30/09/2026
٣ حركات بسيطة جدًا ممكن تقولك كتير عن قوة عضلاتك وجودة حركتك…
و٣ أنواع من التمرين يساعدوك تحافظي على عضلاتك، عضمك واتزانك. 🩷
والأهم؟
الحاجات دي مش مهمة لكبار السن بس.
إحنا مش بنكبَر فجأة.
الشيخوخة الصحية عملية تراكمية بتبدأ من سنين قبل ما نحس بيها.
① قوة قبضة اليد ✊🏻
Hand Grip Strength
اختبار بسيط بيتعمل بأداة متخصصة، وبيستخدمه الأطباء والباحثون كمؤشر على القوة العضلية العامة والحالة الوظيفية.
② سرعة المشي 🚶🏻♀️
Gait Speed
مش بس «بتمشي ولا لأ»…
سرعة مشيك بالمتر/الثانية من المؤشرات المهمة على الأداء البدني والقدرة الوظيفية.
③ القيام من الكرسي 🪑
Chair Stand
قدرتك على القيام من الكرسي بدون الاعتماد على إيديك بتختبر بشكل عملي قوة ووظيفة عضلات الطرف السفلي.
والـ3 اختبارات دول جزء من أدوات وتقييمات سريرية مستخدمة لتقييم الوظيفة العضلية والأداء البدني.
لأن جودة كبرنا مش مرتبطة بالعضلات لوحدها…
هي نتيجة تفاعل بين
العضلات + العظام + الجهاز العصبي + التغذية + الحركة + التوازن.
والجميل إن جزء كبير من العوامل دي إحنا نقدر نأثر فيه. ❤️
طيب نحافظ عليهم إزاي؟
① Weight-bearing exercise 🦴
أي نشاط بيحمّل على العظام، زي المشي، ويساعد في الحفاظ على صحة العظام.
② Resistance training 💪🏻
تمارين المقاومة — حتى بأشكال بسيطة — من أهم الطرق للحفاظ على القوة والكتلة العضلية.
ومعها Aerobic exercise ❤️🔥 للحفاظ على اللياقة والقدرة على الحركة.
③ Balance training 🧘🏻♀️
زي Tai Chi أو بعض تمارين اليوجا وتمارين التوازن، للمساعدة في الحفاظ على الاتزان وتقليل خطر السقوط.
لأن الهدف مش إننا «نمنع الكِبَر»…
الهدف إننا نكبر وإحنا قادرين نتحرك، نعيش باستقلالية، ونفضل أقرب لأفضل نسخة من نفسنا.
كِبَرنا الصحي بيبدأ من شبابنا.
ولو إحنا بالفعل في الكِبَر…
فدايمًا عندنا فرصة نكون أفضل نسخة من نفسنا. ♥️🩷
#التغذيةالعلاجيةوقايةوعلاج
