08/09/2025
انا مع المدرسة ال بيكون من ضمن الExamination بتاعها
انى اطلب أشعة و تحاليل من المريض لان ف حاجه اسمها differential diagnosis و دى ببساطة عبارة عن مجموعة من الأمراض بتشترك ف نفس الأعراض ال بيشتكى منها المرضى
يعنى ممكن يكون ف مريضين بيشتكوا من نفس الأعراض و لكن السبب مختلف (و دايما بقول تتشابه الأعراض و لكن تختلف الاسباب) و هنا ممكن يكون السبب عضوى و لازم تحوله ل التخصص المناسب و دا هيبان ف الاشعة و التحاليل ع الناحية الأخرى لو اشتغلت علطول مع المريض بدون اى آشاعات او تحاليل و اعتمدت ع بعض التستات فقط هنا هتضر المريض اكتر ما هتنفعه لان مع مرور الوقت حالته هتتأخر و تسوء (و القاعدة الذهبية ف الطب بتقول ان كل ما نلحق المشكلة ف الاول و نتعامل معاها ، كل ما هيكون العلاج سهل و فعال) بلص انك هتلاقى مفيش تحسن ف الحالة مهما اشتغلت معاها حتى لو لشهور ف اسلم حل علشان نوفر الوقت و الفلوس و نلحق الحالة لو صادف ان السبب عضوى او ورم او ...إلخ
و لو السبب تبع مجالنا كدكاترة علاج طبيعي ف ضرورى برضوا نطلب آشعة و تحاليل علشان نربط الاسباب و نشوف نسبة الالتهابات ف الجسم و كمان رسم عصب او رسم عضلات علشان نعرف نحدد المشكلة و نستبعد بعض الاسباب و نكون more specific و نحط الخطة العلاجية المناسبة و نوفر الوقت و الفلوس برضوا و نختصر علينا و ع المريض مجهود كبير ممكن نبذله عالفاضى .
