23/06/2026
صباح الخير
في بدايات علم النفس المعرفي كان بيعتمد عالفلسفة والبيولوجي..
ف بعض الفلاسفة كانو بيناقشو فكرة الانسان بيتولد صفحة بيضا والبيئة بتشكله؟ ولا بيتولد معاه already معلومات وقناعات ودماغه شايله معارف والبيئة ملهاش دور أو تأثيرها وقتي...
ومع بدايات علم النفس التجريبي تم اختبار الفرضيات الفلسفية دي وكانت اول اشارة لأهمية المدخلات 💙
المدخلات هي الحاجات اللي بيتعرض ليها الشخص طول الوقت وبتمر على دماغه وبتأسس الطريقة اللي بيشوف بيها العالم...
قعدت افكر في حديث النبي صلى اللَّه عَلَيْهِ وسلم " المرء على دين خليله " من الزاوية دي..لو الانسان طول الوقت بيقعد مع ناس بتنطق بكلام مؤذي...بتنتقد طول الوقت...تفكيرها مليان أخطاء تفكير
بيفتح الفيسبوك يلاقي food bloggers بياكلو أكل مش صحي طول الوقت
طول الوقت الناس بتشتري وبتعمل reviews
دايما في حرب بين الرجالة والستات
دايما في معلومات كتير ان العقل يستوعبها ومشاكل وحروب وكوميكس واخبار وحوادث
ويجي الشخص فجأة يتساءل؟
ليه بقيت مهمل الgymوالرياضة فجأة
ليه بقيت سلبي ومتوتر
ليه بقيت بشتري دايما وسلوكي استهلاكي
ليه بقيت بكره الجنس الآخر مع اني مامرتش بخبرة سلبية معاهم
ليه دايما شايل الهم وقلقان
كل دي اسئلة اجابتها واحدة...المدخلات
انا بتعرض وبغذي مخي بايه...
كنت لسه بتناقش الاسبوع اللي فات في حرمانية الاغاني مش من وجهة نظر شرعية على اد ما وجهة نظر معرفية
وكانت بتقول: انها بتغذي مدخلات الفرد وبتملا عقله ووجدانه فبالتالي لما يمر بموقف صعب وبلاء
هنلاقيه بيقول : عودتني الدنيا أخسر واني لما احب حاجة اوام تسيبني
في حين ان شخص بيسمع قران هتلاقيه في نفس الموقف بيقول: ام حسبتهم أن تدخلوا الجنه ولما ياتكم مثل الذين خلوا من قبلكم مستهم الباساء والضراء وازلزلوا حتى يقول الرسول والذين امنوا معه متى نصر الله الا ان نصر الله قريب
عشان المدخلات اللي بيتعرض لها الشخص طول الوقت هي اول حاجه بتيجي في دماغه لما بيقابل مواقف ومن هنا نقدر نعمل تطبيقات عملية:
1.ان احنا نخلي قدامنا دايما جداول او صور تفكرنا بهدفنا ونخلي قدام الطفل صور للروتين اليومي بتاعه وكمان صور تفكروا قد ايه هو مقبول ومحبوب يبص لها عشان لو زحمه الحياه خدتنا يفتكرها
انا كتقوى عامله في اوضتي ركن لكل كلنت وخصوصا لو طفل رسم لي رسمه يعبرلي بيها عن مشاعره
2.نعمل تجربة على نفسنا نطبل نتابع فود بلوجر اسبوع ونتابع اخصائين تغذية ووصفات صحية ونراقب هل مشاعرنا هتتحرك تجاه نمط الحياة الصحي وهنحب نجربه؟
3.هنقطع أي كلام سلبي عن الاقتصاد والدهب والفلوس ونراقب هل شعورنا بالقلق هيخف شوية؟
4.هنبعد عن الناس االي بتكسر فينا ونسمع كلام عن تكريم الله عز وجل لكل انسان مهما اخطأ
هل هتفرق في مشاعرنا تجاه نفسنا ورضانا عنها؟
وهكذا
المدخلات مهمة جدا جدًا لينا ولأطفالنا وتستحق نخوض التجربة
ونقرر بعدها 💙
ما تكرر تقرر 💙👌
