16/11/2021
أكيد حصلتلك قبل كده...
تبقى ماشي أو بتلعب كرة وتلاقي رجلك إتلوت تحت منك، ودي بتكون إصابة اسمها "إلتواء الكاحل“
ودي إصابة شائعة جداً بتحصل لأغلبية الناس العاديين والرياضيين، وبيحصل بسببها ألم شديد وممكن يبقى حاد على حسب درجة الإلتواء واللي بيكون له 4 درجات، بينتج عنه تمزق في الأربطة.
وعلاج مشكلة زي دي بيكون على حسب درجة الإلتواء، بمعنى إنه:
1- ممكن يكون علاج منزلي في حالة الإلتواء البسيط ودرجته أولى، بيحتاج الراحة، حماية مفصل الكاحل، وتقليل التورم.
2- لو هو درجة تانية، ممكن يحتاج علاج دوائي يرجع الحركة لوضعها الطبيعي، ويقوي المفصل ويرجعله مرونته.
3- لو هو من الدرجة التالتة: هيحتاج علاج تخفظي يساعده على الحركة زي العكاز أو دعامة للحاكل.
4- لو من الدرجة الرابعة: ومفيش أي إستجابة لطرق العلاج السابقة، وفي حالة تدهور لمدة شهور، هنا ممكن نحتاج للتدخل الجراحي.
