مينا نبيل اللي بدوره طلع كل الكمية اللي انتوا شايفينها دي
فلو سمحتوا خلوا بالكم لما تجيبوا لب في البيت لازم تتأكدوا ان الأطفال بيعرفوا يقشروه مش يبلعوه وخلاص
الحمد لله ربنا ستر لكن كان ممكن يحصل مشاكل اكتر طبعا وممكن كان يحصل انسداد معوي لو الكمية اكتر من كدة
Cpd

20/09/2025

اول يوم مدرسة وزى ماهوا واضح مظاهر السعادة على وجوه الأطفال

17/09/2025

اتنبح صوتنا بلاش بيرسينج(خرم الأذن فى مكان غير شحمة الأذن) ،دةالتهاب فى غضروف الأذن بسبب البيرسينج ودى حالة بقينا نشوفها كتير مش نادرة،فيه ناس بتعمله لحديث الولادة

13/07/2025

نفى وزارة الصحة المصرية الشائعات المنتشرة عن انتشار الالتهاب السحائى

27/02/2025

25/09/2024

حملة تطعيم لطلاب المدارس ضد الالتهاب السحائى لطلاب
Junior 1
Junior 4
Kg1
نوافق عليها مافيش سبب يخلينا نرفض الا لو الطفل اخد تطعيم الالتهاب السحائى خارجى فالمصل واللقاح أو مع دكتوره المتابع

27/08/2024

#الادمن

07/05/2024

انهاردة طفلة ٩ شهور اتوفت عشان شرقت فى عنبة
و لأن الموضوع ده من أخطر المواقف اللي ممكن حد يواجهها عايزة اشرح ازاي لو حد اتعرض لموقف زي ده وملحقش يروح مستشفى يقدر ينقذ الطفل وهحاول أوضح الخطوات بقدر الإمكان ..
‏أول و أهم حاجة لو لقيت الطفل بيكح وقادر يتنفس خلال الكحة، سيبه يكح عشان لو في حاجة قافلة زوره الكحة تخرجها، لكن لو لقيته مش قادر يتنفس/لونه بدأ يزرق/غير قادر على إصدار أي صوت هتعمل حاجتين في منتهى الأهية :
١. تتصل بالإسعاف
٢. تبدأ خطوات الإنقاذ لحد ما الإسعاف يوصل
‏خطوات إنقاذ الطفل بالتفصيل:
(لازم تبص على الصور وانا بشرح الخطوات عشان تفهم بشكل أوضح)
١- هتقعد على كرسي بحيث يكون ضهرك مستقيم و رجليك لامسة الأرض (كرسي في البيت لو مستني الإسعاف او كنبة العربية لو انت رايح بيه المستشفى) ، هتمسك الطفل بحيث يكون اتجاه وشه و بطنه ناحية دراعك.. ‏خلي مستوى راس الطفل أوطى من مستوى صدره و ضهره
٢- لازم وش الطفل يكون مسنود على كف إيدك، وفي نفس الوقت لازم إيدك تكون مدعومة و مسنودة كويس على فخدك ، لازم تتأكد ان فم الطفل مش متغطي او مقفول بأي شيء، ولازم تخلي رقبته ثابتة ماتتحركش او تلف يمين او شمال
‏٣- عند المنطقة اللي بين كتفين الطفل في ضهره هتجيب بطن إيدك وتخبط بيها ٥ خبطات قوية سريعة متتالية زي ما موجود في الصورة ١
٤- لو الطفل لسه مرجعش يتنفس ولسه باين عليه علامات الاختناق هتعدل وشه وبطنه ناحيتك وتخلي ضهره هو اللي مسنود على دراعك زي صورة ٢ ‏و برضو يكون مستوى راسه اوطى من مستوى صدره
٥- باستعمال ٢ او ٣ من صوابع إيدك هتضغط ٥ ضغطات قوية سريعة متتالية على عضمة الصدر (في منتصف الخط الممتد بين ال ni***es)
‏٦- لو لسه حالة الاختناق مستمرة هتكرر كل اللي فات بنفس التتابع، تقلبه على وشه و ٥ خبطات على الضهر، وبعدين تعدله وتعمل ٥ ضغطات على الصدر وهتفضل تعمل ده لحد ما التنفس يرجع/ يبدأ يصدر أصوات تاني/ لونه يبدأ يرجع طبيعي/ الشيء اللي سادد زوره يخرج
‏٧- لو في وسط الخطوات دي الطفل اغمى عليه هتوقف كل حاجة وتعمل الآتي:
- هتحط الطفل على سرير او على الأرض لو انت مستني الإسعاف، او على كنبة العربية لو انت في طريقك للمستشفى،
هتشبك إيديك الاتنين مع بعض وتبدأ تضغط على الصدر ضغطات متتالية عشان تساعد ان عملية التنفس تفضل شغالة، ‏خلال ده تأكد أن الفم مفتوح و بص جوه بوق الطفل لو لقيت حاجة قافلة زوره شيلها، لو مشوفتش حاجة اوعى تدخل إيدك وكمل ضغط على الصدر عشان تتأكد ان التنفس شغال
كمل في ده بدون توقف لحد ما الإسعاف توصل/ انت توصل بالطفل للمستشفى
ده فيديو مفيد جداً بيوضح الخطوات اللي فاتت
https://youtu.be/ePodw7L_mFM
cpd

24/02/2024

ربنا يعين كل أب وأم

18/11/2023

لو عندك طفل راجع من المدرسة همدان ونشاطه اقل من المعتاد وبيشكى بصداع وساكت
تقومى عشان مايتمش الغزو الفيروسى عنده وماياخدش الدور ماتنزليهوش اليوم ده من البيت وريحيه تانى يوم من المدرسة ماتصحيهوش بدرى وسيبيه ينام براحته واعمليله شوربة فيها بصل(لسان عصفور او خضار او فراخ او .... المهم فيها بصل)
ليه بقى لانه فى مرحلة غزو فيروسي (فترة حضانة ميكروب) وجسمه محتاج لراحة وملازمة فراش تانى يوم حيبقى كويس ويقدر ينزل وتوفرى عليه وعلى نفسك دور كامل عبارة عن اسبوع من التعب
*اليومين دول تغيير فصول وموسم انتشار فيروسات بتصيب الجهاز التنفسي ربنا يحمى اولادنا