د. هيثم عفت دكتور العيال

09/08/2026

الادويه المهمه ليكى ايه ف المصيف؟

09/08/2026

مضاد اكتئاب طبيعى

08/08/2026

القرد في عين امه

08/08/2026

08/08/2026

🤣

08/08/2026

ناس جايه من عمره تكشف
وناس رايحه عمره بتكشف
وأنا قاعد هنا ..دعواتكم

08/08/2026

محمد اللمض

08/08/2026

لازم نراجع الروشته ضرووورى والعلاج

07/08/2026

يالا ننااام

07/08/2026

أنا عمري ما كنت أتمنى أكتب الكلام ده… لكن اللي حصل مع بنتي مكة كان ممكن يضيعها بسبب خطأ ما كانش لازم يحصل.

بكتب قصتنا النهارده عشان أحكي الحقيقة، وأطالب بحقي، وكمان أحذر أي أب أو أم إنهم يتأكدوا من أي دواء قبل ما يخرجوا من الصيدلية.

اقرأوا اللي حصل مع مكة للنهاية… ويمكن قصتنا تنقذ طفل تاني. لأن الغلطة اللي حصلت مع بنتي كانت كفيلة إنها تنهي حياتها.

الكابوس بدأ بدور برد عادي جدًا… زي أي طفل. كشفت على بنتي مكة عند دكتورها اللي متابعها من أول يوم اتولدت فيه، ولحد دلوقتي، بقاله 7 سنين ونص. كتب الروشتة، وخرجنا من العيادة وإحنا بنضحك ونهزر.

في الطريق قالتلي: “يا ماما عايزة آكل تين.”
قولتلها: “من عيني يا موكا.”
قالت: “ومتنسيش الدوا بتاعي.”
قولتلها: “حاضر يا موكا… بطلي زن بقى.”
والله ما كنت أعرف إن دي هتكون آخر لحظات هادية قبل ما حياتنا كلها تتقلب.
رجعنا البيت، واتصلنا بصيدلية حمزة في زهراء المعادي، وهي صيدلية معروفة جدًا، وبنتعامل معاها من زمان. بعتنا الروشتة على WhatsApp ، والدوا وصل حوالي الساعة 11:30 بالليل.
بدأت أدي مكة أول جرعة.
الدواء اللي الدكتور كاتبه كان Respidep.

راجعت الاسم بسرعة، لقيت أول الحروف نفس اللي في الروشتة، وماكملتش قراءة الاسم كله… لأن ببساطة كنت واثقة إن الصيدلية مستحيل تغلط.

وده كان أكبر غلط عملته.

الجرعة كانت 6 مل، 3 مرات في اليوم، فاديتها أول جرعة وأنا مطمنة.

قبل ما تنام قالتلي: “يا ماما عايزة Board أكتب عليها وكراسة ألوان.”
قولتلها: “حاضر.”

قالت: “بس عايزة أخدهم النادي، وبعد ما أطلع من ال Pool أقعد ألون أنا وصحابي.”
قولتلها: “حاضر يا حبيبتي.”

تاني يوم الصبح نزلت جبتلها Board والكراسة، ولبستها لبس السباحة، وكلمت صاحبتي ”نجاة”، وخدنا بنتها صاحبة مكة، وروحنا النادي.

ومن هنا…

بدأ أسوأ كابوس ممكن أي أم تعيشه.

أول ما دخلنا عند حمام السباحة، لقيت مكة بتتكفي على Access Card بتاعة النادي، ومش قادرة تقف على رجليها.

وفجأة…

بوقها كله اتملّى دم.

جرحين كبار من الناحيتين، والدم غرق وشها وجسمها.

دكتور النادي جري علينا، وبص عليها وقال: “هي كويسة.”

صرخت فيه: “لا… بنتي مش كويسة.”

كانت مش قادرة حتى تلبس ال Slippers.
بالظبط… زي حد اتشل.

جسمها كله كان مايل ناحية الشمال.

وشفايفها دخلت لجوه بوقها.

حضنتها وأنا بقول: “مكة… مالك؟”

قالتلي بكل براءة: “أنا كويسة يا ماما.”

لكن هي ماكنتش كويسة.
شلتها وجريت بيها لحد العربية وسيبت ابني 'مالك' مع صاحبتي.

وفي الطريق…
بدأت تدخل في تشنجات.
وجسمها اتشل تقريبًا.
وكل ما شفايفها كانت تفك كانت تعض لسانها.
وعينيها كانت بتلف لفوق.
في اللحظة دي حسيت إن بنتي بتموت بين إيديا.

اتصلت بابني حمزة وأنا بصرخ: “الحقني.”
جرينا على مستشفى خاصة.
وكانت هناك دكتورة ربنا يجازيها كل خير.

أول سؤال سألته:
“هي بتاخد علاج؟”

قولتلها: “آه… علاج برد.”

طلبت تشوف الروشتة.
أنا من عادتي بعمل WhatsApp group للعيلة وببعت فيه كل الروشتات.

بصت على الروشتة وقالتلي:
“أنا شاكّة إن الصيدلية صرفت دواء تاني اسمه قريب جدًا من المكتوب… لأن الأعراض دي هي نفس ال Side effects للدواء ده.”

في اللحظة دي طلبت من بنتي اللي في البيت تصورلي علبة الدوا.

وصلت الصورة…

وكانت الصدمة.

بدل ما بنتي تاخد Respidep…

كانت واخدة Risperdal.

دواء مضاد للصرع، بيتاخد لعلاج مرضى الفصام (Schizophrenia) و والاضطراب ثنائي القطب (Bipolar Disorder)، وبعض حالات التوحد.

وده دواء للكبار، وجرعته بتكون نقط وبحساب شديد، لأن تأثيره بيكون على كيمياء المخ، ومينفعش يتاخد إلا تحت إشراف طبيب متخصص.

لكن بنتي…

بنتي اللي عندها 7 سنين ونص…
أخدت منه 6 مل كاملة… لأن دي كانت الجرعة المكتوبة في الروشتة للدواء الصحيح.

في اللحظة دي الدنيا اسودت في وشي.
لفينا على أكبر المستشفيات الخاصة.
ومنها اتحولنا لمستشفى حكومي.
ومنها لمعهد السموم.
ومن هناك على مستشفى أبو الريش.
والدكتور كتب إن حالتها حرجة ولازم تدخل العناية المركزة فورًا.

آه… كان الوضع صعب.
بس يشهد ربنا إن اللي اتعمل مع بنتي هناك كان فوق أي كلام.

ربنا يجازي كل دكتور وممرض وقف معاها.
أنا النهارده مش بكتب البوست ده علشان حد يتعاطف معايا.
أنا بكتبه علشان محدش يعيش اللي أنا عشته.

غلطة واحدة في صرف دواء…
كانت هتاخد بنتي مني.

تخيلوا لو كانت أخدت الجرعة التانية؟

تخيلوا لو ربنا ما ألهمنيش أوقف؟

تخيلوا لو اليوم خلص من غير ما نكتشف الغلطة؟

أنا شفت بنتي بتتشل قدامي.
وشفتها بتفقد السيطرة على جسمها.
وشفت الموت بعيني.

كل ده بدأ بعد أن تم صرف دواء مختلف عن الدواء المكتوب في الروشتة، وهو ما أدى إلى دخول مكة في حالة صحية خطيرة. وقد احتفظنا بكل المستندات والروشتات والأدلة، واتخذنا الإجراءات القانونية، ونثق أن الجهات المختصة ستحدد المسؤولية وفقًا للقانون.

وبطلب من كل أب وأم… متستلموش أي دواء وتخرجوا. اقرأوا الاسم حرف حرف، وقارنوه بالروشتة، ولو في شك حتى 1% اعملوا Search سريع عنه أو اسألوا الدكتور. دقيقة واحدة ممكن تنقذ عمر كامل.

بنتي في الصورة كانت لسه في المراحل الأولى من انتشار الدوا في جسمها تخيلوا لو كنت اتأخرت شوية كان ايه ممكن يحصل.

وفي الآخر… عندي طلب من كل حد هيقرأ البوست ده.

من فضلك، حط نفسك مكاني للحظة. تخيل إن اللي كان بيتشنج، واتشل، وكان بيموت بين إيديك… هو ابنك أو بنتك. والله ما أتمنى الوجع ده لأي أب أو أم.

أنا مش بطلب تعاطف… أنا بطلب حق بنتي، وحق أي طفل اتأذى بسبب إهمال أو شخص لا يستحق إنه يكون مسؤول عن أرواح الناس.

أتمنى من كل واحد يتقي الله في شغله، لأن كل مهنة أمانة، ومهنة الصيدلة تحديدًا الغلطة فيها ممكن تودي بحياة إنسان.
إحنا مش هنسكت، واتخذنا كل الإجراءات القانونية، لكن محتاجين صوتكم يوصل معانا.

ساعدوني أوصل صوت بنتي، وساعدوني أرجع حقها، لأن اللي حصل لمكة ممكن يحصل مع أي طفل.

وحسبي الله ونعم الوكيل في كل شخص كان سبب في اللي حصل لبنتي… وربنا يحفظ ولادكم جميعًا.