Dr. Ashraf Kasem

02/08/2026

طفلك اللي سخن الفجر تعملي ايه لحد ما تكشفي

#اكسبلور

02/08/2026

سيبيه يعيط وما تشيليهوش عشان مصارينه توسع وما يتعودش على الشيل

من أكتر النصائح القاسية اللي ممكن تسمعيها بخصوص طفلك الرضيع

ابنك محتاجك محتاج حضنك ولمستك وإحساسه بالأمان وهو بين إيديكي

هو مش بيعيط عشان يدلع أو عشان يتعود على الشيل
هو بيعيط لأنه محتاجك وبيلاقي في حضنك الأمان والاحتواء

ما تسيبيهوش يستغيث بالبكاء لحد ما نفسه يتقطع لمجرد إنك خايفة يتعود على الشيل

شهور بسيطة وهيكبر ويمشي ومش هتقدري تشيليه زي دلوقتي

وسنين بسيطة وهيكبر أكتر وهيقضي معظم يومه بعيد عن حضنك وساعتها يمكن تشتاقي للأيام اللي كان فيها محتاجك طول الوقت

عزيزتي الأم

استمتعي حتى بتعبك مع رضيعك
لأن بكرة هتفتكري الأيام الصعبة دي ويمكن تتمني لو ترجعي تعيشيها من تاني

الأمومة مش سهلة
بس تستاهل كل التعب

01/08/2026

ازاي تتعاملي مع طفلك وتعاقبيه لما يغلط من غير ضرب ولا زعيق

♦️ لو طفلك بيتنطط ويزعق وبيعمل هيصة

تجاهليه تماما ولما يهدى كافئيه بحاجة هو بيحبها بشكل واضح عشان يتعلم إن الهدوء هو اللي بيجيب المكافأة

♦️ الخصام

ممكن يكون وسيلة فعالة للعقاب لكن بشكل كامل لفترة محددة ومعروفة مع الاستمرار في تقديم الضروريات اللي الطفل مش قادر يعملها لوحده زي الأكل والشرب والعلاج

♦️ الضرب قدام أي حد حتى لو قدام اخواته ممنوع

الضرب ممكن يسيب آثار نفسية بتظهر مع الوقت ويأثر على ثقة الطفل بنفسه وشخصيته

♦️ الأم اللي بتزعق كتير

ممكن تتحول من غير ما تقصد لمصدر اهتمام للطفل فيتعمد الغلط عشان يحصل على رد فعل منها وبالتالي الزعيق نفسه يتحول لمكافأة

♦️ الأم الهادية

لما تعاقب بهدوء ومن غير عصبية الطفل بيتعلم إن في حدود واضحة وإن التصرفات لها نتائج من غير ما يخاف أو يتعرض للإهانة

♦️ بلاش لما بابا ييجي هقوله

ما تعمليش من بابا بعبع يخاف منه الأطفال لأنك كده بتخلي الطفل يحسب حساب باباه بس وممكن يضعف استجابته لقواعدك أنت كمان

♦️ لو هددتي طفلك بعقاب لازم تنفذيه

ولو وعدتيه بمكافأة لازم تلتزمي بيها لأن ثباتك في كلامك بيخلي الطفل يفهم إن القواعد جدية وواضحة

♦️ هزري والعبي مع أطفالك كتير

لأن علاقتك القوية بيهم بتخلي منع اللعب أو وقت المرح وسيلة مؤثرة عند الحاجة من غير ضرب ولا إهانة

♦️ ممنوع تعايري طفلك بغلط عمله قدام أي حد

ولا تفضحيه أو تحرجيه قدام الناس لأن ده ممكن يخليه بعد كده يتعامل مع أسرار البيت بنفس الطريقة ويحكيها للآخرين

♦️ خليه يصلح غلطه

لو بوظ حاجة يساعد في إصلاحها ولو لخبط حاجة يرتبها بنفسه على قد ما يقدر عشان يتعلم إن لكل تصرف نتيجة وإن الغلط له مسؤولية

♦️ لو قال كلام مستفز أثناء العقاب

ما تدخليش معاه في جدال جديد لأن أحيانا الطفل بيحاول يفتح مشكلة جديدة عشان يهرب من الموقف الأساسي

♦️ اعملي قائمة بالحاجات اللي طفلك بيحبها

سواء حلويات أو ألعاب أو أنشطة واستخدميها كمكافأة لما يتصرف بشكل كويس وقللي منها أو امنعيها لفترة قصيرة ومحددة عند السلوك غير المقبول

وفي النهاية

دي نصائح عامة للتربية الإيجابية وكل طفل مختلف عن التاني واللي يناسب طفل ممكن ما يناسبش طفل آخر

01/08/2026

الحمد لله الذي بنعمته تتم الصالحات

اختتمنا أمس فعاليات PediaScape 2026 بكل فخر وامتنان بعد يومين حافلين بالعلم والنقاشات المثمرة وتبادل الخبرات بين نخبة من أساتذة وأطباء الأطفال وحديثي الولادة.l

كل الشكر والتقدير للسادة المتحدثين والرعاة والشركاء ولكل من ساهم في نجاح هذا الحدث والشكر الأكبر لكل الحضور الذين كانوا جزءًا من هذه الرحلة العلمية المميزة

وإلى لقاءٍ جديد بإذن الله في PediaScape 2027

29 & 30 July 2027

نعدكم بأن يكون القادم أكبر وأقوى بإذن الله

28/07/2026

👨‍⚕️ نخبة من أساتذة واستشاريي طب الأطفال وحديثي الولادة… في مكان واحد! Pediascape 2026

استعدوا لواحد من أهم التجمعات العلمية في طب الأطفال، حيث يلتقي كبار الأساتذة والخبراء لتقديم أحدث ما توصل إليه العلم من محاضرات، مناقشات علمية، وورش عمل تطبيقية تغطي مختلف تخصصات طب الأطفال.

📅 30–31 يوليو 2026
📍 Gewan Cairo Hotel – Cairo

✅ أكثر من 40 محاضرة علمية
✅ ورش عمل تفاعلية
✅ نخبة من المتحدثين من الجامعات والمراكز الطبية الرائدة
✅ أحدث التوصيات والتطبيقات العملية التي يمكن الاستفادة منها في الممارسة اليومية

📢 لا تفوت فرصة التعلم والتواصل مع كبار المتخصصين.

🔗 احجز مقعدك الآن وكن جزءًا من PediaScape Conference 2026

🎟️ FREE REGISTRATION

https://aurora-online-reg.helmation.com/conf/43

26/07/2026

42

25/07/2026

23/07/2026

ربنا يقدرنا

19/07/2026

الناس اللي بتشتكي إن الأطفال طول الوقت بيجروا وبيتنططوا وبيتشاقوا… عايزين الطفل يعمل إيه؟

ده طفل ودي طبيعة سنه الحركة واللعب والجري جزء طبيعي جدًا من نموه