د. سعيد خطاب - استشاري النساء والتوليد

  • Home
  • Egypt
  • Cairo
  • د. سعيد خطاب - استشاري النساء والتوليد

د. سعيد خطاب - استشاري النساء والتوليد صفحة الدكتور سعيد خطاب - استشاري النساء والتوليد.

دي صورة لطفلة مولودة بسِنّة. دي حالة نادرا ما بتحصل، حوالي مرة في الألفين ولادة.في الحالة دي أحلناها لدكتور الأطفال وأخد...
01/07/2021

دي صورة لطفلة مولودة بسِنّة. دي حالة نادرا ما بتحصل، حوالي مرة في الألفين ولادة.

في الحالة دي أحلناها لدكتور الأطفال وأخد قرار بنزعها منعا انها تبلع السِنّة لأنها مش ثابتة وعشان متأثرش على الرضاعة.

ايه هي التليّفات؟ التليفات هي نمو غير طبيعي في عضلة الرحم. ممكن تتسمّى التليفات أورام ليفية بس هي أورام حميدة وليها علاج...
06/06/2021

ايه هي التليّفات؟
التليفات هي نمو غير طبيعي في عضلة الرحم. ممكن تتسمّى التليفات أورام ليفية بس هي أورام حميدة وليها علاجات معروفة.

ايه هي أعراض التليفات؟
ممكن ميكنش فيه أعراض خالص للتليفات، ولكن في الأغلب ممكن تظهر أعراضها كالآتي:
-نزيف شديد اثناء الدورة
-ألم، أو شعور اني فيه حاجة ضاغطة من جوا أو شعور امتلاء
-دخول الحمام باستمرار
-حركة أمعاء قليلة جدا مما يؤدي للإمساك
-صعوبة الحمل

لو بتواجهي أي من الأعراض دي فالأفضل التواصل مع الطبيب عشان ممكن يكون السبب هو التليفات.

______
للحجز والاستعلام، يُرجى التواصل على الرقم التالي: 01097410338.
عيادة النزهة: السبت والاثنين والأربعاء من 5-7 مساءًا.

غثيان الحمل بييجي لأكتر من 85% من السيدات الحوامل. بيبدأ ويزداد من الأسبوع ال4 في الحمل، وبيخف عادةً عند الأسبوع ال20 ....
30/05/2021

غثيان الحمل بييجي لأكتر من 85% من السيدات الحوامل. بيبدأ ويزداد من الأسبوع ال4 في الحمل، وبيخف عادةً عند الأسبوع ال20 . لكن بعض السيدات ممكن يستمر معاهم خلال فترة الحمل كلها.

أفضل علاج هو تنظيم الوجبات: الأكل أول ما نحسّ بالجوع أو حتى قبله. من الحاجات اللي كتير من السيدات مش عارفاها هي أن المعدة الفارغة ممكن تزود شعور الغثيان، فعشان كده بنرشح ناكل وجبات صغيرة متعددة والحرص دائما على الارتواء. مهم ان الأكل يبقى خالي من التوابل، وتجنب الأكل الحار أو الدهني، أو الأكلات اللي ليها ريحة قوية.

لو لسه فيه شعور بالغثيان ممكن نحتاج العلاج الدوائي.

________

للحجز والاستعلام: يُرجى التواصل على الرقم التالي: 01097410338.
عيادة النزهة: السبت والاثنين والأربعاء من 5-7 مساءًا.

شهر مايو هو شهر التوعية بالصحة النفسية فالبوست ده مرتبط شوية بالموضوع دهسن اليأس بيرتبط عند كتير من السيدات بأعراض معروف...
26/05/2021

شهر مايو هو شهر التوعية بالصحة النفسية فالبوست ده مرتبط شوية بالموضوع ده

سن اليأس بيرتبط عند كتير من السيدات بأعراض معروفة: زي تغيرات في المزاج وهبات سخونة وعدم انتظام في الدورة، ولكن فيه عرض في الغالب مش بيربطوه بيه خالص: ضبابية التفكير.
صعوبة في التركيز.. تفتحي التلاجة وتقولي انا فتحتها ليه.. تنسي اسم حد.. دخلتي أوضة ومش فاكرة انتي دخلتيها ليه..

دراسات كتير بتأكد ارتباط العرض ده بسن اليأس.
الشيء المُطمئِن هو ان دي بتبقى حالة مؤقتة، ومش حاجة تقلق ومش بتأثر على المدى الطويل.

سببها ايه؟
مش بس التغير في الهورمونات، ولكن قد تكون مرتبطة بأعراض أخرى مرتبطة بسن اليأس زي التعرق الليلي وده بيأثر على جودة النوم، زيادة الضغوطات أثناء الفترة دي برده بيأثر.

والحل؟

- اتمرني كويس: من الحاجات اللي بنأكد عليها كتير هي التمرينات، مهمة جدا للصحة الذهنية كمان. تدريب متوسط المجهود لنص ساعة كل يوم هيفرق كتير.

-نامي كويس: خطوات صغيرة زي اننا نبعد عن الشاشات قريب من وقت النوم ومنخليش السرير للقعدة ولكن للنوم فقط

دي في أغلب الحالات بتنفع، وفيه حالات العلاج الهرموني بيساعد بس لو ليه دواعي أخرى لاستعماله، وده بيبقى مع طبيبك.
________

للحجز والاستعلام: يُرجى التواصل على الرقم التالي: 01097410338.
عيادة النزهة: السبت والاثنين والأربعاء من 5-7 مساءًا.

التعرض لصبغات الشعر أو منتجات تصفيف الشعر يؤدي لامتصاص محدود جدا، وعشان كده المواد دي مفيش منها قلق على الجنين أثناء الح...
23/05/2021

التعرض لصبغات الشعر أو منتجات تصفيف الشعر يؤدي لامتصاص محدود جدا، وعشان كده المواد دي مفيش منها قلق على الجنين أثناء الحمل.
بنقول للسيدات الحوامل ان الصبغات اللي مصدرها نباتي آمنة، ومفيش عندنا معلومات كافية من ناحية أمان المنتجات ذات الأمونيا أو اللي مفيهاش أمونيا
فالأحوط اننا نتجنب المنتجات ذات الأمونيا أو البيروكسيد، خاصة مع توفر صبغات كتيرة من غير أمونيا.
برده بنقول للسيدات يستخدموا المنتجات دي في مكان جيد التهوية عشان لو فيه ربو/حساسية بيبقى تحسسهم للروائح أكتر أثناء الحمل، وبنفضل برده تجنب التعرض لمنتجات جديدة عشان تحسس الجلد بيبقى اكتر أثناء الحمل.

عيد فطر سعيد 🥳تقبل الله منا ومنكم الصيام والقيام وصالح الأعمال
13/05/2021

عيد فطر سعيد 🥳
تقبل الله منا ومنكم الصيام والقيام وصالح الأعمال

شهر إبريل الماضي هو شهر التوعية بتغدد الرحم (adenomyosis)، فالبوست ده جاي متأخر شوية، لكن مفيش مانع من نشره للاستفادة.كت...
03/05/2021

شهر إبريل الماضي هو شهر التوعية بتغدد الرحم (adenomyosis)، فالبوست ده جاي متأخر شوية، لكن مفيش مانع من نشره للاستفادة.

كتير من الناس مسمعش بتغدد الرحم، على الرغم من انتشاره وتشابه أعراضه مع أمراض أخرى كتير. تغدد الرحم يُعتبر التوأم للبطانة المهاجرة، لأن الحالتين بييجوا كتير مع بعض.

أعراض التغدد ممكن تماثل أعراض البطانة المهاجرة زي: مغص في الرحم، ألم بيسمّع لأعلى الظهر أو الخصر، ألم عند الجماع، نزيف شديد أثناء الدورة، وغيره. التغدد ممكن يكون منتشر في الرحم عموما (زي اللي في صورة الحالة) أو بشكل عُقد في الرحم متفرقة.
______________________

للحجز والاستعلام، يُرجى التواصل على الرقم التالي: 01097410338.
عيادة النزهة: السبت والاثنين والأربعاء من 5-7 مساءًا.

لو واحدة في العادة بتدرّب، مش بننصحها أبدا تبطل رياضة أثناء الحمل إلا في حالات معينة. طبعا مش أي تدريب. اللي بنرشحه تدري...
28/04/2021

لو واحدة في العادة بتدرّب، مش بننصحها أبدا تبطل رياضة أثناء الحمل إلا في حالات معينة.

طبعا مش أي تدريب. اللي بنرشحه تدريب متوسط المجهود (يعني تقدر تتكلم عادي أثناء التدريب)، ده يشمل التمارين الهوائية أو تمارين التقوية، لمدة 30 دقيقة يوميا، خمس لسبع أيام في الأسبوع.

بننصح الأمهات المرضعة يحرصوا على زيادة 330-400 سعرة زيادة في اليوم لإنتاج اللبن بشكل كويس. ركزي على الأكل اللي فيه بروتي...
24/04/2021

بننصح الأمهات المرضعة يحرصوا على زيادة 330-400 سعرة زيادة في اليوم لإنتاج اللبن بشكل كويس. ركزي على الأكل اللي فيه بروتين، قللي من الكافيين، دايما اشربي مية. باختصار اهتمي ان أكلك يكون صحي.

Address

53 شارع النزهة، بجوار دار الدفاع الجوي
Cairo
11511

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Saturday 9am - 5pm
Sunday 9am - 5pm

Telephone

+201001638207

Website

Alerts

Be the first to know and let us send you an email when د. سعيد خطاب - استشاري النساء والتوليد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category