12/04/2026
🌹🌺كل ربيع و أنتم طيبين 🌺🌹
مقالنا النهاردة عن أكلة مشهورة قوي في الربيع ⛅️ 🌿🍃🍃
كاتبة المقال دكتورة شطورة جداً و متمكنة رغم صغر سنها
دكتورتنا المتميزة د. مروة خليفة
مدرس مساعد الطب الشرعي و السموم الإكلينيكية بكلية الطب بجامعة أسيوط
"بما أن الدنيا ربيع 🌿🌷🌹و الجو بديع😎🌤 و المفروض نقفل علي كل المواضيع🤭🤭 ...
إلا إن في موضوع واحد كدكاترة سموم مش هنقدر نقفل عليه 👩🏻⚕️
وهو إزاي نقدر نستمتع بشم النسيم 🍃🍃بكل طقوسه من غير ما نأذي نفسنا❓⁉️
و من أهم الطقوس دي عندنا أكلة الفسيخ 🐟🐟 أول الملوحة 🧂🧂🧂اللي لو ضروري نعملها يبقي لازم نعملها صح ✅👍🏼
هل فعلا ممكن يحصلنا تسمم بسبب أكلة الفسيخ والملوحة ؟ 🤔🤔
الإجابة اه للأسف و هنا ممكن يحصل سيناريو من اتنين:
1️⃣ الأول إن يحصل تسمم غذائي عادي و اللي أعراضه معروفة من قئ و إسهال و مغص و دة بيحتاج مطهر معوي مع تعويض للسوايل المفقودة 😣😖🤮🤒
النوع ده من التسمم بتتختلف حدة الأعراض بين شخص وآخر لعدة عوامل منها:
-كمية الطعام الملوثة التي تم تناولها
-مدى قوة الجهاز المناعي بالجسم : بمعني مش لازم كل أفراد العيلة اللي كلهم أكلوا نفس الأكل تظهر عليهم كلهم أعراض التسمم.
2️⃣ أما السيناريو التاني و ده أكتر حاجه بنخاف منها ؟
أن في نوع بكتريا لاهوائية اسمها الكلوستريديم بوتيولينم لو موجودة في الفسيخ وقدرت تتكاثر نتيجة أحد الأسباب دي:
1. سوء التخزين والحفظ زي مثلاً أن الحاويات اللي بخزن فيها السمك ماتبقاش نضيفة و فيها بكتريا
2. سوء الإعداد والتحضير من أول نوع السمك المستخدم اللي ساعات كتير بيبقي تالف ومنتهي الصلاحية
3. أو خطأ في مرحلة التجفيف و التمليح لو ما استخدمش ملح كفاية (لأن الملح هو المادة الحافظة للسمك من التلف) و عشان كده بنعتبر الملوحة أقل خطورة لإن كمية الملح اللي بتستخدم فيها أكتر من الفسيخ
البكتريا 🧫 دي بتقدر تطلع سم عصبي خطير اسمه botulinuim toxin
و دة بيعمل حالة تسمم بنسميها البوتيوليزم او التسمم الممباري (Botulism )
أيه بقي الأعراض اللي بيعملها التسمم ده ؟
هو سم عصبي بيأثر علي الأعصاب بيعمل شلل وضعف تدريجي في العضلات بيبدأ من اتجاه الدماغ وينزل في اتجاه القدمين بطريقة مميزة جدًا وده اللي بيساعد في تشخيص الحالة بجانب طبعاً بعض التحاليل الطبية
الأعراض غالبًا بتظهر بعد ١٢-٣٦ ساعة و ممكن قبل كدة (في حالات بعد 6 ساعات بس بدأت عليها الأعراض) و ممكن بعد 36 ساعة.
الأعراض بتبدأ بتهدل و ارتخاء في الجفون و زغللة في العين وازدواجية الرؤية لأننا زي ما اتفقنا هي بتبدأ من فوق و بعد كدة بتنزل شوية بشوية و بتظهر في صورة جفاف في الحلق، صعوبة في البلع، تغييرفي نبرة الصوت وبعدين يعمل ضعف في عضلات الأطراف العلوية و في الآخر يوصل لعضلات التنفس ويعمل صعوبة في التنفس توصل إلى فشل حاد في التنفس وده في الغالب بيكون سبب الوفاة و بتستلزم وضع المريض علي جهاز التنفس الصناعي و ده اللي بيخلينا نقول أن خطورته لا تقل عن خطورة الإصابة بالكورونا 🦠
ده غير إن وجود حالات الكورونا 🦠 وزيادة العبء على أجهزة التنفس الصناعي حاليا بيخلي توفرها صعب لبقية الحالات من أمراض أخرى .
الأعراض المصاحبة هي القئ والغثيان والانتفاخ والامساك (مش إسهال و ده مميز ليه ) والعيان بيبقي واعي ومافيش سخونة.
⁉️🤔 طيب هل في علامات ممكن أعرف منها أن الفسيخ ده مسمم بالبتيوليزم أو لأ؟
للأسف سم البتيوليزم مالهوش ولا طعم ولا ريحة ولا لون مميز وبالتالي مش بتعرف تميزه
⁉️🤔إيه بقي الإسعافات الأولية اللي ممكن أعملها للمصاب للبتيوليزم ؟
مبدئيًا لا يوجد إسعافات أولية ممكن تعملها فالبيت و بالتالي عند ظهور هذه الأعراض يجب التوجه على الفور إلى المستشفى أو مركز والحصول على المصل المضاد للسم خصوصا أن عامل الوقت مهم جدا جدا وبيفرق ف العلاج السموم لعمل غسيل للمعدة.
⁉️🤔طيب هل ليه علاج؟؟
اه الحمدلله ليه مصل مضاد بس الجهة الوحيدة اللي بتصرفه هي وزارة الصحة وهو مكلف جدًا وعشان كده الوقاية خير من العلاج
⁉️🤔يبقي ايه هي طرق الوقاية ؟
1-تعريض الأسماك المملحة لدرجة حرارة مرتفعة لضمان قتل البكتيريا والجراثيم الموجودة فيها، لمدة لا تقل عن 15 دقيقة، وذلك من خلال وضعها في الفرن، أو الميكروويف.
2- تناول كميات قليلة منها ، وذلك تجنبًا للمخاطر الصحية التي قد تسببها.
3- الشراء من مكان موثوق منه, و التأكد من ألا تكون الأسماك منتفخة و التخلص من الرأس و الأحشاء و التأكد من اللون و أنسجه اللحم و أن تكون السمكة متوسطة التماسك و ليس بها أي بقع حمراء أو سوداء و تكون رائحته مقبولة و عين السمكة لامعة و الجلد سليم و غير مجعد و لونه الخارجي فضي (و ليس بني).
4- يمنع الأطفال أقل من 3 سنوات و الحوامل ومرضي القلب و الضغط و الكلى من تناول هذه الأطعمة
5- لو بتعمل فسيخ في البيت نتتأكد من نظافة وجفاف كل حاجة بنستخدمها مع التجفيف الجيد والتمليح الجيد والتخزين (الملح يعتبر مادة حافظة فلازم نملحه كويس ونسيبه فترة كويسة للتأكد من جودته.
مع تمنياتنا بدوام السلامة للجميع
د. مروة خليفة
د.
كل اللى بتفكر فيه هتلاقيه
