Family Doctor Clinic By Dr Shireen Amer

28/03/2026

تخصصي كطبيبة اسرة بيخليني اشوف حالات كتير جميع الأصناف و الأنواع و جميع الأعمار...

في يوم دخلت لي حالة وزنها ١٣٠ كجم..
ايه المشكلة؟
مش عارفة تاكل و بترجع برغم انها جعانة..
الام في كل عضلات جسمها و مفاصلها و شخصوها فابيرومايلجيا( ح نرجع لها متفرحش أوي 😒)
ارق مستمر...
شعرها بيقع جامد
بتنهج من أقل شيء
رياضتها المفضلة اصبحت غير قادرة على ممارستها..التجديف..
ما بتعرفش تمسك نفسها من الحلويات ببشاعة..
ولو كلت او شربت لازم تدخل الحمام مباشرة ..

و إيه كمان؟
عملت عمليتين في المعدة... واحدة من ٢٠٠٥ مش فاكرة تفاصيلها.... وواحدة اخيرة تغيير مسار ( 🙄 اول القصيدة !)
ليه العمليتين؟
عشان ما نجحوش 🤨
ما نجحوش ليه؟
عملت منظار معدة قبل العملية الاولى؟
الدكتور ماطلبش 👀
مشيتي على نظام تغذية بعد العملية ايه؟
مشيت اسبوع مع الجراح ..و بعد كده كملت مع نفسي...
على فكرة انا فاهمة كويس اوي في الدايت و عملت الكيتو و اشتغل كويس اوي و عملت الي بالسعرات... و جربت الصيام المتقطع و...و
(باااااس كفاية الله يكرمك🤦‍♂️)

كلمتها الشهيرة..." انا زهههههقت من الدكاترة" 😅😅😅 والله عندم حق يا بنتي احنا نخنق

البنت ٤٠ سنة ... العمليات دي اتعملت من وهي في العشرينات تقريبا لغاية قريب...
مشاكل السمنة محتاجة فريق علمي يتواصل مع بعضه مش مجرد جراحة ..
و لا حتى الجراح يعمل فريق تغذية الا الي يمسكه محترف في التخصص..

سبب السمنة لازم يتشخص الاول .. و بعدها يجي النظام المناسب للحالة
و مش كل كلمتين طلعوا على السوشيال ميديا بقى نظام غذائي و ينفع مع الكل ...
اي نظام غذائي بيتلاعب مع طريقة هضم الجسم و تفاعلاته و دي بتأثر بالتبعية على باقي وظايف الجسم ...عاجلا او آجلا...

بلاش عك و اختراعات و نرجع نقول تعبانين !!
و الي عامل عمليات جراحات السمنة لازم يعرف ان في مكونات الجسم بيحتاجها بقى لازم ياخدها في شكل مكملات..و حاجات تانية في شكل حقن..
عشان تحافظ على استقرار الجسم ..
و حيويته و نشاطه..

لما البوتاسيوم و الحديد والكالسيوم و الزنك و المغنيسيوم و معدل السوائل يبقى قليل
طبيعي ح تحس الام العضلات و المفاصل ...الخ
مش فابيرومايلجيا 🤨
قبل ما تشخص صلح النواقص في الجسم الاول و نظام التغذية...
بعدها نقول عندنا ايه ..

الحالة دي حاليا و لله الحمد
بتعرف تنام كويس..
مفيش وجع في العضلات
بدات تلعب fitness and pilates
ظبطت الاكل ..
نفسيا بقت اهدى
و بدات تخس ...كل ده في ٣ شهور شغل الحمد لله ☺️

بدأنا بفريق فيه تخصص جهاز هضمي و مناظير و تغذية علاجية و علاج طبيعي ...
اتحدد حالتها حاليا ايه ..
و اتحط خطة علاج على مراحل...

التغذية العلاجية بدات من اقدم الطرق و ابسطها عشان نرجع للجسم تفاهمه يعني ايه تغذية و هضم كما هو اساسي للجسم..
العلاج الطبيعي الي تفهم وضع الحسم ووالعضلات و البرامج المتدرجة الي الحالة محتاجاها و نبدأ أمتى...

اصعب حاجة عندي كان استجابتها للخطة الي عملناها و الي هي دايما كانت بتبقى ام العريف بدل ما تخلي الدكاترة تكمل شغلها...

الحقيقة هي كانت شجاعة و عملت مجهود رائع و التزمت برغم انها عنيدة😂

من أروع دكاترة التغذية العلاجية الي فعلا بالعلم و حسب طل حاجة و بالتفاصيل الدقيقة اد. Wafaa Mehelba و اد. Mai Nasser و اد. دعاء زكريا Doaa Zakaria
كل الشكر على الي بتعملوه مع الحالات ...♥️
مش اي حد فاهم يعني ايه Obesity Medicine

حالات عمليات السمنة الي بيحصل لها انتكاسات... مفيش حاجة صعبة انها تتعالج... بس نمشي صح ...

مفيش حاجة مستحيلة... و مفيش تخصص بيشتغل لوحده ..
جسم الإنسان منظومة متكاملة ..
يستاهل المجهود فيها ...

و البنوتة دي لو قرأت كلامي....
انت بطلة💪👏👏👏👏👏
انك التزمت .. ارادة من فولاذ....

24/09/2025

حرصا على عدم تداول اللغط بخصوص الباراسيتامول و الاسيتامينوفن للحوامل و اثره على الأطفال ...

جميع الجمعيات الطبية الدولية الأميركية و الاوروبية و منظمة الصحة العالمية اقرت انه اامن و على مدى ٢٠ عاما منذ بدء استخدامه... و بتفاصيل الحالات ...

و ذلك لمنع التوتر الذي صدر بسبب تصريحات سياسية ليس لها اساس من الصحة او ادلة من البحث العلمي

https://www.reuters.com/business/healthcare-pharmaceuticals/eu-medicines-regulator-paracetamol-safe-be-used-during-pregnancy-2025-09-23/?fbclid=IwdGRjcANAhVBjbGNrA0CE-mV4dG4DYWVtAjExAAEeBnZ280ABsgGvk92dGsxzvcHoxnT_QTEDT_DvlOqhA1EvqGB_ujxlOsjHGHg_aem_yiTNhhV-Es-_rIUgWf7-SA #:~:text=EU%20AGENCY%20SEES%20NO%20NEED%20TO%20CHANGE%20RECOMMENDATIONS&text=%22Available%20evidence%20has%20found%20no,lowest%20effective%20dose%20and%20frequency

12/03/2024

رمضان كريم ❤️
كل سنة و المصريين مسلمين و اقباط بخير و صحة و سعادة و ربنا ينصر اخواننا في غزة و يثبت أقدامهم و يحفظ مصرنا الحبيبة ..

مواعيد العيادة الأحد : ٨م الى ١١م
الأربعاء: من ٢ عصرا الى ٤.٣٠ عصرا
مواعيد الزوم : الاثنين من ٨م الى ١١م

للحجز و الزيارات المنزلية لحالات كبار السن و الاستعلام رقم واتساب : 01023340333
للطوارئ : 01023340300

14/02/2024

♥️

16/01/2023

الحمد لله حتى يبلغ الحمد منتهاه...
من لا يشكر الناس لا يشكر الله....

تم بفضل الله و نعمته.... اختياري للتكريم من قبل فخامة السيد رئيس الجمهورية عبدالفتاح السيسي في المؤتمر الاول للتحالف الوطنى للعمل الاهلي التنموي...

و ده كان مفاجأة غير متوقعة لي لاني مؤمنة ان الي بيعمل الخير مش محتاج تكريم و لا تقدير لانه من و إلى الله..🌹
و ان الطبيعي ان العطاء للآخر موجود بالفطرة كل حسب قدراته

لكن ان كان التقدير يأتي من أعلى منصب بالدولة عن العمل العام التطوعي و الطبي على مدى ٢٥ سنة بالموارد الذاتية فأنا اعتبر ان هذا التكريم هو تكريم لكل من له الفضل في كل مرحلة من مراحل حياتي في العمل العام لانه مش شغل فردي لي وحدي ابدأ...

اشكر كل فرد اشتغلت معاه او اتعلمت منه في مشوار العمل العام...حتى الناس البسيطة الي ربنا كرمنا نوصل لها احتياجاتها.. شكرا للدروس الي اتعملتها منكم ❤️❤️❤️❤️

بداية من سنة ١٩٩٤ في قصر العيني لما مجموعة صحاب قررنا نجيب بطاطين و وجبات على حسابنا لمرافقي المرضى بقصر العيني و احنا في الكلية ...

بشكر المؤسسة الروتارية العظيمة التي انضممت لها كروتار اكت شباب صغار الروتاري سنة ١٩٩٥ في روتار اكت المقطم و بعدها القاهرة..وصولا إلى منصب الخدمة العامة بالمنطقة الروتارية ٢٤٥٠ ٦ بلاد وقتها على مستوى البحرين، مصر، الاردن، قبرص، لبنان
زملائي Alhussein El-Shennawy , طنط هدى الالفي، Sherif Abdelmonem رفيق الكفاح في العمل التطوعي سنين عمر , Ali Aly Sabry , Jasmin Zaher , hazem Hazzem Houssien Hashad
Maged Shaker , Ahmed Mashhour,
Shaimaa Lotaief , Ohan Y and Tamer El-Fiky رحمهم الله

اشكر مدام منى فوزي عضو مجلس ادارة ايجيتراف و مدام هناء نموذج العطاء الي اتعلمت منهم يعني ايه تقوى الله في العمل ...

اشكر كل من تعاونت على مدى السنين و تعلمت منه ناس بتحب تعمل الخير لوجه الله فقط ...من القاهرة و الشيخ زايد و المعادي سائر المناطق...
Karim Elturky , Noha Ebid , Fatma Al-Suwaidy , khaled samir , Hoda Elkharadly Amira Saad Shanab, Nefertiti Mohamed Ali
Ahmed Morshed , Sally Aly Shaheen yasmindDesouky SalwaAbdulla....و غيرهم كتيييير

اشكر عاشقي سانت كاترين و سيناء و العريش و الفيوم الي عرفوني على روعة المكان و مدى احتياجاتها العينية و الطبية
Hoda Anwar
Ahmad Raja El-Dessouki raja

كفر الشيخ و المنيا و سوهاج و المنصورة و قنا و الصعيد
Mohamed Hanbouly
Fathy Elmazien

العائلة الروتارية
Sherif Waly , Hesham Shawky Magued Zikri
Dina Kotb Soliman
و العزيز جداااا انكل Fouad Kattara اول ما تعلمت على يده تنظيم القوافل و التبادل الطلابي...
Nancy Labib ملكة ال RYLA و اول من تعلمت على يده تنظيم العمل
الجماعي و التدريب على المهارات القيادية للشباب...

اصدقائي الاطباء على سبيل المثل و ليس الحصر..
Hussein Gaafar , Dr-Hala El Hadary Rasha Yehia Rasha Darwish Dina A Abdellatif wafa Eman Mekkawy , Mohamed Naguib Wifi

رفيقة الكفاح في حرب الكوفيد ١٩ و توفير العلاج و الملابس الواقية و المساعدات لاماكن المحتاجة و الجامعات Ghada Kazamel Mohamed moustafa Mario .... ده احنا شفنا ايااام🙈

قصر العيني دفعة ٩٧ يمثلها العزيز Ahmed Fouad
دفعة ٩٦ قصر العيني و يمثلها الأعزاء Ayman Salah Mohamed Salah
Abdalla Mohamed Ahmed

مؤسسة صناع الخير Moustafa Zamzam Hany Elnazer مثال التفاني و الدقة ووالانسانية في العمل العام...

Iman Karim صديقتي العزيزة و اختي اكبر مثال للعطاء و الخير بلا حدود...رئيس المجلس القوني لذوي القدرات الخاصة❤️
ASHRAF Heider الاستاذ و الأخ و السند دائما...
رئيس جامعة مصر للعلوم و التكنولوجيا 🌹

مجموعةمتطوعي قافلة الحياة التي تشرفت بالانضمام و العمل معهم من ٢٠١٩
بفضل الصديق العزيز Sherif El Bakry

مجموعة اسسها ا. Ihab El-Husseiny Heiba
من ٢٠١٦ من محبي الصحراء بعمل قوافل معونات للمناطق النائية..

و قامت على مجهودات رائعة في عمل تنظيم محترف ل Tamer Bassuiony
Wael Kafrawy
Dalia El Husseny
Loly Aly Hussien
Shady Ezzat
سواء في القوافل الطبية او المعونات
و متطوعين
May Khaled
Mourad Galal
Amr El-Barkouky
Randa Aly Kassem
Randa Haggag
Mohamed Abd Mohamed Abd El Aziz
Moataz Riad
Mohamed Tawakol
Heba Zakaria
Laila Omar
Marmoority marowşka
Ramy Badr

مع حفظ الالقاب لكل الاسماء العظيمة التي ذكرت على سبيل المثل و ليس الحصر...

التكريم ده مش شخصي، ده تكريم لكل حد بيعمل في العمل التطوعي و الخيري بموارد و مجهود ذاتي يساعد به المستحق و المحتاج... قدر المستطاع. 🌹

شكرا لوالدي الله يرحمه و لوالدتي و أولادي و اخواتي و أهلي.. استحملوني كتير الحقيقة 😂

شكرا لكل الي فرح و اسعدني بالتهنئة و الكلام الجميل الي كتير علي ❤️
شكرا اصدقائي و اساتذتي في الطب و خارج الطب الي علموني الانسانية في العمل...

شكرا لأي حد زعل من تكريمي او شاف ان في ناس أحق مني و انا موافقة جدا لاني اقل من اقل فرد في العمل الخيري العام و ح اعتبر تكريمي دفعة اني ارضي الله أكثر و اكثر. ❤️

و ختاما .. جزيل الشكر للتحالف الوطني للعمل الاهلي التنموي Dr. Noha Talaat Abd Elkawy على مؤتمر مثمر و مجهود رائع على ارض الواقع مع
Dr. Mohsen Sarhan Ali المدير التنفيذي لبنك الطعام
Dr. Mahmoud Fouad نائب مدير جمعية الاورمان
Prof. Hala Salah المستشار الطبي للتحالف و عميد طب قصر العيني السابق
Margrit Saroofeem المدير التنفيذي لمشروع

نفسي اقدر اشكر كل الناس في علمتني في حياتي و شرفت بالعمل معهم ... لكم مني كل حب و تقدير❤️

الدرس الأساسي الي عشت بيه و اتعلمته ....
كله إلى زوال .... و مسيرنا نمشي كلنا سنة الحياة...
لا يبقى إلى العمل الصالح بنفوس صافية لوجه الله. 🤲
اللهم نسألك الثبات و التقوى❤️

شكرا سيادة الرئيس ..❤️
بحبك يا مصر ❤️

23/01/2022

الكورونا منتشرة كتير صحيح..
لكن مش محتاجة رعب..

محتاجة ما نعكش ادوية و اختراعات
و محتاجة متابعة مع حد متخصص...
و الاعراض بتعدي...

16/09/2021

اتمنى انها تكون مفيدة....
نقدر في اي وقت نبدأ...
Never too late...
بس بلاش الشبشب الطاير و القرص و العض في الدراع 🤣🤣
"معاهدة السلام مع الدراسة" ❤

جروب الماميز| روشتة للتعامل بين الأم وابنائها مع بداية الدراسةفي الحلقة 146 من برنامج "جروب الماميز"، تستضيف "ياسمين نور الدين"، د. "شيرين عامر" استشاري الأم...

10/09/2021

الي ح نبنيه.... ح نلاقيه بأمر الله و توفيقه...
ازرع حب...ح يطلع حب...
يا ترى بنزرع صح جوة نفسية ولادنا ؟

جروب الماميز| 6 حاجات مهمة بتبينها في شخصية طفلك في أول 6 سنين من حياته، اعرفيها-في الحلقة 141 من برنامج "جروب الماميز"، تستضيف "ياسمين نور الدين"، "عادل الك...

10/09/2021

طبيعي يسالونا ولادنا اسئلة محرجة...
و حقهم يسمعوا الرد..
طبيعي يشوفونا و احنا زعلانين مع بعض ...
بس بنعلمهم ايه و احنا زعلانين يا ترى ؟؟؟؟

جروب الماميز| طفلك فاجئك بسؤال محرج، اعرفي تردي إزاي وتديري الخلافات الأٌسرية قدامه بشكل سليم-في الحلقة 141 من برنامج "جروب الماميز"، تستضيف "ياسمين نور الدي...

16/08/2021

ضع الامر في نصابها من غير هلع و لا مبالغة...
دلتا يختلف في سرعة انتشاره...
اعراضه..؟
اي اعراض ممكن كما حدث بالسابق..
العلاج؟
نفس الخطوات في مراحل العلاج المختلفة...
المطلوب؟
نبطل فتي و علاج من نفسنا و مراجعة دكتور جوجل.
اسال طبيب مختص فور ظهور اي اعراض...
و الامر يعدي بأمر الله ببساطة...
و ناخذ الامر بجديه مش باستهتار و مش بفزع مبالغ!
و الامر أوله و آخره لله...

23/05/2021

الفطر الأسود...
من غير هلع..
من غير فزع..
لكن نتكلم جد....

مش وباء..
مش مرض جديد...
سوء استخدام الادوية و المضادات الحيوية و ادوية الكورتيزون في الكورونا تحديدا و مثبطات المناعة
بلا ضوابط و لا حساب جرعات
يؤدي لنشاط التهابات فطرية
اسوأها الفطر الأسود لان علاجه ثقيل..
ممكن تحصل لمرضى السكر؟
اه لو اهملوا...
لكن لومحافظين على الجرعات يبقى مفيش اي مشكلة...

بلاش ناخد البروتوكول لوحدنا
و للأطباء
في الكورونا ...بلاش كتابة الكورتيزون و جرعاته الا بوجود مشاكل و علامات في الاشعة المقطعية للرئة
تستدعي..
اي ادوية تتاخد بلا ضوابط و بلا داعي لها أثر سيء على الجسم.... بلا ادوية من غير دكتور متخصص...
نترعب؟؟؟🙄🙄🙄
لا طبعااا ☺☺☺☺
نلتزم و ماناخدش علاجات من نفسنا و نروح لطبيب مختص و نتابع صح ❤