د أحمد عبد الواحد غنيم استشاري العيون

د أحمد عبد الواحد غنيم استشاري العيون د أحمد عبد الواحد غنيم
ماجستير طب وجراحة العيون
استشاري جراحات المياه البيضاء وتصحيح الإبصار بالليزر

كل عام وحضراتكم جميعاً بخير بمناسبة الاحتفال بالمولد النبوي الشريف اعاده الله عليكم بالخير واليمن والبركات
25/08/2026

كل عام وحضراتكم جميعاً بخير بمناسبة الاحتفال بالمولد النبوي الشريف اعاده الله عليكم بالخير واليمن والبركات

هل المياه الزرقاء معناها وجود تغير في لون العين أو عتامة على عدسة العين زي ما بيحصل في المياه البيضاء؟ المياه الزرقاء عب...
08/08/2026

هل المياه الزرقاء معناها وجود تغير في لون العين أو عتامة على عدسة العين زي ما بيحصل في المياه البيضاء؟

المياه الزرقاء عبارة عن مرض بيصيب عصب العين ملوش علاقة بلون معين للعين أو أو التهاب أو تورم لشكل العين الخارجي.

في المياه الزرقاء عصب العين بيخسر الألياف بتاعته بشكل أسرع من الطبيعي وعادة ده بيكون مرتبط بضغط العين العالي وللأسف ده مرض بيسرق النظر لأن أعراض ضعف النظر مش بتظهر غير في مراحل متأخرة لما المريض يبدأ يشتكي أنه مش شايف كويس.

لذلك الوقاية منه هي أفضل شيء وفحص قاع العين لكل من تجاوز سن الأربعين ضروري بالذات لو فيه حد من الأسرة الأب أو الأم أو الجد كان عنده مياه زرقاء وارتفاع في ضغط العين.

كمان لو عندك مياه بيضاء متستناش عليها كتير بالذات لو عندك طول نظر لأنها ممكن توصل لمرحلة معينة ترفع ضغط العين بشكل مفاجئ وتؤثر على عصب العين.

الهدف في علاج القرنية المخروطية في الأساس بيتوجه ناحية تثبيت القرنية والحفاظ على مقياس النظر بدون تغيير سواء بعملية تثبي...
03/08/2026

الهدف في علاج القرنية المخروطية في الأساس بيتوجه ناحية تثبيت القرنية والحفاظ على مقياس النظر بدون تغيير سواء بعملية تثبيت القرنية بمادة الريبوفلافين أو بتركيب الحلقات لكن ممكن برضه نضيف خطة علاجية إضافية لتصحيح الابصار ودي بتتوقف على عوامل مختلفة زي سن المريض ومدى تحسن نظره بالنظارة وسمك القرنية وحالتها ووجود مياه بيضاء على العدسة وغيره.

طرق التصحيح بتختلف ما بين الليزر السطحي أو زراعة العدسات بأنواعها المختلفة سواء الانكسارية أو عدسات التصحيح زي ICL أو Artisan أو حتى زراعة الحلقات وكل مريض ليه خطة العلاج المناسبة ليه اللي بيناقشها ويختار انسبها مع الطبيب المتخصص.


بنسمع كتير عن حد كان عايز يعمل ليزك واتقاله مينفعش عشان عندك قرنية مخروطية..طيب إيه هي القرنية المخروطية وهل هي خطيرة وب...
27/07/2026

بنسمع كتير عن حد كان عايز يعمل ليزك واتقاله مينفعش عشان عندك قرنية مخروطية..
طيب إيه هي القرنية المخروطية وهل هي خطيرة وبتتعالج ولا لأ وهل ممكن اعمل تصحيح واستغنى عن النظارة معاها 🤔؟

طيب مبدئياً القرنية المخروطية معناها أن القرنية بيتغير شكلها عن الشكل الطبيعي اللي هو المفروض شبه الكرة لشكل شبه المثلث أو المخروط وده معناه تأثير كبير بشكل مباشر على قوة الابصار أو الصداع الملازم للمريض بسبب أنه مش شايف كويس

السبب في ده هو عيب خلقي في الأنسجة المكونة للقرنية بتبقى مش متماسكة بشكل أمثل أو مع الدعك والفرك في العين اللي بيحصل مع الأطفال المصابين بحساسية العين ممكن تتأثر أنسجة القرنية ويتغير شكلها للشكل ده.

طيب هل الموضوع ده خطير 😢
الحقيقة هو خطير ومش خطير في نفس الوقت لأننا دلوقتي الحمد لله في ظل التطور الكبير اللي بقى موجود في أجهزة فحص القرنية أو علاجها بقينا بنشخص المرض ده في بدايته و ممكن نعالجه بأساليب حديثة في العلاج زي تثبيت القرنية بمادة الريبوفلافين أو زراعة الحلقات ومبقيناش بنلجأ لزرع القرنية إلا في حالات متأخرة لو اهملت في عينك أو رفضت العلاج في مراحله الأولى ممكن التأثيرات بعد كده تبقى مؤثرة على النظر بشكل أكبر للأسف نتيجة تكون سحابة على القرنية أو بسبب الاستجماتيزم العالي نتيجة تحدب القرنية بشكل أكبر.

طيب هل ممكن بعد تثبيت القرنية استغنى عن النظارة؟ده سؤال مهم تابعونا هنجاوب عليه في بوست منفصل



عشان تعمل عملية الليزك بأمان وتتجنب أي مضاعفات وتحقق أفضل نتيجة ممكنة بإذن الله لازم فيه خطوات مهمة نعملها قبل العملية و...
20/07/2026

عشان تعمل عملية الليزك بأمان وتتجنب أي مضاعفات وتحقق أفضل نتيجة ممكنة بإذن الله لازم فيه خطوات مهمة نعملها قبل العملية وبعدها...

أولا فحوصات ما قبل العملية واللي بتشمل قياس النظر قبل وبعد توسيع حدقة العين لتحديد مقياس النظر بدقة
فحص قاع العين لاستبعاد أي مشكلة في الشبكية أو عدسة العين أو عصب العين
والخطوة الأهم هي أشعة رسم القرنية عشان نتأكد من حالة قرنية العين ومدى مناسبتها لإجراء العملية وأي نوع مناسب من أنواع عمليات التصحيح المختلفة

ثانياً بعد العملية واللي بتشمل المواظبة على القطرات الموصوفة بالذات قطرات ترطيب العين وتجنب فرك العين أو حكها باليد خلال أول يومين بعد العملية مع البعد عن غسيل العين بالماء بشكل مباشر.

مبدئياً لازم نعرف أن الرمد الربيعي عبارة عن التهابات بتأثر على ملتحمة العين وهي عبارة عن نسيج بسيط بيحمي العين والجفون م...
18/07/2026

مبدئياً لازم نعرف أن الرمد الربيعي عبارة عن التهابات بتأثر على ملتحمة العين وهي عبارة عن نسيج بسيط بيحمي العين والجفون من الداخل.
وعشان نتجنب مضاعفات الرمد الربيعي على العين لازم ننبه على الطفل بعدم الدعك أو الفرك في العين عشان ده ممكن يضعف أنسجة القرنية ويسبب إصابته بالقرنية المخروطية فيما بعد لا قدر الله.

تاني حاجة لازم نتجنب مسببات الحساسية زي التعرض للشمس أو الأتربة أو بعض الأطعمة ودي بتختلف من شخص لآخر عشان نقلل عدد مرات التعرض للالتهاب الشديد.

تالت حاجة أدوية الكورتيزون اللي بنمشي عليها عشان نعالج الالتهاب ممكن نمشي أسبوع او اتنين بالكتير بانتظام ولكن مش باستمرار لكن ممكن نستمر على القطرات المرطبة لسطح العين أو قطرات الحساسية عشان نتجنب مضاعفات الأدوية على المدى البعيد.

دمتم وأولادكم بألف صحة وعافية.

د أحمد عبد الواحد غنيم
استشاري العيون

برج حديث المدينة شارع صلاح سالم بجوار البنك الأهلي الدور الثاني
للحجز والاستفسار 01099635245
01155912902

تقدر تسأل عن نوع العدسات الأفضل لعينك لتحقيق أفضل رؤية واضحة بعد العملية ما بين أنواع العدسات المختلفة سواء أحادية البؤر...
17/07/2026

تقدر تسأل عن نوع العدسات الأفضل لعينك لتحقيق أفضل رؤية واضحة بعد العملية ما بين أنواع العدسات المختلفة سواء أحادية البؤرة أو متعددة البؤر أو عدسات علاج الاستجماتيزم

د أحمد عبد الواحد غنيم
استشاري جراحات المياه البيضاء وتصحيح الإبصار بالليزر
بني سويف شارع صلاح سالم برج حديث المدينة بجوار البنك الأهلي الدور الثاني
للحجز والاستفسار
01155912902
01099635245


#عدسات

لو عندك سؤال أو استفسار فيما يخص طب العيون اكتبه في الكومنتات والدكتور بنفسه هيرد عليك
03/07/2026

لو عندك سؤال أو استفسار فيما يخص طب العيون اكتبه في الكومنتات والدكتور بنفسه هيرد عليك

مواعيد العمل بعيادة بني سويف
03/07/2026

مواعيد العمل بعيادة بني سويف

موسم شوك البامية.. 👇👇 كل سنة وأنتم طيبين ..لو أنت من الناس اللي بتتعامل مع محصول البامية حاول أنك تحمي عينك من شوك البام...
17/05/2025

موسم شوك البامية.. 👇👇
كل سنة وأنتم طيبين ..
لو أنت من الناس اللي بتتعامل مع محصول البامية حاول أنك تحمي عينك من شوك البامية لأنه بيكون صغير جداً في الحجم متقدرش تشوفه بالعين المجردة وتقريباً بيكون متطاير فعشان كده..

أولا.. تجنب ملامسة الأيادي بالعين نهائيا.
ثانياً.. ممكن ارتداء نظارة شمسية لوقاية العين.
ثالثاً.. لو حصل وعينك اتصابت وحسيت بألم أو نغزة في العين تجنب دعك الجفون أو محاولة إخراجها بايدك لأنك هتتسبب في إصابة القرنية بخدوش نتيجة احتكاك الشوكة بالعين.
رابعاً.. تجنب تماماً نصائح وضع العين في الماء لأنه لا قدر الله لو فيه خدش بالقرنية ممكن تتسبب في إلتهاب فطري بقرنية العين.

✌️ بمجرد إصابة عينك لازم تتوجه لأقرب مستشفى رمد أو طبيب عيون لإزالة الشوكة لأنها بتكون متلصقة بالعين زي علامة العربية المرسيدس من تلات أرجل باستخدام جهاز الفحص المكبر.

Address

مدينة بني سويف برج حديث المدينة شارع صلاح سالم بجوار البنك الأهلي الدور الثاني
Bani Suwayf
23411

Telephone

+201155912902

Website

Alerts

Be the first to know and let us send you an email when د أحمد عبد الواحد غنيم استشاري العيون posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د أحمد عبد الواحد غنيم استشاري العيون:

Shortcuts

Share

Category