Hadeer shawky_ هدير شوقي

22/12/2025

22/12/2025

في اليوم العالمي لمناهضة العنف ضد المرأة…

عايزة أكلم كل ست بتقرا الكلام ده دلوقتي…
اللي يمكن شايلة وجع محدش يعرفه،
اللي بتضحك قدّام الناس وبتعيط لوحدها،
اللي اتكسرت مرة أو ألف… وبرضه وقفت.

عايزة أقولّك حاجة من قلبي:
إنتي مش قليلة.
وإنتي مش ضعيفة.
وإنتي مش مطالبة تتحمّلي علشان “البيت” أو “العيال” أو “الناس هتقول”.

العنف مش علامة قوة…
ولا السكوت علامة رضا.
العنف بيقلّل من اللي بيمارسه… مش من اللي بيتعرض له.

وأنا حابة أفكّرك…
إنك تستحقي يُتقالك “متخافيش”،
تستحقي حضن آمن،
تستحقي بيت يطمنك… مش يكسرِك،
تستحقي علاقة فيها احترام… مش وجع،
تستحقي حياة كاملة… مش نص حياة.

ولو انتي واقفة على حافة قرار…
متخليش الخوف يشدّك لورا.
خدي خطوة صغيرة… بس خديها.
إسندي على نفسك، اسندي على اللي بيسمعوكي ويفهموكي… فيه دايمًا حد هيسند.

إرفعي راسك…
إنتي أغلى من أي أذى،
وأقوى من أي حد حاول يقلل منك.

وخلي اليوم ده مش مجرد “ذكرى”…
خليه بداية لقوة جديدة جواكي.
#العنف

22/12/2025

دكتورة هدير شوقى استشارى الصحة النفسية والإرشاد الأسري
يوميا بالحجز المسبق على ( ٠١١٤٧٠٨٠٢٠٠ )

22/12/2025

22/12/2025

مشكلة ريم مع جوزها مش إنه إنسان وحش، لكنه منطقي زيادة عن اللزوم..
لو جيت تسمعه هتقول طب ما عنده حق فعلا!
لكن فيه جملة بتقول: "قلوب النساء في آذانهن".
الست بتحب تسمع الكلام بالعاطفة مش بالمنطقية والعقلانية..
كانت منتظرة منه يعرض عليها إنه يتبرعلها بكِليته رغم إنها مكانتش هتوافق، هي بس كانت عايزة تسمع ده منه..
هو مكنش عايزها تروح الشغل عشان تعبانة فقالها بصيغة الأمر لكن لو كان قالها أنا خايف عليكي كانت هتقعد..
مكنش عايزها تاكل أكل معين عشان هيتعبها رغم إن حاجه حلوة إنه عارف ومركز ايه اللي يتعبها وايه لأ لكن قالهالها بطريقة غلط مش بطريقة فيها اهتمام أو خوف عليها..
الاسلوب بيفرق يا جماعة والله..
الطريقة اللي بتوصّل بيها الكلام أهم من الكلام نفسه.
الست أوقات كتير مبتبقاش محتاجة حلول منطقية قد ماهي محتاجة تسمع كلام يطمنها.