Noha samy relationship coach

Noha samy relationship coach Certified Life Coach
relationship coach
مدرب حياة - داعم نفسى
(1)

"يأتيها الله رزقها رغداً من كل مكان"🐎
إيقاظ وَعيَك مَسؤليِتى .. تَكييُفك فى علاقاتك وتَغَيُرك
مسؤليتك ،، بهذا نَتَحد سوياً؛ إن اردت تكون إنسان حُر،،
يتمتع بِعلاقات صحية ..

عمرك قابلت القرود الطائرة خّدام ممكلة #النرجسي، واعوانهالمطيعين فى حياتك ؟!!!لو فعلا قابلت هتحكى إيه عنهم !!!لو عايز ت...
05/06/2026

عمرك قابلت القرود الطائرة خّدام ممكلة #النرجسي، واعوانه
المطيعين فى حياتك ؟!!!

لو فعلا قابلت هتحكى إيه عنهم !!!
لو عايز توصفهم توصفهم بإيه !!

#شاركنى بخبرتك فى #عالمـالعلاقات النرجسية ..
نفيد بعض وتفيد غيرك وتستفاد 🫰

Noha samy relationship coach

05/06/2026

العلاقات المريحة نعمة
العلاقات المريحة مش حِسبة
واحد + واحد = علاقة مستمرة ❌
لكنها بكل بساطة معادلة ⚗️
شوية ⬇️ على حَبة ⬇️ على كثير من⬇️
مرونة + بساطة + تقدير = نضج وامان
هى دى العلاقات الامنة المريحة 🫂

تعرف ازاى إنك ناضج فى مشاعرك وتفكيرك
ناصج فى علاقاتك ؟!!!
تقوم حالاً تفتح ملف العلاقات عندك وإنت
ه‍تلاقى علاقات دايمة ومستمرة معك من زمان
فيها حضن وحبة وتفاهم وألفة 🫂❣️

برغم انك لا بتقابل أصحابها كل يوم ولا بتتكلم معاهم مكالمة كل ساعة 📱
مفيش أتصال دائم لكن فى وصال ابدى
مريح هادى فى اى لحظة بيحصل بكل وِد وألفة ومحبة وإحتياج ❣️

مِنشن لصاحبها منغير ولا كلمة 💗

لكن لو انت مش ناضج هتفتح ملف علاقاتك ه‍تلاقى نفسك فى علاقات كثيرة جداااااا
كل يوم فيها حوارات وكلام واتصال
لكن مفتقدة التواصل والراحة والبساطة والهدوء
مستنزفاك وكل فترة تنتهى بخسارة عليك 👌

إفهم إن العلاقات إتخلقت فى الحياة للراحة مش عشان تعيشك فى قلق وتوتر وإستنزاف دائم ...
متنساش 👈تمنشن 👈 لصاحب العلاقة المريحة فى حياتك 🫂
#علاقات #عالمـالعلاقات
Noha samy relationship coach

فى #عالمـالعلاقات حاجات لو عملتهم الزوجة فى رحلة زواجها الزوج عمره ما ينساها ، لإنها رصيد تقيل ومليان وكافى هى محوشاه ف...
30/05/2026

فى #عالمـالعلاقات حاجات لو عملتهم الزوجة فى رحلة زواجها الزوج عمره ما ينساها ، لإنها رصيد تقيل ومليان وكافى هى محوشاه فى البَنك
اللى بينه وبينها ..

حاجات بيفضل فاكرهم الزوج طول عمره حتى لو الأيام صَعبت الحياة ما بينهم ..

🌿 الست اللي تحسّسه إنها أمان ومحل ثقة
اللي يلاقي عندها راحة مش تبقى حِمل
اللى تكون طمأنينة مش ضغط ....
اللى تشجع وقت الوقعة وتثبت الأمان جواه والعالم
حواليه منهار ...

♥️ الست اللي تقف معاه وقت ضعفه ومحنته
مش وقت النجاح ولا الغنى ..
وقت ما يكون اهله والدنيا دايسة عليه،
وبيدور على سَندة تسند ضهره
الوقفة دي رصيد بيتقل الحساب قوووى ...

🫡 الست اللي تحترمه ما بينه وبينها وقدام الناس
وقت الخلاف قبل الرضى والإتفاق ،
ما تهزش صورته، ما تقللش منه علشان تكسب موقف،
الرجل الاحترام عنده قيمة أهم من قيمة الحب نفسه ...

❣️ الست اللي عارفة إن قيمتها من قيمة زوجها
هى تعلى منه وهو يعَلى من قيمتها ....

دي الست اللى أي رجل يعيش يحترمها ويفضل أصيل معها العمر كله
ويفضل يعطيها من رصيدها اللى مبيخلصش عنده

الكلام الجميل ده ينطبق على زوجة النرجسى لكن لا ينطبق على الزوج #الزوجـالنرجسى

#الزوجـالنرجسى مع الست اللي دخلت حياته وصنعة له احترام، وراحة، وطمانينة، وإستقرار
مبيفكرش غير إنه يكسرها ويذلها ويدمرها، ويمحى كرامتها
ويموت روحها
وأى رصيد هى محوشاه يسرقه ويبعثره، وبعد ما يسرق ينكر
إن كان فى رصيد أصلا ..
يتهمها ب أبشع التهم »» انها زوجة غير أصيلة، جاحدة، ناكرة للجميل، متستحقش الحب والإحترام، لا ترقى انها تكون إمرأة
بيتفنن فى إذلالها، تشويه سمعتها، خيانتها، إمراضها ..

عشان حاجتين ✌️
👈خارجياً »»» يفضل مسيطر ومتحكم فيها ضامن إستمرارها ومتاكد أنها لن تهجره عاطفياً او تتركه للأبد، لإنها لن تجد من يتقبلها ويحترمها بعد ما دمر ثقتها بنفسها.. فتزود الرصيد
وهو يفلسها ...

👈داخلياً »»» اللى بيدفعه لتدميرها شعور الضغينة والحقد لأنها الوحيدة اللى عارفة حقيقته البشعة، وتضخمه المزيف، وضعفه، وإعتماديته، ومخاوفه، وسلوكياته المنحرفة، وافعاله المُشينة
وكل النواقص اللى بداخله ..
يعنى الوحيدة اللى "شاهدة على العصر " عارفة تاريخه وبدايته
وأصله كمان، شافت بيته، وعاشرت اهله اللى صنعوا هذا المريض
المضطرب ... الوحيدة اللى عارفة الهَلهلة اللى جواه ..
تسامحها، وتعاطفها كافيين يشعروه بالعار و الخذيى من نفسه،
وحقيقته البشعة ..

لو انتِ #زوجةـنرجسى إحذرى تحوشى رصيد فى بنك مفلس..





#عالمـالعلاقات



#الشخصيةـالنرجسبة #النرجسى #الامـالنرجسبة
#الامـالنرجسبة

29/05/2026

فى #عالمـالعلاقان أصعب العلاقات هى العلاقة مع الشخصيات النرجسية وخاصة شخصية #الامـالنرجسية
فى الحلقة هنعرف 👌
⬇️⬇️⬇️⬇️⬇️⬇️
صفات الام النرجسية ..
طريقة تقديمها للحب ..
وطريقتها فى المعاملة ..
ازاى بتقوم بدورها الإنسانى والإجتماعى كأم لأبناء ...
يالاااااا ندخل الحلقة، ونفهم يعنى إيه نرجسبة أم مع أبنائها
نعرف شكلها واساليبها
Noha samy relationship coach

👇👇👇👇👇👇👇👇👇

فى #عالمـالعلاقات للاسف وبكل وجع #النرجسى ينجذب للشخص المتعاطف، والمتعاطف ينجذب للنرجسى …لأن النرجسى أو المؤدى ب يلاقى...
28/05/2026

فى #عالمـالعلاقات للاسف وبكل وجع #النرجسى ينجذب للشخص المتعاطف، والمتعاطف ينجذب للنرجسى …
لأن النرجسى أو المؤدى ب يلاقى أمامه شخصًا مدربًا منذ الطفولة على: “أفهمك حتى وأنت مؤذى، مسامحك حتى وأنت تؤذينى .”

المتعاطف مجرد طفل لم يسمح له ابدا ان يكون انانياً
الجملة دى فيها وجع قديم متستخبى فى هيئة “طيبة”
لأن المتعاطف بيكون فعلًا طفل اتعلم بدري جدًا إن احتياجاته عبء…
وإن “الطفل الكويس” اللى يتحب هو اللى:
يرضي الكل ..
يفهم الكل ..
يسامح بسرعة ..
يستحمل الأذى ..
ما يغضبش أبداً ..
ما يطلبش حاجة ..
وما يقولش “لا”
فكبر المتعاطف وهو فاكر إن الأنانية جريمة »» تستحق الهجر والعقاب بالرفض ...
مع إن جزء من الأنانية الصحية هو اللى بيحمى الروح من التحول لمحطة إسعاف مفتوحة طول الوقت.
لكن للاسف هو متعلمش ده ...

الشخص المتعاطف رَبّى نفسه على إن نفسه آخر الأولويات،
دَرب داخله إنه يكون رادار خارق يُلقط مشاعر الناس
عشان يحتويهم وطبطب عليهم»»» فيحصل على القبول والحب.
لكن فى نفس الوقت مايعرفش يسمع نفسه أصلًا، ولا يطبطب
عليها.

وكل ده مستخبى وراه خوف خفي من “استحقاقه” أكتر من خوفه من الناس نفسها.

لأن الطفل ده اتربّى على معادلة مؤلمة 🥹:
الحب مقابل التنازل عن الذات.

فلو احتاج… يبقى عبء.
لو غضب… يبقى جاحد.
لو رفض… يبقى أناني.
لو اختار نفسه… يبقى مهدد بالهجر أو العقاب أو البرود العاطفي.
فيتعلم حاجة خطيرة جدًا: إن الأمان لا يأتى من كونه حقيقيًا
بل من كونه “مريحًا” للآخرين.

وعشان كده كتير من المتعاطفين عندهم مشكلة مع:
الحدود
طلب الاحتياج
استقبال الحب
الإحساس بالذنب بعد كلمة “لا”
وحتى الراحة نفسها
كأن جهازهم العصبي متعود إن الحب لازم يُدفع ثمنه تعبًا💔

فيتحول التعاطف من نعمة إلى:
استنزاف
جلد ذات
تعلق بالمؤذي
ومحاولات إنقاذ لا تنتهي
ولذلك #النرجسى غالبًا ينجذب للشخص المتعاطف…
لأنه يلاقى أمامه شخصًا مدربًا منذ الطفولة على: “أفهمك حتى وأنت تؤذينى.”

الشفاء هنا مش إن المتعاطف يبقى قاسي…
لكن إنه يتعلم لأول مرة: أن حماية نفسه ليست خيانة لأحد.
وأن قول “لا” لا يحوله لوحش.
وأن الطفل الذى مُنع من الأنانية… يستحق أخيرًا أن يكون مهمًا فى حياته هو أيضًا. ✨





#عالمـالعلاقات



#الشخصيةـالنرجسبة #النرجسى #الامـالنرجسبة
#الامـالنرجسبة

الدعاء حيلة الضعفاء.. وعملة الفقراء ...فى #عالمـالعلاقات النرجسية هو ده وجهة نظر #النرجسى لما ضحاياه يلجؤا للدعاء علي...
27/05/2026

الدعاء حيلة الضعفاء.. وعملة الفقراء ...
فى #عالمـالعلاقات النرجسية هو ده وجهة نظر #النرجسى لما ضحاياه يلجؤا للدعاء عليه من ظلمه وبطشه خاصةً فى الأعياد
والمناسبات، او فى الحياة عامةً ..

تفتكر ليه‼️

لإن النرجسى غالبًا بيقيس القوة بمقياس واحد بس:
مين يملك السيطرة… التحكم ... المال… النفوذ… الصوت الأعلى… أو القدرة على إخضاع الآخر.
فلما يشوف ضحيته مظلوم واقف يرفع إيده بالدعاء بدل ما يدخل حرب قذرة زيه… كلها إشتباك يقدر يشعر فيها بقوته بشوية إهانات قذرة زيه »»» النرجسى يعتبر ده “عجز”.
كأن الدعاء فى نظره ورقة أخيرة بيلجأ لها اللى معندوش سلاح أرضى، وده بيأكد له ان ضحيته ضعيفة امام قوته
ف يبدال الدعاء بالسخرية والإستهانة ...

لكن المفارقة 😉
إن النرجسى نفسه بيخاف جدًاااااا من الدعاء… حتى لو سخر منه.
بيترعب بمعنى الرعب .

ليه ‼️
لأنه فى أعماقه عارف إنه تجاوز حدودًا كثيرة، وعارف إن فيه
أذى حقيقى خرج منه، عارف إنه مؤذى، وبيبطش بكل غرور وتكبر
وكإنه شايف نفسه رَب ضحيته »» زى فرعون كده

"فرعون كان عارف إنه ضعيف، لكنه كان بيستقوى بضعف رَعيته"

نرجع #للنرجسى اللى جواه بذرة فرعون

يعمل إيه بقى »»» يستهزئ بالدعاء بنفس الطريقة اللى طفل
يسخر بها من فكرة إنه مش شايف ربنا امامه، فميش حاجة هتحصله ...

👌متنساش إن #النرجسى طفل مجروح لم ينضج ...

النرجسى لا يفهم فكرة: إن الإنسان أحيانًا يدعو… ليس لأنه ضعيف،
بل لأنه وصل لمرحلة استنزاف لم يعد يريد فيها أن يتحول لوحش يشبه من ظلمه.
أو إن الضحية نلجأ للسماء بعد إنتهاء حلول الأرض

الدعاء عند المقهور أحيانًا ليس “حيلة فقير”…
بل آخر ما تبقى له من عدالة فى عالم مختل.

والنرجسى العالم الخاص به مختل .. مخيف ...

اما النقطة النفسية العميقة جدًا بداخله :
الشخص #النرجسى يحتقر أى شىء لا يستطيع التحكم فيه.
والدعاء بالنسبة له مساحة لا يملك السيطرة عليها.
لا يقدر يمنعها…
ولا يتنبأ بها…
ولا يشوهها…
ولا يفرض روايته داخلها.
عشان كده يسخر منها.
بعض الناس تهاجم ما تخشاه… لا ما تحتقره فعلًا. ✨

إن إنتهت حلول الارض تذكر ان الدعاء على النرجسى حَل من
حلول السماء "





#عالمـالعلاقات



#الشخصيةـالنرجسبة #النرجسى #الامـالنرجسبة
#الغيرة

كل عام وأنتم بخير بمناسبة عيد الأضحى المبارك. أعاده الله علينا بالخير واليمن والبركات، وأحل علينا بركاته وطمأنينته اللهم...
27/05/2026

كل عام وأنتم بخير بمناسبة عيد الأضحى المبارك. أعاده الله علينا بالخير واليمن والبركات، وأحل علينا بركاته وطمأنينته
اللهم اامين🙏🏻♥️.
Noha samy relationship coach

#النرجسى يتلاعب بالأخرين ليضخم نفسه على حسابهم ..ويستمتع بإيذاء الأخرين ليستمد شعور القوة الفارغ بداخله ..ويتلذذ بوجع ...
25/05/2026

#النرجسى يتلاعب بالأخرين ليضخم نفسه على حسابهم ..
ويستمتع بإيذاء الأخرين ليستمد شعور القوة الفارغ بداخله ..
ويتلذذ بوجع الأخرين ليخرس جروحه الداخلية من إهماله
ونبذه أثناء طفولته ...

#النرجسى مازال بداخله طفل لم ينضج، يبحث عن الإعتراف
به، يلهث عن شوفان لم يحدث فى طفولته ..

#النرجسى ينتقم من أم لم تكن ام محتوية له فى صورة زوجة مثالية، وضحية مُغيبة يقتص منها بذنب والدة انانية متسلطة مهملة
كانت تحافظ على صورتها على حساب ضعفه واحتياجه ..

#النرجسى ينتقم من أب لم يكن أب يَهب الأمان له فى صورة
إبن منبوذ، اخ منبوذ، يقتص منه بذنب والد انانى متسلط قاسى
مُسيئ، كان يفرغ فيه كل اضطراباته النفسية ...

#النرجسى مجموعة امراض تمشى على وجه الأرض تصيب
الاخرين، وتزرع بداخلهم المرض النفسى والجسدى والشعورى
ليبحثون عن من ينقذهم، او مساعدات لعلاجهم،
اما هو يسير فى الأرض مختالاً فرحا فخوراً ....





#عالمـالعلاقات



#الشخصيةـالنرجسبة #النرجسى #الامـالنرجسبة
#الغيرة

فى #عالمـالعلاقات ليس كل من بكى أمامك ضحية…ولا كل من تألم صار إنسانًا رحيمًا.بعض الجروح تجعل أصحابها أكثر قسوة، لا أكثر...
24/05/2026

فى #عالمـالعلاقات ليس كل من بكى أمامك ضحية…
ولا كل من تألم صار إنسانًا رحيمًا.
بعض الجروح تجعل أصحابها أكثر قسوة، لا أكثر إنسانية.
لا تُهلك روحك وأنت تحاول تعليم شخص كيف يرحمك…
فالرحمة لا تُدرّس لمن يستمتع بالقسوة.

حقيقى أصعب الناس وجعًا…
ليسوا دائمًا الأعداء،
بل أولئك الذين نحاول فهمهم بينما هم منشغلون فقط
بإيذائنا… 💔

كثير بنقابل شخص متناقض بشكل مُربك…
يقترب ثم يؤذيك،
يحتويك لحظة ثم يجرحك ببرود كل لحظة،
يبتسم لك بينما يطفئ روحك ببطء.

نقف إحنا حائرين: "ليه بيعمل كده؟"
"أكيد جواه خير!"
"يمكن لو فهمته أكتر يتغير…"
"يمكن لو حبّيته أكتر يهدأ…"

لكن الحقيقة الموجعة…

أن بعض الناس لا يؤذونك لأنك سيئ،
بل لأنهم ممتلئون من الداخل بأشياء مظلمة لم يعالجوها👌
لأنهم عاجزون عن الشعور بالقيمة إلا عندما يسيطرون،
عاجزون عن الحب الأمن لأنهم لم يعرفوه يومًا.
هناك من تربّى على القسوة حتى ظنّ أن الحب ضعف.
ومن تعلّم أن السيطرة أهم من الطمأنينة.
ومن يشعر بالنقص فيحاول كسر غيره ليشعر بالقوة.
ومن لا يحتمل رؤية روح مستقرة لأنه فقد سلامه منذ زمن.
يؤلمك لأنه يغار من نورك الداخلى.
ومن يطفئ فرحتك لأنه لا يحتمل شعورك بالأمان.
ومن يهدمك نفسيًا لأنه يشعر بالعجز أمام قدرتك على العطاء.

والمؤلم أكثر…

أن الشخص المتصالح مع نفسه غالبًا لا يصدق الشر بسهولة،
فتظل تبرر، وتحتمل، وتحاول الإنقاذ…
بينما الطرف الآخر مستمر فى هدمك بلا رحمة.
والأخطر…أنك كلما حاولت إنقاذ بعض الشخصيات المؤذية،
اعتبرت محاولاتك ضعفًا يمكن استغلاله أكثر.

الحقيقة والواقع ليست كل الجروح مهمتك أن تشفيها…
ولا كل شخص مكسور يصلح للحب.
بعض الناس يحتاجون علاجًا…
لا تضحية جديدة من ضحية جديدة.

أحيانًا النجاة ليست فى أن تغيّرهم…
بل فى أن تتوقف عن النزيف وأنت تحاول فهمهم.

لكن توقعاتك تحارب الحقيقة وترفض الواقع ..

أكبر وعى تصل إليه،هو أن تتوقف عن سؤال:"ليه بيعملوا كده؟"

وتبدأ تسأل نفسك:" ليه بسمح ليهم بإيذائى مُجدداً ؟!!!!!!!"





#عالمـالعلاقات



#الشخصيةـالنرجسبة #النرجسى #الامـالنرجسبة
#الامـالنرجسبة

لا للعنف ضد المراة أصبح شعار للعنف ضد المرأة♀️ #الكومنتات اللى تحت البوست ارجوا قرأتها قبل البوست نفسهوإجابة الأسئلة الأ...
20/05/2026

لا للعنف ضد المراة أصبح شعار للعنف ضد المرأة♀️
#الكومنتات اللى تحت البوست ارجوا قرأتها قبل البوست نفسه
وإجابة الأسئلة الأتية ‼️

الاسئلة موجهة لأفراد المجتمع، والجماعات الذكورية، عالم الرجال
رجال القضاء ورجال الشرطة، و رجال القانون

👈مطلوب كام ضحية عشان #القضاء و #الشرطة و #رجالـالقانون يدركوا، ويفهموا أن فى كارثة
بقى إسمها الق*تل المُباح المتاح المُبرر !!!

👈 متى #رجالـالدين اللى بيتكلموا باسم الّله والسلطة الالهية
نسمع أصواتهم على المنابر وفتواهم فى عقاب جريمة زهق الروح
او قصف مُحصنات، اللى بيحصل عشان امرأة قررت تستخدم حقها الشرعى فى الانفصال سواء بالطلاق او الخلع
من ذكر لا تطيق معاشرته بسبب العنف الجسدي والمعنوى والاساءات بانواعها، لانه لا يرضى ان يُسرح بإحسان،
او لانها طلبت نفقة أبنائها من أبيهم !!!

👈مطلوب كام #ضحية يومية، سنوية، والذكور تستكفى وترتاح وتطمن على مكانتهم و وجودهم وحياازتهم لملكياتهم !!!

👈 مطلوب كام #ضحية و يتعِرف ان العُنف اللى بيحصل ضد المرأة أكثر بكثير من الحقوق اللى المجتمع بدأ يعطيها للمراة
فى العصر الحالى !!!

👈 مطلوب كام ضحية و #المجتمع الذكورى يشفى غليله ويشعر بالطمانينة، ويطمئن أنها لا تَطمع فى السلطة والحُكم الذكورى المتوارث له مجتمعيا وثقافيا وعرفياً !!

👈 اللى إنت*حروا، و اللى ماتوا من الهم والحزن والعنف ، واللى إتقتلوا بسبب العنف، واللى اتنازلوا عن حقوقهم المادية والنفسية عشان يعيشوا،
واللى أخَرسوا أنفسهم عشان خايفين مرعوبين، واللى ساكتين وراضين بالاهانة والذل والاساءة والعنف، واللى إتشوهوا جسمانياً ونفسيا عشان رفعوا صوتهم ..

إزاى ه‍ ترجعوهم للحياة ثانى الحَى منهم والميت !!!!

👈 اللى جرأوا واخذوا حقوقهم، ف تم تشويهم معنوياً، هيفضلوا سيئين السمعة على ألسنة الذكور لحد إمتى يلاحقوا
" ب طالق، ناشز، عاهرة، خرابة بيوت، مَرة لامؤاخذة" !!!!....

👈 طيب ليه الذكور مبتتدكرش، تتعَرض او تعترض او تشوه
رجال السلطة التشريعية اللى بتِصدر القوانين،
رجال القضاء اللى تُصدر حكم القضاء،
رجال الشرطة اللى بتنفذ الاحكام القضائية،
تشوهم جسدياً مثلاً، او يتعرضولهم ، او يشوهوا سمعتهم
ليه الست اللى بيتعمل معها كده بس !!!

ليه بنسمع دايما على لسان الذكور المذ*بوحة وموجوعة زى
ما معظهم شايف، بسبب صوت المرأة الى بتحاول تاخذ حقوقها، نحن لا نعقب على احكام القضاء .. يا ريس
رجال الشرطة فوق دماغنا .. يا فندم
ه‍ قت*ل الناشز العاهرة، وأاتى لحضراتكم أسلم نفسى
وتمام انا عارف وفاهم إن أنتم اللى
سَنيتم وشَرعتم، ونفذتم عليا، وحَلبتونى لحسابها، وحبستونى
عشان نفقتها ، وطلقتوها منى،، وخلعتوها منى، بس عادى على قلبى تمام وكلى طاعة لأولىِ الأمر 🫡 ..

لكن هُن "لاء" ناشزات، عاهرات، تستحقن الق..... "" .
؟!!!!

⁉️ فى شخص قادر يجاوبنى على الأسئلة دى، او حتى سؤال واحد ؟!!!!

Noha samy relationship coach
، #المراة #علاقات #حقوقـالمرأة #مجتمعـنرجسى #النرجسية

Address

Cairo

Telephone

+201003329487

Website

Alerts

Be the first to know and let us send you an email when Noha samy relationship coach posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Noha samy relationship coach:

Shortcuts

Share

Category