DR / Mohamed Sayed

22/08/2024

ومش لاقيين حل غير الوقاية من البداية.. الأم طول الوقت عايزه طفله زغلول ودبدوب وفيل صغير بيلعب في البيت وفي الآخر تقولك خسسهولي..طب كان القرد نفع نفسه هههههههه

عارفة ايه هى خطوره سمنة الأطفال؟

توابع سمنة الأطفال كتير 🤷🏻

عالمدى القصير 👇
صعوبة في التنفس وتعب وإرهاق شديد وآلام في العظام وارتفاع ضغط الدم ومقاومة الأنسولين وارتفاع الكوليسترول

عالمدى البعيد 👇
أمراض القلب والسكتة الدماغية والإصابه بمرض السكري من النوع التانى وبعض أنواع السرطان

و كتير من المشاكل النفسية والاجتماعية ومنها فقد الثقه فى النفس والاكتئاب والقلق والتعرض للتنمّر

علاج السمنة في الأطفال بيعتمد بشكل أساسي علي تعديلات سلوكية للأطفال و الآباء أكتر من الإعتماد علي النزول بالوزن أو الإلتزام بأنظمة غذائيه صعبة

28/06/2023

كل عام وانتم بخير جميعا تقبل الله منا ومنكم صالح الاعمال.العيادة في باها تعمل يوميا من الساعه ٦ وحتى الواحدة ص أيام العيد.وعيادة بني سويف.
عيادة بني سويف بداية من السبت إن شاء من ١١م وحتى ٢ظ

06/06/2021

الفيروسات عايشين مع بعض بقانون الغابة يعني القوي هو من يسود ويحكم الهواء. وكورونا هو الآن السيد بلا منازع، يعني اي واحد يقول عتس نقله واحنا مطمنين انت كورونا لحد ما نثبت العكس من باب الاحتياط واللي يطمنك أنه الحمد لله خد علينا وخدنا عليه وأصبح ذي البرد أو النزلة المعوية بتاع زمان. ربنا يسترها علينا وعليكم.
دكتور محمد سيد عويس. أخصائي الأطفال وحديثي الولادة

05/06/2021

تم بحمد الله وفضله نقل العيادة لشارع اسلام. أمام السلخانة القديمة برج الرحمة الجديد من 11ص حتى 2ظ

25/03/2020

الأخوة الكرام. نظرا لظروف حظر التجوال. إليكم مواعيد العيادات
أولا. عيادة بني سويف برج الأوقاف الثاني الدور الأول من الساعة ١١ ص وحتى ٢ظ.الحجز ٠١١١٢٢٨٧٣٩٤١.
عيادة باها شرق البلد من ٤م وحتى ٩م.
وربنا يشفي مرضانا ومرضى المسلمين.

18/03/2020

31/10/2019

مغص الرضع
طبيعي في كل الأطفال خلال اول ٤ شهور بل بالعكس الطفل اللي مش بيجيله المغص ده هو اللي ممكن نقلق عليه. مغص وانتفاخ وحزق مع الغازات ومع الحمام ويقعد يتمطع ويقول اوديكي فين يا عافيه ووشه يحمر ويزرق وممكن يخضر كمان وطبعاً الكلام ده مش عاجب أمه، وابوه مش عارف ينام منه وييجو يقولوا الواد ده تعبنا يادكتور قوي اقولهم إنتم لسه شفتم حاجه،هو احنا اصلآ بنخلف عيال ليه مش عشان نتعب ويطلعو عنينا ، خلاص نتحمل بقى.
المغص ده بيزيد جدا من زيادة الرضاعة وتوتر الأم او قلقها او زعلها،،، الرجاله واخدين بالهم معانا.. ولا عاملين من بنها... زعلها ونكد عليها مره والواد هاينكد عليكم أسبوع بحاله مهو نكدي ذي أمه...
بعض الأكلات للأم ذي الشطه والمحشي ولو الطفل أخد برد ولا حاجة المغص هايزيد جامد.

مطلوب عشان المغص ده يهدى شويه، مش يروح خالص، ما احنا متفقين أنه اصلآ طبيعي، تنظيم الرضاعة كل ساعتين ل٣ساعات، هدوء أعصاب، البعد عن الأكل المؤذي مع شوية ادوية بسيطه للمغص والانتفاخ بعد استشارة طبيبك الخاص وربنا يبارك في أولادنا.

أطفالنا مستقبلنا
دكتور محمد سيد عويس اخصاءي الاطفال والحضانات. ماجستير طب الأطفال وحديثي الولادة جامعة الأزهر.

30/10/2019

الضاكتور مهنج.
الأم. سلام عليكم
الضاكتور. وعليكم السلام ورحمة الله وبركاته
الأم. النبي ياضاكتور زعتر ابني عنده كذا كذا............... كذا كذا...........
الضاكتور. عال عال وكشف على الواد
الأم. ايوه يا ضاكتور زعتر عنده ايش
الضاكتور. زعتر مين ياستي انتي
الأم. زعتر ابني ياضاكتور
الضاكتور. ابنك...؟ انهووو؟
الأم. إللي على السرير
الضاكتور. سرير....؟ انهييي؟اااه أنا ااش عرفني ياستي مش انتي أمه وعارفه كل حاجه
الأم. انهييي أمال إنت كتبت العلاج ده كله اذاي
الضاكتور. علاج.....؟ انهووو؟
الأم. إللي في الروشته
الضاكتور. روشته.....؟ انهييي؟ اااه والله دي روشته وملانه علاج بسم الله ماشاء الله علي خطي جميل والله وكفي حلو وسابق دماغي بمراحل... انتي مين اصلآ ياست انتي وهنا من ايمته
الأم. يالهوي من ايمته... من ايام سلام عليكم يا ضاكتور
وعليكم السلام ورحمة الله وبركاته ياستي شرفتينا ابقى خلينا نشوفك.. ألف سلامة الف سلامة بالشفا ان شاء الله.