د.سامح النادى طبيب اطفال وحديثى الولاده

  • Home
  • Egypt
  • Az Zagazig
  • د.سامح النادى طبيب اطفال وحديثى الولاده

د.سامح النادى طبيب اطفال وحديثى الولاده Contact information, map and directions, contact form, opening hours, services, ratings, photos, videos and announcements from د.سامح النادى طبيب اطفال وحديثى الولاده, Paediatrician, Kafr saqr, Az Zagazig.

اخصائي طب الاطفال وحديثي الولاده
متخصص في حساسيات الاطفال ( انف _صدر _جلد_ حساسيه طعام او الالبان في الرضع)
متابعه الاطفال حديثي الولاده ...متابعه النمو وامراض سوء التغذيه .....علاج حساسيه الصدر والامراض الصدريه ..علاج امراض الجهاز الهضمي والكشف بالسونار قول وعلمنى
انا عملت الصفحه دى علشان اتعلم قبل مااعلم لوعندك معلومه عرفنى ينوبك ثواب وليك عليا انا مش هاخبى معلومه خالص على حد
صفحتنا اساسها الاحترام وتبادل المعلومات
انا مش هاطلب من حد مقابل للمعلومه انا المقابل بتاعى هاخده من ربنا كبير وربنا يقدرنى وافضل فاتح الصفحه للخير يارب

15/09/2026

الامهات وهي بتصحي عيالها الصبح

15/09/2026

دور الحلزونه بداء
زعتر تعب يومين يعدي ماما ..يومين تعدي زعتوره ...يومين بابا ...هب زعتر تاني وتلف الحلزونه

14/09/2026

متاخدش مصل الانفلونزا
غير لما تشوف العلبه بتاعته
مكتوب عليها 2026/2027

14/09/2026

لكل أم عامله صيدليه جوه التلاجة بتاعتها شكرآ متعمليش كده تاني

إرمي ياست الستات السم اللي في تلاجتك ده واشتري جديد
ليه كده مكتوب مدة الصلاحية 5 سنوات 😳😳😳

⬅️الصلاحية طالما العبوة لم تفتح تظل كما هو مكتوب
⬅️لكن لو العبوة فتحت الصلاحية تتغير و تبدأي تعدي من اول يوم استعمال للدواء
لأن اختلاط الدواء بالهواء يسبب تفاعلات وتخمر وفساد للمادة الفعالة👌

⬅️ جميع ادوية الشراب للمضادات الحيويه
صلاحيتها بعد ما تتحلل اسبوع خارج الثلاجه واسبوعين جوه التلاجه
🎯ملاحظه ادوية Augmentin
وكل اللى زيه curam,emoxclav,hibiotic,
‏magnab iotic deltaclav,megamox
بعد ما يتحلوا لازم يفضلوا فى التلاجه طول فتره العلاج

⬅️ الحبوب الفوارة اللي تأتي في علب صالحة مدة شهر واحد بعد فتح العلبة

⬅️ادوية الشراب مثل ادوية الكحة او شراب الاطفال
صالحة لشهر بعد الفتح
📌ولوظهر فى اى رائحه غريبه او تغير لونه أو ظهرت فيه turbidity (اى تعكر )نوقف استخدام الدواء

⬅️ القطرات غالبيتها يفسد في شهر
📌بس خلي بالك قطرات العيون تفسد بين أسبوعين ل 3 أسابيع

⬅️ الأدوية المعلقة ومكتوب عليها معلق من 2إلى 3 أسابيع

⬅️ محاليل العدسات تفسد بعد فتحها بثلاثة شهور.

⬅️المراهم الجلدية من شهر لشهرين ومراهم العين شهر فقط

⬅️ الحقن من نوع البنسلين والأموكسسلين يجب إعطاءها فور حلها بالماء أما باقي الأنواع تقريبا تحتاج لوضعها بالثلاجة وتكون صالحة يومان
📌فيال الأنسولين ( شهر إلى شهر ونصف أو عند تغير لون محلول الدواء )

⬅️ الحديد و الفيتامينات المحتوية على الحديد يغمق لونها للبني الغامق في أول أسبوع و تظل صالحة من ٣ الى ٤ أسابيع

14/09/2026

- خلاص بقي متعيطيش ما ابنك هيكبر بعد 30 سنة كده وهتنامي براحتك

14/09/2026

حكايات طبيب اطفال

ترن ترن
الووو الوو
الو ايو يافندم
ازى حضرتك يادكتور انا ماما جديده ولدت من 5 ايام نصايحك ايه؟
بصى يافندم سريعا كده ابنك مناول ساعه على صدرك يمص حتى لو مفيش لبن
نقط الانف او بخاخه ماء البحر باستمرار كل ساعتين او3 ساعات يسبرتو للسره وقطره للعين فيتامين د من اول يوم 400 وحده دوليه اللى هى 4 نقط يوميا
طيب يادكتور معلشى ابنى بيسهل حوالى 5 مرات فى اليوم كشفت عليه الدكتور ادانى انتنال وسمكتا علشان الاسهال ايه رايك كويس؟
كويس ايه مفيش الكلام دا خالص ابنك يرضع كل ساعتين ينام ويعمل حمام ودا اول شهر
وكمان اول شهر يحزق وينت وينتفخ ويبقى كويس بردو حتى يثبت عكس ذلك
زيت جونسون للجسم علشان مفيش حموم كريم مرطب للجلد مكانالحفاضه وفى الوش لو فيه اجمرار دوا المغص هو الاهم بعد فيتامين د
مفيش اى ادويه تانيه قبل شهر الا للضروره القصوه
سلالالالام يافندم علشان نشوف اتصال تانى
اتفضلى يافندم
يادكتور ابنى عنده نزله معويه بدا بترجيع وبعدين اسهال وكشفت والدكتور علقلى محاليل وبقاله اسبوع بيسهل وفيش تحسن وروحت للدكتور علقلو تانى محاليل علشان الجفاف
خدى الخلاصه يافندم
اسهال اليومين دول يبدا بترجيع ادى حقنه دانست او زوفران سم لكل 12 كيلو عضل كل 12 ساعه وقفتى الترجيع انتى وصلتى لنص العلاج
محلول جفاف عن طريق الفم مع مطهر معوى
الاسهال يقعد اسبوع 10 ايام مش مشكله المهم وقفنا الترجيع
طيب نعلق محاليل ؟ لا الا فى الضروره لو الترجيع شغال او لمده 48 ساعه بالاكثر
كثره المحلول الوريدى تزود الاسهال تعمل تضخم على الكبد تعمل اثاره للطفل تخليه يصوت وميخفش الا بعد اسبوعين او 3 اسابيع
شوفتها كتير الايام اللى فاتت علق محاليل والواد يتابع مع المستشفى لحد مايخف مع نفسه
طيب ندى مضاد حيوى ؟
ومع انها نزله فيروسيه بندى مضاد حيوى علشان بتيجى معاها التهاب جيوب انفيه
او عدوى بكتريا ثانويه المهم انك تختار نوع المضاد الصح!!!!!!!
نحافظ فى الاكل ننظم الرضاعه سوايل دافيه ننضف ياجماعه والمهم الام تهدى وتصبر مدام الدكتور بيطمنك
اتصال تانى اتفضلى يافندم
يادكتور ابنى عنده نزله شعبيه
اكثر انتشارا اليومين دول فى الاطفال اقل من 6 شهور
مش هتنضفى الانف مش هتدى جلسات ادرينالين هتدى مضاد حيوى وهتدى جلسات فاركولين واتروفنت هتقلب بالتهاب رئوى سريع بنسبه 99 فى الميه!
النزله الشعبيه بتفضل الكحه 15 يوم مبتخفش من يوم وليله عايزه متابعه مع الدكتور
90 فى الميه تنضيف الانف
دكتور يقولك مفيش تنضيف للانف سبيه وامشى وروحى لدكتور تانى ومش هتلاقى وفى الاخر هتدورى عليا ههههههههه
اتصال تانى اتفضلى يافندم
ابنى عنده حساسيه صدر
1جلسات فاركولين
2بخاخه كورتيزون
3متابعه دوريه لتنظيم الادويه
4عالجى حساسيهالانف اولا قبل حساسيه الصدر بامانه هتشوفو نتيجه كويسه جدا
اتصال تانى اتفضلى يافندم
ابنى عنده التهاب رئوى
حجز بالمستشفى محاليل وجلسات ومضاد حيوى مفيش قعده فى البيت الا لو الدكتور هيتابع كل يوم الزتونه هنا الجلسات تكون على اكسجين !!!!
اتصال تانى اتفضلى يافندم
ابنى متاخر فى الزحف فى القعده فى المشى
سريعا تحليل كالسيوم وعلى اساسه نتصرف
لحد 10 شهور يتاخر فى الزحف ومتقلقيش
لحد سنه ونص يتاخر فى المشى ومتقلاقيش
اتصال تانى اتفضلى يافندم
يادكتور انا هاشير البوست فورا وامنشن وهتشوف

شكرا يافندم كان معكم
د.سامح النادى

14/09/2026

#فيتامين د
ضروري من اول يوم لان وببساطه لبن الام لايحتوي علي فيتامين د......😒
#الحديد
ضروري من الشهر ٦ في اول السابع
لان الطفل بينزل بمخزون حديد يكفيه لحد ٦شهور كحد اقصي
وببساطه لبن الام مفهوش حديد ...
#الكالسيوم
لايوجد تحليل كالسيوم بيطلع فيه نقص كالسيوم شديد
الا في حالات جينات ...متلازمه بارتر...
او الطفل بياخد فيتامين د بكميات كبيره ومبياخدش كالسيوم
او ان الغده الجار درقيه مش شغاله🤔
طيب ليه ....؟
لان الغده الجار درقيه وظفيتها انها تخلي نسبه الكالسيوم في الدم مظبوطه ...
تجيبو بقي من اي حته ...من الاكل ...تمنع خروجه من الجسم ...تاخده من العظام وتعمل لين عظام عادي ...المهم نسبته تبقي مظبوطه في الدم
والدليل ان معظم حالات لين العظام والتقوس في الاطفال نسبه الكالسيوم في الدم بتكون طبيعيه ....
كدا ندي #كالسيوم ... حسب حاله الطفل وحسب رائ الطبيبب
#فيتامين أ
بيتاخد من الشهر ال٩ بجرعه ١٠٠ الف وحده مره واحده
وعند سنه ونص ....بجرعه ٢٠٠ الف وحده مره واحده
ويكرر كل ٦ شهور ٢٠٠ الف وحده مره واحده لحد عمر ٥سنوات



عيل صغير امه بتبوس رجلة طول اليوم عشان ياكل هو لما يبقوا عند ناس غريبه ويعرف انهم عاملين لحمة :
14/09/2026

عيل صغير امه بتبوس رجلة طول اليوم عشان ياكل
هو لما يبقوا عند ناس غريبه ويعرف انهم عاملين لحمة :

13/09/2026

متلازمه ضيق الرضيع
اخر اكتشاف لتفسير حالات المغص عند الرضع والتقلصات
علشان اشرح متلازمه ضيق الرضيع هنتوه من بعض لانها عباره عن خيال علمي للاطباء 😔

12/09/2026

افيتون كبسول ....بيتاكاروتين فورت كبسول
الفرق بينهم علشان الناس اللي معترضه
افيتون هو فيتامين أ نشط جاهز للاستخدام من الجسم
اما بيتاكاروتين فورت هو فيتامين أ غير نشط يحتاج الي التنشيط داخل الجسم بس كده
زي ايه كده فيدروب نقط والفاكارينو مثلا
فيدروب فيتامين د غير نشط يحتاج الي التنشيط داخل الجسم
اما الفاكارينو هو فيتامين د نشط لايحتاج للتنشيط يشغتل علي طول
د.سامح النادي

Address

Kafr Saqr
Az Zagazig
18020

Website

Alerts

Be the first to know and let us send you an email when د.سامح النادى طبيب اطفال وحديثى الولاده posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د.سامح النادى طبيب اطفال وحديثى الولاده:

Shortcuts

Share

Category