محمد تركي -أخصائي نفسي أكلينيكي

13/09/2026

مش كل شعور بالذنب معناه إنك فعلًا عملت حاجة غلط.

02/06/2026

في العلاج بالمخططات… الغضب مش إحساس واحد، ده كذا صوت جواك

وعلشان كده فهمه مش بسيط، لأنه بيطلع من كذا طبقة مختلفة

غالبًا أول صوت بيظهر فينا هو الطفل الغاضب
الطفل الغاضب (Angry Child / Impulsive Child): الغضب هنا بيكون خام وسريع وبيطلع فورًا، وغالبًا ده تعبير مباشر عن احتياج مش متلبي، زي إن الشخص عايز يتشاف ويتفهم ويتقدّر، والجزء ده بيكون حاسس بألم أو إهمال أو ظلم بس مش عارف يعبّر بهدوء

بعده ممكن يظهر الغضب كطريقة حماية
الغضب كآلية تكيّف (Angry Protector / Bully Attack / Self-Aggrandizer): هنا الغضب بيبقى واخد شكل دفاعي أكتر، ممكن يبان في صورة سيطرة أو نقد أو انسحاب أو حتى هجوم، بس في الحقيقة هو بيحاول يحمي الشخص من مشاعر أعمق زي الرفض أو الوجع، وهدفه يحسس الشخص بالأمان أو إنه يتسمع

وفي ناس بتتعامل بشكل مختلف
المستسلم المتوافق (Compliant Surrenderer): يبان هادي من برّه، لكن جواه غضب متخزن، ومع الوقت بيتراكم لحد ما يطلع مرة واحدة وبشكل قوي، وساعتها بيكون الجزء الغاضب الطفولي هو اللي ظاهر

وفي صوت داخلي ممكن يكون أقسى من أي حد برّه
الناقد المعاقب أو المتطلب (Punitive / Demanding Critic): هنا الغضب بيبقى متوجه للذات، في شكل جلد ذات أو قسوة داخلية، وغالبًا بيكون وراه إحساس بالذنب أو العار أو حتى اكتئاب

وفي المقابل، في شكل تاني صحي من الغضب
غضب البالغ الصحي (Healthy Adult Anger): ده الشكل المتوازن من الغضب، واضح وهادي وفيه حزم، زي لما تقول “ده مش مناسب ليا” من غير ما تأذي نفسك أو غيرك، وهنا الغضب بيكون عاطفة مفيدة بتساعدك تحط حدود

في الآخر نفس الإحساس، بس بيطلع بطرق مختلفة وبيخدم أغراض مختلفة، المهم إنك تفهم هو جاي منين جواك لأن ده اللي بيفرق في طريقة التعامل معاه

الغضب ساعات بيكون تعبير مباشر عن احتياج، وساعات بيكون مجرد غطا على إحساس أعمق لسه ماخدش حقه .

04/01/2026

الذنب بعد الصدمه .

24/12/2025

بعد الصدمه اللي بيداوي مش النصايح..

20/12/2025

دوامه ماذا لو ؟.

18/10/2025

في اليوم العالمي للصحة النفسية…
مهم نفتكر إن الاهتمام بصحتنا النفسية مش رفاهية.
ده احتياج أساسي زي الأكل والشرب والنوم.
من حقك تاخد وقت ترتاح فيه من غير إحساس بالذنب.
ومن حقك تتكلم عن اللي جواك من غير ما تخاف من حكم أو وصمة.
ومن حقك تطلب مساعدة… لأن الدعم مش ضعف، الدعم قوة.
الصحة النفسية معناها حياة متوازنة، فيها راحة، أمان، وقدرة تعيش اللحظة.
وكل ما نهتم بيها… نقدر نعيش بسلام أكتر مع نفسنا ومع اللي حوالينا.

04/10/2025

متحكمش على مبارح بوعي النهارده… لو مكنش حصل اللي فات، مكنتش وصلت تبقى اللي انت عليه دلوقتي 🌿

03/10/2025

اللي بنحاول نخبّيه جوانا مش بيختفي.. بيظهر في اختياراتنا وعلاقاتنا من غير ما نحس. أول خطوة للشفا إننا نسمع ونفهم الأجزاء دي بدل ما ندفنها. 💙

22/08/2025

دي الحلقة بتاعتي في برنامج Help Your Self ✨ شوفوها وقولولي رأيكم 🙏🏻

00:00:00 - المقدمة: ليه مش بستمتع بحياتي؟02:40:00 - مشكلة عدم الاستقرار والهروب من المواجهة 05:15:00 - بداية الحوار مع الأخصائي النفسي دكتور محمد تركي06:0...

08/07/2025

الحزن مش لازم يبقى مرتب…
مش لازم تحس زي ما كنت متوقع.
ومش لازم تمشي بخطوات معينة عشان تقول “أنا بتعافى”.

كل واحد بيحزن بطريقته،
وكل ما بعدنا عن شكل الحزن المثالي،
كل ما ارتحنا شوية من العار والتشويش اللي بييجي مع الفقد.

#الفقد