Dr Esraa Seif - د. إسراء سيف

Dr Esraa Seif - د. إسراء سيف استشاري ومدرس الروماتيزم وامراض المفاصل والمناعة - كلية طب قصر العيني - جامعة القاهرة

07/08/2026

مشوار زيارة الدكتور ده بيبقى تقيل اوي ع الواحد .. قلق وتوتر وياترى عندي ايه وليه علاج ولا لأ وعلاج مستمر ولا فترة صغيرة وهاخف ولا لأ و...و ...و...
وفوق كل ده ياترى الدكتور هيعاملني ازاي ...
معرفش ليه الدكتور بيبقى ليه هيبة وبيخوف زي كأننا أطفال ....
بس لما بتلاقي دكتور بشوش بيضحك في وشك ويطمنك ويقولك كل معلومة عنده تخليك تطمن ...
ده بيفرق كتير اوي ...بيهدي من روع الزيارة ...
تخرج في جزء من التعب خف ...
بقول كده من خبرتي كمريضة مش كدكتورة 😁
لما بشوف الدكاترة دول بفرح ان فيه حد كده واقول ربنا يكثر من أمثالهم في كل مكان ....
فعلا المشوار بيبقى تقيل والمرض تقيل ومش ناقص تقل حد تاني الصراحة 🤦‍♀️🤕

مش كل التهاب مفصل حرقفي عجزي يبقى مش اول مانقرأ كلمة في التقرير نجري ونقول انت محتاج علاج #بيولوجيفيه اسباب أخرى لا...
06/08/2026

مش كل التهاب مفصل حرقفي عجزي يبقى
مش اول مانقرأ كلمة في التقرير نجري ونقول انت محتاج علاج #بيولوجي
فيه اسباب أخرى لالتهاب المفصل الحرقفي العجزي منها #الخشونة
👈التهاب المناعي ليه شكل محدد في الاشعة❗️
👈 ومش كل sacroiliitis نشخصها خشونة ونلجأ لحقن مخدر وكورتيزون موضعي مع دكاترة علاج الألم ونأخر تشخيص مرض خطير يحتاج لعلاج مناعي ❗️

بتفاجأ من مرضى كتير في اخر الكشف انه كان عنده فيروس سي على الكبد واتعالج ومجابش سيرة 🤦‍♀️ايه ده هو ليه علاقة ب #الرومات...
22/07/2026

بتفاجأ من مرضى كتير في اخر الكشف انه كان عنده فيروس سي على الكبد واتعالج ومجابش سيرة 🤦‍♀️
ايه ده هو ليه علاقة ب #الروماتيزم و #العظام و #المفاصل 🤔
اه ليه علاقة 🤕
فيروس الكبد الوبائي HCV) C virus)
ممكن يصاحبه اعراض خارج الكبد extrahepatic زي على سبيل المثال آلام مفاصل وعظام وعضلات..
واحيانا كمان يجي في صورة التهاب مفاصل زي بتاع الروماتويد بالظبط ....
كمان بيفرق معانا جدا نتطمن على الكبد هل فيه لا قدر الله احتمالية تليف قبل مانبتدي علاجات للروماتويد او المناعة مثلا زي #الميثوتريكسات

منساش مريضة اتشخصت #فايبروميالجيا مننا كلنا كدكاترة لان مكانش فيه اي سبب واضح لآلام العضلات عندها وبالصدفة عملت تحليل فيروس الكبد سي واتشخصت بيه فعلا وكانت آلام العضلات هي البداية

مننساش نسأل عليه بالتحديد .. او نطلبه أحيانا في حالات #الفايبروميالجيا او
زيادة اطمئنان مش زيادة قلق

ومتنساش تحكي كل حاجة للطبيب المعالج



د. إسراء سيف الدين
استشاري ومدرس الروماتيزم والمناعة بالقصر العيني

16/07/2026

آلام المفاصل والعظام أحيانا بتكون جرس انذار اكبر من مجرد إحساس بالألم ..
شكوى من الجسم لنفسه يمكن ياخد باله 🤕
لو استهونا بيها او كشفنا مع تخصص غلط أحيانا
بنتأخر في تشخيص أمراض كان نفسنا نلحقها بدري ..
او بنتأخر في اننا نطمن نفسنا ومناخدش علاج ملهوش لازمة 💔
اكشف

يسعدني أن أعلن انضمامي لفريق عمل عيادات هُنًّ #هن هي منصة تضم نخبة من الطبيبات للاستشارات الطبية اونلاينأشكر لهم ثقتهم ...
06/07/2026

يسعدني أن أعلن انضمامي لفريق عمل عيادات هُنًّ

#هن هي منصة تضم نخبة من الطبيبات للاستشارات الطبية اونلاين
أشكر لهم ثقتهم بي ونتمنى من الله التوفيق 🌺

للناس اللي بتسأل ع الاستشارات #اونلاين وخصوصا السيدات اللي نفسهم يكشفوا مع طبيبات
البديل احيانا كتير لتخصص جراحة العظام 😊🙏

02/07/2026

فيه امراض مناعة ذاتية علاجها مش مع تخصص المناعة الذاتية .. اللي هو احنا 😎
زي على سبيل المثال 👇
التهاب الغدة المناعي او #هاشيموتو 👈باطنة غدد
سكر النوع الاول 👈 باطنة غدد
مرض التصلب المتعدد و
ومرض الوهن العضلي 👈 دكتور باطنة اعصاب
الصدفية والبهاق 👈 الجلدية
وفيه أمراض مشتركة بين التخصصات يعني المريض بيحتاج فريق عمل من تخصصين او اكثر مع بعض لنفس المرض زي
ساركويد مع المناعة والصدرية
التهاب القزحية مع المناعة والرمد
التهاب القولون التقرحي او كرونز & مع باطنة جهاز هضمي ومناعة

👈خصوصا لو أي مريض بأي مرض مناعي اشتكى من آلام مفاصل او عظام .......................................
👇👇👇👇👇👇👇👇👇👇
ولما يجيلنا العيان متحول من التخصصات الاخرى .. يقولنا اول مرة اسمع عن التخصص ده


د. اسراء سيف الدين
استشاري ومدرس الروماتيزم والمناعة بالقصر العيني

دي ممكن تكون ايد لمريض سكر بالذات لو مش متظبط فترة طويلة ده مش #روماتويد chieroarhtropathy المريض ايده منفخة ومش بيع...
22/06/2026

دي ممكن تكون ايد لمريض سكر بالذات لو مش متظبط فترة طويلة
ده مش #روماتويد
chieroarhtropathy
المريض ايده منفخة ومش بيعرف يفرد صوابعه للآخر فمايعرفش يقفل ايده على بعضها واللي بنسميها prayer sign
📢 #مش كل آلام في المفاصل او ورم في الايد او تخشيبة 👇
نشخصها #روماتويد

بتنجان خالي من الخل والتوم ليه العلم طلع يكيل بالبتنجان ؟!يعني اللي ذاكر وجاب مجموع زي اللي فشل وقراله كلمتين وزوق نفسه ...
20/06/2026

بتنجان خالي من الخل والتوم

ليه العلم طلع يكيل بالبتنجان ؟!

يعني اللي ذاكر وجاب مجموع زي اللي فشل وقراله كلمتين وزوق نفسه وجاب كاميرا ودعايا وريفيوز متفبركة ؟!
يعني البتنجان طلع احسن من العلم اهو .....

من اول الكركمين لسم النحل ومراهم جلب الحبيب مروراً بحبة البركة السوداء والاكسجين النشط وصولا
لنظام الشريرات وكنس ومسح الامعاء 🙄

بس لان البتنجان طالع متلمع ومصروف عليه ايشي كاميرات وميكروفون ومونتاج حلو وشوية ثقة على لباقة على اكل حلاوة بالعقول 😏
الناس صدقته واقتنعت بيه ورمت العلم والمنطق في الزبالة 🤕

العلم اللي مبيأكلش عيش سواء بقى حبة كاملة ولا ناقصة !
طيب والدين اللي بيقولك "لكل داء دواء" يعني ماعممش وقال كل الامراض ليها دوا واحد ...

يعني مش الضغط والسكر والكلى والكبد والقلب والمناعة علاجهم واحد ؟!
يعني ماروحش اجيب نحل يقرصني وكده هاخف؟!

يعني مابيعش اللي حيلتي واروح اعمل جلسات اوكسجين نشط وهاخف؟!
يعني ماوقفش علاجي واتحجز بغيبوبة سكر او اغسل كلى او نزيف ع المخ.. وبعدها هاخف؟!

-طيب والحجامة ؟! وعسل النحل ؟! في الدين؟!
=اه في الدين ... يبقوا صح بس مش لكل الحالات ومش لوحدهم... لكن الاكيد انهم مش هايضروني...

-طيب يعني اكل اي حاجة والاكل ملهوش علاقة؟!
=لا .. الاكل ليه علاقة قوية.. بس مش كل الامراض نفس الاكل ! والاكل مش السبب الوحيد للمرض ولا العلاج الاوحد ❗️

-طيب انا سمعت كلام البتنجان ورميت العلم واتحسنت على فكرة وماحصليش اي مشكلة ...
=يبقى برافو عليك كمل البتنجان بكرة يكبر ويبقى مسقعة ومش عايزين نسمع منك ولا عنك حاجة تاني ...

-ليه طيب الطريقة دي ده الناس متعلقة بأمل الشفاء والناس غلبانة !
=لا ...دي ناس سمحت لغيرها انه يضحك عليها ...
ناس لغت عقلها مع سبق الاصرار والترصد ...
واللي صدقهم وبيروج ليهم فهو في ميزانهم...
_طيب مانقول الكلام ده للناس اللي بتضحك ع المرضى وبيعلقوهم بأمل مش موجود

=صح ... نفسنا نقولهم بس انتو اللي صعبانين علينا اكتر

الصورة من فيلم اللي كان بيورينا ازاي بيضحكوا علينا في الاعلانات ...
افتكرته بعد ماجالي اعلان من شركة دعايا اني اشتري منها هوا عشان اطلع اعلن عن نفسي ومقابل ده ده هاتعملي برومو للحلقة مع المذيع وبوستر وهدية ادراج اسمي في دوائر البحث على #جوجل و #يوتيوب و #فيسبوك 😅

17/06/2026

للمرة المليون وواحد تحليل معامل الروماتويد RF مع وجع في المفاصل لا يشخص روماتويد ولا يشخص نسبة روماتيزم في الدم

عم عويس ❤️جاي فرحان النهاردة وحاسس ان الوجع اقل ....وجع الضهر والمفاصل في مريض تيبس فقاري ...جاي بيحاول يفرد ضهره ويرفع ...
15/06/2026

عم عويس ❤️
جاي فرحان النهاردة وحاسس ان الوجع اقل ....

وجع الضهر والمفاصل في مريض تيبس فقاري ...
جاي بيحاول يفرد ضهره ويرفع راسه اللي اتحنت من
المرض وم الشغل 💔

عم عويس عامل نضافة ...
جاي رافع راسه وطاير م الفرحة عشان بنته الوحيدة ويتيمة الأم ...

طلعت الاولى على اعدادي ازهري ❤️👏👏

ليك حق يا عم عويس ربنا يباركلك فيها ويقر عينك بيها وترفع راسك كمان وكمان ❤️




#الرسمة لطالبة فنون جميلة ضحى مريضة تيبس فقاري من فيديو بتحكي فيه عن مرضها ❤️

Address

امتداد شارع ٩ حدائق المعادي امام كوبري المطبعة
Cairo

Opening Hours

Thursday 5pm - 7pm
Saturday 2pm - 5pm

Website

Alerts

Be the first to know and let us send you an email when Dr Esraa Seif - د. إسراء سيف posts news and promotions. Your email address will not be used for any other purpose, and you can unsubscribe at any time.

Shortcuts

Share

Category