عيادة الدكتورة نانسي السعدني لأمراض النساء و التوليد

  • Home
  • Egypt
  • Beni Suef
  • عيادة الدكتورة نانسي السعدني لأمراض النساء و التوليد

عيادة الدكتورة نانسي السعدني لأمراض النساء و التوليد عيادة الدكتورة نانسي احمد السعدني لأمراض النساء و التوليد ببني سويف

عيادة الدكتورة نانسي احمد السعدني لأمراض النساء و التوليد

مدرس بكلية الطب جامعة بني سويف
دكتوراه امراض النساء و التوليد من الجامعه التقنيه بميونيخ، المانيا
زميله مركز بوجين هوسين بميونخ، المانيا
حاصله علي زماله البورد الاوروبي - تورين ايطاليا

ميدان المديريه.برج القدس الشريف.اعلي خيرات زمان ماركت.الدور السادس

للحجز والاستعلام

01124653294
01102529559

أجمل التهاني بمناسبة مولد سيد الخلق وحبيب الحق محمد ﷺ.نسأل الله أن يجعلها مناسبة خير وبركة علينا وعليكم جميعًا.
25/08/2026

أجمل التهاني بمناسبة مولد سيد الخلق وحبيب الحق محمد ﷺ.
نسأل الله أن يجعلها مناسبة خير وبركة علينا وعليكم جميعًا.

عضلات الحوض… مش مجرد عضلات، دي شبكة الأمان اللي بتسند أعضاء جسمك❗📍يمكن أول مرة تسمعي عن عضلات قاع الحوض، لكنك بتستخدميها...
25/08/2026

عضلات الحوض… مش مجرد عضلات، دي شبكة الأمان اللي بتسند أعضاء جسمك❗

📍يمكن أول مرة تسمعي عن عضلات قاع الحوض، لكنك بتستخدميها كل يوم من غير ما تحسي وهي مجموعة عضلات موجودة أسفل الحوض، وظيفتها إنها تسند المثانة والرحم والمستقيم، وكمان تساعدك في التحكم في البول والبراز لكن مع الحمل والولادة، زيادة الوزن، التقدم في السن، الإمساك المزمن أو الكحة المستمرة… العضلات دي ممكن تضعف أو تتأثر. 🤰🏻⚠️

وساعتها ممكن تظهر مشاكل زي:
🔸 السلس البولي تسريب البول مع الكحة أو العطس أو الضحك أو المجهود.

🔸 السقوط المهبلي أو هبوط أعضاء الحوض
إحساس بثِقَل أو ضغط أسفل البطن، أو وجود بروز أو كتلة بالمهبل.

🔸 آلام الحوض وأسفل الظهر خصوصًا لما يكون فيه ضعف أو خلل في عضلات قاع الحوض وطريقة استخدامها.

📌 بس مهم: مش كل ألم أسفل الظهر سببه ضعف عضلات الحوض، ومش كل حالة سقوط أو سلس بتتعالج بنفس الطريقة.

🩺 عشان كده التقييم الصح مهم؛ لأن العلاج ممكن يبدأ بتمارين قاع الحوض والعلاج الطبيعي المتخصص، وفي بعض الحالات بيكون فيه خيارات علاجية تانية حسب السبب ودرجة المشكلة.

💗 متستنيش لحد ما المشكلة تأثر على حياتك.
قاع الحوض جزء أساسي من صحة الست… والاهتمام بيه مش رفاهية ولا مرتبط بسن معين.

🚫 "بتسرّبي بول لما أو تعطسي؟ السلس البولي مش حاجة لازم تتعايشي معاها!"كتير من الستات بتفتكر إن تسريب البول طبيعي بعد الو...
18/08/2026

🚫 "بتسرّبي بول لما أو تعطسي؟
السلس البولي مش حاجة لازم تتعايشي معاها!"

كتير من الستات بتفتكر إن تسريب البول طبيعي بعد الولادة… أو إنه حاجة بتحصل مع السن وخلاص لكن الحقيقة إن السلس البولي له أسباب، وليه علاج 🩺

🤰 أثناء الحمل، ضغط الرحم على المثانة مع التغيرات اللي بتحصل في عضلات قاع الحوض ممكن يزود فرص تسريب البول.

👶 وبعد الولادة، خصوصًا الولادة المهبلية، ممكن تتأثر عضلات وأعصاب قاع الحوض، فيظهر التسريب مع:
🔸 الكحة أو العطس
🔸 الضحك أو الجري
🔸 حمل حاجة تقيلة
🔸 أو أحيانًا مع الإحساس المفاجئ بالحاجة للتبول.

👌🏻ومهم نعرف إن مش كل أنواع السلس واحدة:
تسريب مع الكحة والعطس غالباً له علاقة بضعف دعم المثانة وقاع الحوض، بينما الرغبة المفاجئة جدًا في التبول وعدم القدرة على الوصول للحمام ممكن تكون نوعاً مختلفاً من السلس

💡وعشان كده العلاج مش مجرد "استحملي" أو "اعملي كيجل وخلاص".

التقييم بيحدد السبب، وبعدها ممكن يشمل العلاج:
✅ تمارين قاع الحوض بطريقة صحيحة
✅ تدريب المثانة وتعديل بعض العادات
✅ علاج السبب المصاحب لو موجود
✅ وأحيانًا أدوية أو تدخلات أخرى حسب الحالة.

📌 والأهم: متستنيش المشكلة تكبر.
التسريب المتكرر ممكن يأثر على الحركة، الرياضة، النوم والثقة بالنفس… وفي حالات كتير علاجه وتحسينه ممكن جداً

🩺 السلس البولي مش عيب… ومش لازم يكون "نصيب كل ست بعد الولادة".
كل ما السبب اتحدد بدري، كل ما كان الوصول للعلاج المناسب أسهل. 🤍

"أكيد قالولك هتولدي بدري عشان عندك صديد أو أملاح في البول!" 😳الكلام ده مش دقيق... لكن برضه مينفعش يتاخد باستهانة. ⚠️📌 أو...
11/08/2026

"أكيد قالولك هتولدي بدري عشان عندك صديد أو أملاح في البول!" 😳

الكلام ده مش دقيق... لكن برضه مينفعش يتاخد باستهانة. ⚠️

📌 أولًا: الصديد في البول
وجود صديد غالباً بيشير لوجود إلتهاب في المسالك البولية، وده من المشاكل الشائعة أثناء الحمل 🤰🏻ولو الإلتهاب اتساب من غير علاج، ممكن يسبب:
🔸 زيادة انقباضات الرحم.
🔸 زيادة خطر الولادة المبكرة.
🔸 وفي بعض الحالات ممكن يوصل لإلتهاب الكلى، وده بيكون أخطر على الأم والجنين.

📌 طيب والأملاح؟ وجود أملاح في البول لوحده مش معناه إن الولادة هتحصل بدري لكن ممكن يسبب ألم، أو يزيد فرص تكوّن حصوات، أو يهيئ لإلتهابات في المسالك البولية، وعلشان كده لازم تقييم السبب وعلاجه

💡 الخلاصة:
❌ مش كل صديد أو أملاح معناها ولادة مبكرة.
❌ ومش كل تحليل فيه صديد أو أملاح ينفع يتعالج من نفسك.

🩺 العلاج الصحيح بيبدأ بمعرفة السبب، وعمل مزرعة بول عند الحاجة، واختيار العلاج المناسب والآمن للحمل.

🤰 الحمل محتاج متابعة... لأن المشكلة البسيطة لما تتعالج بدري، بتحميك وتحمي البيبي من مضاعفات كتير. 💙

وجع الضهر وقت الحمل طبيعي جداً بس مش لازم تستحمليها❗الوزن الزايد وتغيّر وضعية الجسم بيزودوا الحمل على العمود الفقري، لكن...
04/08/2026

وجع الضهر وقت الحمل طبيعي جداً بس مش لازم تستحمليها❗

الوزن الزايد وتغيّر وضعية الجسم بيزودوا الحمل على العمود الفقري، لكن في حاجات بسيطة هتفرق معاكي:

🔹 حافظي على جلستك صح… ضهرك يكون مستقيم ورجلك على الأرض.
🔹 نامي على جنبك وحطي وسادة بين ركبك.
🔹 اعملي تمارين خفيفة آمنة للحامل
🔹 اختاري أحذية مريحة وتجنبي الكعب العالي.

لو الوجع مستمر أو شديد… لازم تستشيري دكتورك فوراً 👌🏻

إمتى تعرفي إن الدورة الشهرية عندك فيها لخبطة؟؟🤦🏻‍♀️🩸الدورة الشهرية المنتظمة بتيجي كل 25 إلى 35 يوم، أكتر من كده بيعتبر ت...
28/07/2026

إمتى تعرفي إن الدورة الشهرية عندك فيها لخبطة؟؟🤦🏻‍♀️

🩸الدورة الشهرية المنتظمة بتيجي كل 25 إلى 35 يوم، أكتر من كده بيعتبر تأخر ومن هنا بتبدأ اللخبطة، وفي كل الأحوال عدم إنتظام الدورة الشهرية ممكن يبقى بسبب مشاكل كتير زي🔽

1️⃣ تكييس المبيض
2️⃣ ألياف الرحم
3️⃣ بطانة الرحم المهاجرة
4️⃣ فرط برولاكتين الدم 🩸
5️⃣ الإصابة بعدم توازن مستمر في الهرمونات
والتوتر كمان ممكن يتسبب في عدم إنتظام الدورة الشهرية .. المهم إن أي تأخر لازم يكون تحت المتابعة علشان نلحق المشكلة من أولها👨‍⚕️

هل المشروبات اللي بتحتوي على كافيين زي الشاي أو القهوة ممكن تأخر الحمل🤰🏻 ⁉️✅الحقيقة إنها ممكن تأخر الحمل🤰🏼في حالة واحدة ...
21/07/2026

هل المشروبات اللي بتحتوي على كافيين زي الشاي أو القهوة ممكن تأخر الحمل🤰🏻 ⁉️

✅الحقيقة إنها ممكن تأخر الحمل🤰🏼في حالة واحدة فقط، وهي زيادة إستهلاك الكافيين☕بكمية أكبر من 100 ملليجرام في اليوم، ممكن تأخر الحمل، علشان كده دايماً بننصح بتقليل إستخدام الكافيين أثناء فترة التنشيط، وقبل ما نبدأ في الحقن المجهري ❤️

❗الخصوبة بتتأثر بعوامل كتيرة منها الوزن الزايد.. 🙄 👈وده نتيجة زيادة هرمون الأستروجين اللى بيسبب خلل ف التبويض..و بالتالى...
14/07/2026

❗الخصوبة بتتأثر بعوامل كتيرة منها الوزن الزايد.. 🙄

👈وده نتيجة زيادة هرمون الأستروجين اللى بيسبب خلل ف التبويض..و بالتالى بيأثر على الحمل.. 🙂

‼ولو حصل حمل بتكون الست فى خطر الأجهاض نتيجة لوزنها الزايد..لأنه بيأثر طبعاً على هرمونات الحمل🤰🏻

يا دكتور عملت إختبار حمل في البول وطلع إيجابي ولما عملت في الدم 🩸طلع سلبي 😳⚡تعالي أقولك إزاي تعملي إختبار حمل بطريقة سلي...
07/07/2026

يا دكتور عملت إختبار حمل في البول وطلع إيجابي ولما عملت في الدم 🩸طلع سلبي 😳

⚡تعالي أقولك إزاي تعملي إختبار حمل بطريقة سليمة ✔️

⬅️ضروري جداً تعملية بعد غياب الدورة الشهرية ( وده لإنه وارد جداً يكون إيجابي 🤍

⬅️ إستخدمي إختبار حمل دقيق وتعملي الإختبار أول عينة بول ليكي في اليوم 👌

⬅️ تستني العينة لمدة ٥ دقايق لو طلع شرطتين يبقي ألف مبروك انتي حامل 🤰❤️

"فيه أعراض لو ظهرت أثناء الحمل… متستنيش للمعاد الجاي 🚨الحمل مش كله متابعة روتينية…فيه إشارات جسمك بيبعتها، ومينفعش تتأجل...
30/06/2026

"فيه أعراض لو ظهرت أثناء الحمل… متستنيش للمعاد الجاي 🚨

الحمل مش كله متابعة روتينية…فيه إشارات جسمك بيبعتها، ومينفعش تتأجل ⚠️🤰

📌 أهم الأعراض اللي لازم تاخديها بجد:
🔴 قلة حركة الجنين لو لاحظتي إن الحركة قلت بشكل واضح عن الطبيعي بالنسبة ليكي… ده محتاج تقييم فوري

🔴 نزيف مهبلي 🩸حتى لو بسيط… خصوصاً لو مصحوب بألم أو تقلصات

🔴 نزول سائل مائي مستمر 💧ممكن يكون تسرب في السائل الأمنيوسي، وده محتاج فحص سريع.

🔴 صداع شديد غير معتاد خصوصاً لو مستمر أو معاه زغللة في النظر أو دوخة

🔴 تورم مفاجئ في الوجه أو اليدين خصوصاً لو بيزيد بسرعة أو معاه إرتفاع ضغط

🔴 ألم شديد بالبطن أو تقلصات منتظمة مش كل ألم طبيعي في الحمل، وفيه أنواع لازم تتقيم

🔴 ضيق نفس شديد أو ألم في الصدر دي من العلامات اللي ماينفعش تتأجل أبداً

💡الفكرة مش إنك تقلقي من كل حاجة…لكن إنك تعرفي إمتى جسمك بيطلب مساعدة فورية

🩺 المتابعة مهمة، لكن في أعراض “ما تستناش معادها”…أحيانًا ساعات قليلة بتفرق في سلامة الأم والجنين. 🤍👶

Address

Beni Suef

Telephone

01102529559

Website

Alerts

Be the first to know and let us send you an email when عيادة الدكتورة نانسي السعدني لأمراض النساء و التوليد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category