Hayah Clinic - Dr Ahmed Magdy

13/10/2026

تفرق جدا انت عايز ايه !؟
عايز تعيش كتيير و لا عايز تعيش كويس
#

11/10/2026

09/10/2026

3 days offer …don’t miss this 😉

09/10/2026

لو عامل دايت تعالي اقولك شوية نصائح بره الصندوق 🫢

١- لو جعت بالليل.. اطبخ أكلة معقدة! بدل ما تفتح التلاجة وتلقط أي حاجة، قرر تعمل أكلة بتاخد وقت مثلاً على بال ما المكونات تطلع، عقلك هيزهق وهيقرر ينام ويسيبك في حالك 😂
٢- صاحب "البروتين" عشان هو اللي هيشيلك اعتبره الصاحب الجدع اللي بيقعد في بطنك فترة طويلة ويحسسك بالشبع.
😂
٣-الفاكهة بتخن و الله عادي فبلاش تعامل ثمرة الفاكهة كأنها فشار او شوية ترمس كل ثمرة الفاكهة كوجبة سناك لما تحس بجوع او بعد وجبة علي طول و خلصنا و خصوصا البلح اليومين دول 😂
٤- المواعين هي خط الدفاع الأول ضد الجوع
لو نفسك هفّتك على كيكة أو سينابون بالليل، اتعاهدي مع نفسك: "أنا هعملها بس بشرط، هغسل كل المواعين والحلل اللي استخدمتها في نفس اللحظة" غالباً كسل المواعين هيكسب😂
٥-المياه ممكن تكون مُنقذ من القرارات الغبية
أول ما تحس إنك عايز تاكل الأخضر واليابس فجأة، اشرب كوبايتين مياه كبار واستنى 10 دقائق. في 80% من الحالات، عقلك بيكون عطشان بس بيحب يعمل "دراما" ويترجمها على إنها مجاعة 😂

٦-البس "هدوم الخروج" وأنت بتاكل في البيت
بلاش أكل بجلابية البيت الواسعة أو الترينج المريح اللي بيمط. البس بنطلون جينز ضيق شوية وأنت قاعد على السفرة؛ البنطلون أول ما يبدأ يضغط على بطنك هيشتغل كجهاز إنذار
مبكر ويقولك: "كفاية كدة 😂

٧- صغر الطبق.. كبر الوجبة في عينك
انقل نفس كمية الاكل في طبق صغير (بتاع الأطفال)، هتلاقي الطبق مليان على آخره، وعقلك هيزود الشبع البصري قبل الشبع الفعلي.

٨- قاعدة الـ 20 دقيقة.. عقلك بيوصل متأخر دايماً زي بحسن 😂
إشارات الشبع غبية شوية وبتاخد حوالي 20 دقيقة عشان تسافر من معدتك توصل لعقلك. لو خلصت طبقك وحسيت إنك لسه جعان اسحل نفسك ف اي حاجة 20 دقيقة كاملة و هتتفاجأ إن الجوع اختفى تماماً وانك شبعان لأن الإشارة وصلت أخيراً بالسلامة! 💪

٩-بلاش تاكل وأنت بتتفرج على "شاشة
سواء تلفزيون، يوتيوب، أو بتفر في السوشيال ميديا.. الأكل قدام الشاشات بيلغي الوعي. هتلاقي إيدك شغال أوتوماتيك بتخلص الطبق والصينية وأنت مش حاسس بطعم الأكل أصلاً كل وأنت باصص لأكلك ومستمتع بكل قطمة عشان تشبع "بصرياً وعقلياً

١٠-دي اهم نصيحة تابع معانا او علي الاقل تابعنا هنا لاننا مش بنحب الهري الكتير و بنحب نقدم دايما حاجة مختلفة و تفيدك و كمان العروض عندنا حقيقية و الخدمات كلها مختلفة و بتجيب نتايج فظيعة ✌️😂

اعمل شير للبوست ده و استني احلي مفاجأة بعد شوية 🤫😉

03/10/2026

New Challenge 💥
زي ما عودناكم ان احنا عروضنا ومفاجآتنا مبتخلصش وعشان شهر اكتوبر شهر الوقوع ف الحب فا كان لازم نقع واقفين 🧑🏻‍🩰
اكتر حد هينزل على الـ local peptides ليه هديه حلوه جدا من مركز الحياه 🔥♥️

25/09/2026

هل ممكن يبقي كل اكلي بسكويت شوفان و شيكولاته دارك و صودا دايت
طيب هل ممكن اكل في الدايت فاكهة و مكسرات بس باي كمية
مش كل حاجة Low-Calorie معناها إنها Healthy و بردو في الدايت لو هدفك خسارة الوزن السعرات مهمة
ده معناه ان جودة الأكل + الكمية المناسبة اكيد = نتائج أفضل 🤗

22/09/2026

الانتفاخ مش بالضرورة SIBO 👀

الـSIBO يعني زيادة غير طبيعية للبكتيريا في الأمعاء الدقيقة، وممكن يسبب انتفاخ، غازات، إمساك أو إسهال

لان المشكلة ان أعراضه ممكن تتشابه مع اعراض GLP-1 على الجهاز الهضمي.

يعني قبل ما تعالج… لازم تشخص صح و دي شويه نصايح بسيطة تقدر تعملها
#مونجارو #تخسيس

19/09/2026

عمرك بصيت للموضوع بطريقة مختلفة … ان الدايت مش المفروض يكون فترة تعذيب مؤقتة ولا حرمان من كل حاجة بتحبها
ولا نظام تمشي عليه أسبوعين وترجع بعدها لنفس عاداتك و تفكريك الغلط الي كان سبب من البداية
#تخسيس #مونجارو

11/09/2026

في مؤتمر ESPEN كان فيه كلام مهم جدًا عن تغذية الأطفال، خصوصًا الحاجات اللي بتدخل في يومهم بشكل طبيعي:

🥪 الـLunch Box
🏫 الأكل داخل المدارس
🥩 اللحوم المصنعة
🍫 الاختيارات اليومية والسناكس
⚖️ وتأثير العادات الغذائية من سن صغير على صحة الطفل

والرسالة الأهم هي ان زي ما مش كل حاجة ممنوعة… بردو مش كل حاجة مسموحة بدون حساب لأن عادات الأكل اللي بنبنيها في الطفولة…ممكن تفضل معانا سنين طويلة

09/09/2026

Berlin x ESPEN 🇩🇪

رحلة جديدة… تجربة جديدة… وكمية كبيرة من المعلومات

وجودي في مؤتمر ESPEN 2026 كان فرصة إني أكون وسط نخبة من المتخصصين في التغذية الإكلينيكية، أتابع أحدث الأبحاث والتوجهات، وأشارك في نقاشات بتفتح دايمًا زوايا جديدة للتفكير.

بالنسبة لي، حضور المؤتمرات مش مجرد شهادة
هو جزء أساسي من رحلتي في التطور لكن ده استمرارية للتطور الي دايما بنسعي ليه عشان نحقق
better decisions & better patient care.. see you soon