عيادة طب الاطفال ا. د. هشام احمد علي Hisham Clinic

13/09/2026

13/09/2026

مش كل وجع عند الطفل بيكون في جسمه… أحيانًا بيكون الوجع جوا نفسه. ❤️

للأسف، أطفالنا اليوم بيواجهوا ضغوط ومشكلات نفسية وسلوكية أكتر من أي وقت مضى…
من التنمر، والقلق، واضطرابات السلوك، والمشكلات الأسرية والاجتماعية، إلى الاكتئاب وبعض المشكلات الحساسة المرتبطة بالنمو والمراهقة.

ومهم جدًا إننا ما نستناش المشكلة تكبر، ولا نفسر كل تغيير في سلوك الطفل على إنه "دلع" أو "قلة أدب".

علشان كده حرصنا في مركزنا الطبي إن منظومة رعاية الطفل ما تقتصرش على علاج الأمراض الجسدية فقط، لكن تشمل كمان الصحة النفسية والسلوكية، بالتعاون بين طبيب الأطفال والأخصائي النفسي عند الحاجة.

يسعدنا انضمام
أ. عبد الرحمن علي
أخصائي نفسي إكلينيكي
إلى فريق المركز، بخبرة متميزة في مجال الصحة النفسية للأطفال والمراهقين، بالإضافة إلى مشاركاته في العديد من المحاضرات والكورسات المتخصصة.

هدفنا ببساطة:
طفل سليم في جسمه… مطمئن في نفسه… ومتوازن في سلوكه. 🌿

لأن رعاية الطفل الحقيقية مش بس إننا نعالج المرض…
لكن إننا نساعده يكبر بشكل صحي وآمن نفسيًا واجتماعيًا. ❤️

للحجز المسبق عياده المعادي ، شارع 7 بجوار محطه المعادي و السوق القديم .
ت 01146008986
01066116100

13/09/2026

نسعد بوجود ا. احمد عيسى اخصائي التخاطب صاحب خبره كبيره في علاج تاخر الكلام عند الأطفال.
للحجز المسبق عياده المعادي ، شارع 7 بجوار محطه المعادي و السوق القديم .
ت 01146008986
01066116100

11/09/2026

من 27 سنة، بعد ما خلصت الماجستير في طب الأطفال وحديثي الولادة، فكرت أفتح عيادة… واخترت دار السلام، مش لأنها الأقرب، لكن لأنها كانت قريبة من قلبي.

ربع قرن عدّوا كأنهم كام يوم… شُفت فيهم أولاد كتير كبروا قدام عيني، وأسر ائتمنتني على أغلى ما عندها، وأيام فرح، وأيام خوف، ولحظات كان فيها ربنا سبب إني أخفف عن أب أو أم، أو أساعد في إنقاذ طفل.

أكيد أصبت أحيانًا، وأخطأت أحيانًا… نجحت في علاج ناس، وممكن ما كنتش موفق مع آخرين. ودي طبيعة الحياة؛ فيه اللي يحبك ويفتكر لك الخير، وفيه اللي ينتقدك أو ما يعجبوش شغلك.

لكن النهارده، وأنا بقفل عيادة دار السلام، أحب أقول شكرًا من القلب لكل أب وأم وكل أسرة وثقت فيّ طوال أكتر من ربع قرن.

وشكرًا لكل طفل كان جزءًا من حكايتي… ولكل دعوة حلوة سمعتها من أم أو أب وكانت أغلى عندي من أي مقابل.

وأعتذر بكل صدق لأي أب أو أم قصّرت في حقهم، أو ما كنتش موفق في علاج طفلهم.

الصحة والعمر ليهم أحكامهم، والسهر لحد بعد الفجر بقى حمل مش سهل… ولذلك قررت أكتفي بعيادتي في المعادي.

مش وداع لدار السلام… فأنا مش بعيد، والمعادي مش آخر الدنيا، والأهم إن دار السلام فيها دلوقتي أساتذة وأطباء كتير، يمكن أفضل مني وأشطر.

هسيب المكان، لكن مش هسيب الذكريات…
ربع قرن من العمر لا يُغلق بابه بمفتاح، لأنه يفضل مفتوحًا في القلب.

أسأل الله أن يبارك فيما مضى، ويعينني على ما تبقى من العمر، ويجعلني دائمًا سببًا في خدمة أطفال مصر وأهلها.

شكرًا دار السلام… كنتِ جزءًا جميلًا من عمري. ❤️

11/09/2026

اتمني التوفيق للزملاء الاعزاء في خدمه اطفال المعادي و اطفال مصر جميعا.
اسعد أن أكون معكم في هذا المركز المميز مع هذه النخبه الرائعة من اساتذه طب الأطفال من افضل جامعات مصر.

يسعدنا انضمام نخبة من كبار أساتذة واستشارين طب الأطفال إلى فريق العمل بالمركز، لتقديم رعاية طبية متكاملة ومتخصصة للأطفال.

أ. دكتور هشام احمد علي
استاذ طب الأطفال و حديثي الولاده
رئيس وحده امراض صدر الأطفال ومناظير الشعب الهوائية
مستشفيات جامعه الازهر

📍 العنوان: زهراء المعادي – شارع الخمسين – أمام Strip One Mall – أعلى صيدلية الفايز
📞 للحجز والاستفسار:
01110004554
01011640503
كل تخصصات الأطفال… في مكان واحد»

16/12/2025