Dr. Hanan Ali Clinics

02/09/2026

اعلان مهم 📌

23/08/2026

📌 شركة Rio Pharma الثلاثاء القادم 25 اغسطس
تقوم بعمل هيلث داي ف عيادة دكتور حنان علي ووجود خدمة مميزة
- قياس الڤيتامينات والمعادن والكولاجين وحاحات تانية كتير بجهاز الكوانتم مجانا
- وجود هدايا مجانا للمرضي
- - وعمل خصم مميزة ع الادوية
- - ووجود كشف جلدية مجانا
- - وعمل جلسات تنضيف وديرما بلانينج بخصم عالي
- - ووجود سحب ع جوايز قيمة جدا
- - وكمان هنبسطكم بديكوريشن لذيذ و هنفرح اولادكم ونرسملهم بالوان المية يوم ترفيهي وكمان كشف وهدايا

12/08/2026

مسوكة ❤️❤️🫶🏽

مِسك 💝
بنشكر الدكتوره / حنان علي لمجهودها الكبير ✨
للحجز والاستفسار: 01014999950
العنوان:14 ش معمل الألبان خلفاوي شبرا مصر

12/07/2026

حكايات ال9شهور مع دكتورة حنان علي 📖

❤️
وده شهر "التقلبات" الحقيقي، وفيه تفاصيل كتير تهم المريضة
الشهر الثاني: مرحلة "الوحم" وتكوين الملامح (من الأسبوع 5 إلى 8)
في الشهر ده، بتبدأي تحسي فعلاً إنك "حامل" بكل جوارحك، والبيبي بيبدأ ياخد شكل بشري أكتر.
#أولاً: حجم البيبي
في نهاية الشهر الثاني، البيبي بيتحول من "حبة سمسم" لـ "حبة عنب" أو "حبة توت" (طوله حوالي 1.6 سم).
المفاجأة: في المرحلة دي، قلب البيبي بيدق بسرعة تزيد عن ضعف سرعة قلبك! وبتبدأ تتكون ملامح الوش الصغير (العينين والأنف).
#ثانياً: إيه اللي هتحسي بيها؟
1) الوحم والغثيان: ده وقت "غثيان الصباح" (وممكن يستمر طول اليوم للأسف).
2)النفور من الأكل: ممكن فجأة تكرهي ريحة أكل كنتِ بتحبيه (زي القهوة أو الثوم).
3)كثرة التبول: بسبب ضغط الرحم اللي بيكبر وهرمونات الحمل.
4)انتفاخ بسيط: هرمون البروجسترون بيخلي الهضم أبطأ شوية.
#ثالثاً: "الوجبات" تاكلي إيه؟)
1. وجبات صغيرة: كلي 5 أو 6 وجبات خفيفة بدل 3 كبار عشان تقللي الغثيان.
2. البسكويت المملح: خلي جنبك "بقسماط" أو "بسكويت سادة" كلي منه أول ما تصحي قبل ما تقومي من السرير.
3. السوائل بين الوجبات: اشربي ميه وعصائر فريش، بس بلاش وسط الأكل عشان ما تحسيش بامتلاء زايد.
4. فيتاميناتك: استمري على حمض الفوليك، وممكن الدكتورة تضيف لك فيتامين لتقليل الترجيع
#رابعاً: "الممنوعات" (خط أحمر)
1. الأكل الحراق والمسبك: بيزود الحموضة والحرقان جداً في الشهر ده.
2. المجهود البدني الشاق: بلاش شيل سجاد أو أثاث، جسمك محتاج طاقته لتكوين أعضاء البيبي.
3. الوقوف لفترة طويلة : لو بتشتغلي، حاولي ترفعي رجلك كل فترة عشان تتجنبي التعب.
⚠️ علامات الخطر (استشيري الدكتورة فوراً):
_ قيء مفرط (مش قادرة تخلي حتى الميه في معدتك).
_أي آلام شديدة في أسفل البطن أو الظهر.

_وفي زيارتك لينا في العيادة بنطمن بالسونار في الشهر ده، بنقدر نشوف "النبض" بوضوح جداً بالسونار، وبنشوف براعم الإيدين والرجلين وهي بتبدأ تتكون. وده أنسب وقت لعمل "كارت المتابعة" الخاص بيكي في العيادة.💗
* نصيحة دكتورة حنان ✨
"الغثيان والوحم علامات متعبة.. بس هي دليل على إن هرمونات حملك قوية والبيبي بخير. اصبري، هانت!"
📍 عنوان العيادة: 147ش ابو الفرج، شبرا مصر
📞 للاستفسار 01012144240
#نساءوتوليد

03/07/2026

مسك ومكة ❤️
📍 عنوان العيادة :147ش ابو الفرج , شبرا مصر
📞 للاستفسار : 01012144240
#الأمومة

مِسك و مكه ♥️
بنشكر دكتوره / حنان علي لمجهودها الكبير المبذول ✨
للحجز : 01014999950
العنوان : 14 ش معمل الألبان خلفاوي شبرا مصر

27/05/2026

عيادة الدكتورة حنان علي تهنئكم بحلول عيد الاضحى المبارك ❤️
كل عام وانتم بخير ❤️❤️❤️

05/05/2026

خرافة❌ ولا حقيقة ✅؟
(سلسلة خرافات الشهر الأول)

- #الخرافة: "لو نزل دم خفيف في ميعاد الدورة يبقى ده حمل غزلاني ومش محتاج قلق."
#الحقيقة✅: مفيش حاجة طبياً اسمها "حمل غزلاني". أي دم ينزل في بداية الحمل لازم يتفحص بالسونار فوراً عشان نطمن إن الحمل داخل الرحم ومستقر.

- #الخرافة: "لازم تأكلي لشخصين من أول يوم."
#الحقيقة✅: الجنين في الشهر الأول حجمه زي "حبة السمسم"، لو أكلتي لاتنين دلوقتي انتي اللي هتطلعي من الحمل "اتنين" والجنين ملوش ذنب! النوعية اهم من الكمية.

- #الخرافة ممنوع ترفعي ايدك تسرحي شعرك عشان الحبل السري ميتلفش!
#الحقيقة✅: دي من اغرب الحاجات اللي بنسمعها الحبل السري ف كوكب وحركة ايدك في كوكب تاني خالص

- #الخرافة : الحركة أو المشي في أول شهر خطر وبيسبب إجهاض
#الحقيقة✅: الحمل الطبيعي والمستقر مش بيتأثر بالحركة العادية أو المشي. بالعكس، النشاط البدني الخفيف بيحسن الدورة الدموية وبيرفع حالتك المزاجية. الخطر بس بيكون في الرياضات العنيفة أو لو الطبيب حدد "راحة تامة لحالة طبية معينة.

نصيحة د . حنان علي:💕
الشهر الاول... محتاج حمض الفوليك، مية كتير، وهدوء اعصاب
لو سمعتي "خرافة" تانية ومحيرة وحابة تتأكدي منها، سيبيها في كومنت وهنرد عليكي! 👇

29/04/2026

حكايات الـ 9 شهور مع دكتورة حنان 📖
🌸
عرفتي إنك حامل وفرحتي بالخبر.. بس من هنا بتبدأ أول حكاية في رحلة العمر. الشهر ده هو "شهر التأسيس"
في الشهر ده، جسمك بيبدأ يجهز لواحد من أعظم المعجزات، وممكن تكوني لسه مش عارفة إنك حامل في أول أسبوعين!
رحلة البداية (من الأسبوع 1 إلى 4)
اولا (حجم البيبي) 🐣
البيبي في نهاية الشهر ده بيكون صغير جداً، زي "حبة السمسم"، طوله حوالي 2 ملم. ورغم صغره، بيبدأ أهم جزء في جسمه يتكون: الجهاز العصبي والقلب البدائي.
إيه اللي بيحصل في جسمك؟ (الأعراض)⁉️
_ تأخر الدورة الشهرية "أول علامة"
_ إرهاق ونعاس مستمر (جسمك بيبذل مجهود جبار).
_ تغيرات في المزاج (هرموناتك بتبدأ رحلتها).

واجبات أول حكاية (تعملي إيه؟) 💗
1. حمض الفوليك (Folic Acid): هو الأساسي لحماية الجهاز العصبي للجنين.
2. شرب الميه: لازم تشربي من 2 لـ 3 لتر ميه يومياً.
3. زيارة العيادة: عشان نتأكد إن الحمل في مكانه (داخل الرحم) ونسمع "أجمل صوت" وهو نبض البيبي.

ممنوعات في حكايتنا (تبعدي عن إيه؟)❌
الأكل "النص سوا": (السوشي، اللانشون، البسطرمة، والفسيخ).
الكبدة ،التونة والسمك الماكريل
الأجبان غير المبسترة: (الريكفورد والقريش مجهول المصدر).
الكافيين الزائد: فنجان واحد قهوة أو شاي كفاية جداً.
الأدوية:مفيش برشامة واحدة تاخديها من غير ما تسأليني الأول.

- كواليس الزيارة الأولى
لما بتشرفينا في العيادة، بنطلب تحاليل الاطمئنان (صورة دم، فصيلة، تحليل بول) وبنبدأ نفتح "كارت المتابعة" اللي هيسجل كل تفاصيل رحلتنا سوا.

نصيحة دكتورة حنان✨
"في الشهر الأول، اهتمامك بـ (الفوليك أسيد) وراحتك النفسية هما أهم أساس لباقي الحكايات."
شاركينا في التعليقات.. إيه أول سؤال جه في بالك لما عرفتي إنك حامل؟ 👇
📍 عنوان العيادة: 147ش ابو الفرج ,شبرا مصر
للاستفسار:01012144240

21/04/2026

مبروك إنتي حامل.. طيب إيه الخطوة الجاية ؟🤰🏻💕
عرفتي إنك حامل وفرحتي بالخبر.. بس بدأ القلق والأسئلة: "أروح للدكتورة امتى؟" "أعمل إيه دلوقتي؟"
اول زيارة في العيادة مهمة جدا لأننا فيها:
- بنطمن على مكان الحمل بالسونار ونسمع "أجمل صوت" (نبض البيبي) لأول مرة. ❤️
- بنحدد عمر الحمل وميعاد الولادة المتوقع .
- بنطلب التحاليل الأساسية عشان نطمن على صحتك ومخزون الحديد والفيتامينات.
- بنرتب سوا نظامك الغذائي والأدوية اللي هتحتاجيها في البداية.

🌸مش لازم تستني شهور.. أفضل وقت لأول زيارة بيكون بين الأسبوع السادس والثامن (يعني بعد أسبوعين من تأخر الدورة الشهرية).
تابعي معانا الفترة الجاية سلسلة حكايات ال9 شهور عشان تعرفي كل شهر بيحصل فيه ايه 😍
و شاركينا في التعليقات.. إيه أول سؤال جه في بالك لما عرفتي إنك حامل؟

20/04/2026

قريباً.. "حكايات الـ 9 شهور" مع دكتورة حنان علي 📖✨
كل حمل هو حكاية فريدة من نوعها.. بتبدأ بخبر مفاجئ، وبتمر بشهور من التعب، الفرحة، القلق، وفي الآخر بتنتهي بأجمل "لقاء" في الدنيا. ❤️
لأن أسئلتكم كتير، ولأن جروبات "الماميز" ماليانة كلام يخوّف وخرافات ما تنتهيش.. قررت أبدأ معاكم سلسلة أسبوعية هنسميها * *.
في السلسلة دي، هنمشي الرحلة سوا خطوة بخطوة ..
✅ هنعرف البيبي بيحصل فيه إيه كل شهر (من أول ما يكون قد حبة السمسم لحد ما يبقى بطيخة مكلبظة 🍉).
✅ هنعرف إيه اللي جسمك بيحس بيه وإزاي تتعاملي معاه ببساطة.
✅ والأهم.. هنكسر "خرافات" كتير بنسمعها وبتقلقنا على الفاضي. 🚫

هدفنا؟ إنك تعيشي تجربة حمل سعيدة، صحية، ومطمئنة.. لأنك تستحقي تستمتعي بكل لحظة في الرحلة دي.
منشني لصاحبتك الحامل أو اللي بتخطط للحمل وقوليلها: السلسلة دي عشانك! 👇


📍 عنوان العيادة :147ش ابو الفرج , شبرا مصر
📞 للاستفسار : 01012144240
#الأمومة