24/06/2026
امبارح اتنفذ حكم الإعدام في نورهان اللي قتلت أمها في بورسعيد.. والحقيقة القضية دي من ساعة ما قريت عنها من 3 سنين.. وهي شغلاني...
انا بحكم شغلي كسيناريت بحب اقرا اخبار الحوادث .. بحب اشوف نفوس الناس وصلت فين .. دا مهم علشان يساعدني في تخيل دوافع الشخصيات وظرفها وافعالها ..
القصة دي بالذات اثرت فيا جدا .. قصة محزنة من هنا لحد ما تتعب من الحزن .. فالقصة محزنة وتغم .. كتحذير يعني لو هتكمل قراية..
بنت في حي الفيروز في مدينة بورفؤاد بورسعيد اتصلت بالشرطة .. الحقوني لقيت امي مقت***ولة .. امها اسمها داليا شغالة مشرفة عمال في مستشفى بورفؤاد العام، جات الشرطة .. ها يا بنتي .. قالت والله معرفش .. انا رجعت من برة البيت لقيتها مقتولة.. دور فتش .. لقوا تيشرت رجالي .. مين دا يا بنتي معرفش .. في النهاية البنت اعترفت ان هي اللي قت** لت امها .. ايوة .. ليه يعني؟
البنت اللي كانت مخطوبة... على علاقة بجارهم .. عيل صغير 15 سنة .. وبيمارسوا علاقة سوا بقالهم 3 شهور .. عيل صغير .. سهل يتجر .. مفيش مرجع يرجعله ومفيش وازع ديني ولا كود اخلاقي عند الطرفين .. الام عرفت نعمل ايه ..
نخل** ص عليها .. خلى بالك ان اللي بيخطط البنت .. ايوة بنتها اللي ربتها وكبرتها وطعمتها وودتها مدرسة .. وكانت ممكن متنامش لو هي تعبانة..
طيب هنعمل ايه ..
اولا.. هنط** عنها بالس ... كين كام طعنة.. وبعدين هنجيب شاكوش نضربها على راسها .. وبعدين هن** غلي مية .. نرشها عليها علشان نتاكد انها ماتت مش في غيبوبة.. فكر كدا في البنت كانت بتفكر في ايه وهي بتغلي مية علشان تخ ** لص على امها .. يلا يا مية اغلى علشان عايزة الحق اهر** ي ماما..
وقرروا يتخلصوا من الج** ثة .. بس البنت اختها الصغيرة جات من برا .. فهربت الولد .. ومثلت انها لسة داخلة ولقت امها مق** تولة .. اعترافات الولد في المحكمة بقى.. اتفرج:
- مارست الرذ**يلة مع بنت القت** يلة لمدة 3 أشهر في أيام متفرقة جوه بيتهم وكانت خايفة من الفضيحة بعد امها ما عرفت الموضوع وشافتنا".
- بنتها جهزت سكينة للتخلص من امها ولما فشلت في ذب** حها بالسكين جابتلي كأ* س زجاج كسرته ونفذت به الجريمة بناءً على طلب بنت القتيلة ..
متخيل العقلية دي .. عقلية اطفال اصلا .. دول لسه 16 و 15 سنة .. يعني مش ناس قت** الة قت** لة..
- ابنة المجني عليها اتفقت معايا على ق** تل أمها علشان كانت خايفة من الفضيحة وجهزت مية مغ** لية علشان أدلق** ها على أمها وسكينة علشان ند** بحها".
- موضوع القتل استمر 3 دقايق ... والست نطقت الشهادة 3 مرات..
انا كل اللي شاغل بالي الام اللي شايفة بنتها بتكتف لعش** يقها يقت** لها .. والبنت الصغيرة اللي رجعت من برا بتمنى النفس بغدوة حلوة .. لقيت امها مق,,, تولة واختها اللي قت*** لاها..
قبل الحادثة بايام .. كانت القت** يلة منزلة بوست بصورة ليها مع بنتها اللي قت** لتها بتقول فيها: "حبيبتي وصاحبتي وبنتي ونور عيني أنا مهما أنا قلت عنك مش هكفي كلام يا أغلى عليا من نفسي يا أجمل نور كل سنة وأنتِ طيبة يا أول نور لعيني ربنا يسعدك يا رب ويهنيكي ويحفظك يارب".
الاب هيتجنن وقاعد قدام القسم يقول لا بنتي متعملش كدا .. متعملش كدا.. ربنا يلطف بينا وبيه..
وفقا لاية الفضالي محامية نورهان، ان حكم تنفيذ الإعدام اتنفذ فيها والجثة اتسلمت للأب اللي كان دائم الزيارة لبنته.. واللي كان عنده امل ان الحكم يتخفف... وان نورهان قالتله اكيد ماما هتسامحني.... وانها قضت ايامها الأخيرة في الصلاة والاستغفار..
وقضت محكمة الأحداث بإيداع المتهم القاصر إحدى مؤسسات الرعاية العقابية للأحداث.
منقول
