Dr mostafa abdelghany clinic

31/07/2023

تمتع بخصم ٢٠ ٪ على الكشف طوال شهر أغسطس ان شاء الله
الدكتور مصطفى عبد الغني
أخصائي الباطنه و السكر و الغدد الصماء
حاصل على الزماله البريطانيه في السكر و الغدد الصماء
و الزماله البريطانيه في الطب الباطني
Membership of royal college of physicians
Mrcp SC endocrinology and diabetes

عياده الباطنه و السكر و الغدد الصماء
د/مصطفى عبد الغني ?

27/07/2023

السلام عليكم ورحمة الله وبركاته
انهارده هنتكلم عن الرياضة و السكر طبعا في كل الأحوال الرياضه مفيده جدا لمريض السكر سواء سكر النوع الأول أو سكر النوع الثاني بس فيه قواعد بتحكم الرياضه سواء نوع الرياضه او مده التمرين.

اولا: فوائد الرياضه بالنسبه لأي انسان مش بس مريض السكر :

١. الوقايه من حدوث السكر يعني لو حضرتك عندك عامل وراثي لمرض السكر لكن حضرتك حافظت على ممارسه التمارين الرياضية و اتباع الاكل الصحي فرص انك يجيلك مرض السكر بتبقى اقل من حد تاني لا يتبع الأسلوب الصحي.
٢. لو حضرتك عندك السكر اولا ده هيحسن جدا من مقاومه الانسولين لانه هيقلل الدهون حول منطقه البطن و دي السبب الرئيسي لمقاومه الأنسولين و برضو هيزود الكتله العضليه عندك و مش بس كده هيخلي العضلات تمتص الجلوكوز بأسلوب اقل اعتمادا على الأنسولين (اقل اعتمادا على ناقل الجلوكوز GLUT 4 اللي بدوره بيعتمد على الأنسولين).
٣. الوقايه من أمراض القلب و ده من خلال شقين الأول انه بيقلل من الكوليسترول الضار ال LDL و بيزود من الكوليسترول النافع ال HDL و الشق الثاني انه بقلل من الدهون المحيطه بالقلب او ال Epicardial fat و في الدراسات الحديثه دي سبب رئيسي لأمراض شرايين التاجيه.
٤.اكيد الرياضه تحسن من مستوى ضغط الدم بس مش الرياضات التي تعتمد على رفع الأثقال resistance exercise.
٥. طبعا تحسين مستوى السكر و ده هيقلل من فرص حدوث مضاعفات السكر.

طيب ايه هي قواعد الرياضه في مريض السكر.

اولا :مده التمرين من الأفضل الا تزيد عن ساعه و نصف.

ثانيا: بالنسبه لمريض سكر النوع الثاني مسموح له أي نوع رياضه.

ثالثا: بالنسبه لمريض سكر النوع الأول
يفضل الرياضيات التي تعتمد على المده endurance exercise زي السباحه او جري الماراثون لكن رياضات رفع الأثقال resistance exercise غير مفضله لأنها هتسبب ارتفاع مستوى السكر بسبب الارتفاع الشديد اللي بتعمله في هرمونات اللي بتعاكس الأنسولين زي الادرينالين و الكورتيسول.

رابعا: بالنسبه لمريض سكر النوع الأول اللي بياخد انسولين لازم تقيس السكر قبل التمرين و لابد سكرك لا يقل عن ال ١٢٠ مج/دل قبل التمرين لو أقل من ذلك هتاخد وجبه صغيره و تقيس قبل التمرين افضل مستوى تبدأ عليه التمرين هو ١٤٠ مج/دل.

لو السكر من ٢٥٠ مج/دل الي ٣٠٠ لابد من أخذ جرعه صغيره من الأنسولين المائي سريع المفعول ثم القياس بعد نصف ساعه للتأكد من مستوى مناسب للسكر اللي هو في حدود ال ١٤٠ مج/دل

لو مستوى السكر اكثر من ٣٠٠ مج/دل إلغاء التمرين و عمل تحليل اسيتون لان التمرين في الحاله ده هيؤدي الي غيبوبه ارتفاع سكر لاقدر الله.

خامسا: بالنسبه للانسولين :
جرعه الأنسولين المائي الخاصه بالوجبه التي تسبق التمرين مباشرتا لابد أن تقل بنسبه ٥٠٪.

جرعه الأنسولين ممتد المفعول الخاصه بمساء يوم التمرين لابد أن تقل بنسبه ١٠ الي ٢٠ ٪.

شكرا جزيلا
السلام عليكم ورحمة الله وبركاته

27/07/2023

السلام عليكم ورحمة الله وبركاته
انهارده هنتكلم عن موضوع مهم جدا و هو مرض السكر أثناء الحمل

اولا فيه ثلاث انواع من المرضي
١.مريضه معروفه انه لديها سكر من النوع الأول أو الثاني
٢.مريضه تم اكتشاف السكر لديها في أول ثلاثه شهور من الحمل ودي تعتبر لديها سكر من النوع الثاني و هتكمل متابعه علاج السكر بعد الحمل.
٣.مريضه تم اكتشاف السكر لديها في ثاني او ثالث ٣ شهور من الحمل و دي بقي هي مريضه سكر الحمل gestational diabetes.

اولا قبل الحمل لابد من الاطمئنان على السيده المقبله على الحمل و عمل تحاليل غده درقيه و سكر تراكمي و وظائف الكلى و الكبد.

طيب
لو سيده لديها اصلا سكر من النوع الأول هتكمل على الأنسولين بس احتياجات الأنسولين تختلف بين اول ٣ شهور و ثاني و ثالث ٣ شهور

لو سيده لديها سكر النوع الثاني لابد من زياره الطبيب عند معرفه الحمل لان مش كل ادويه السكر مناسبه للسيده الحامل و ده برضو ينطبق على السيده اللي اكتشفت السكر في أول ٣ شهور

لو سيده اكتشفت السكر في ثاني او ثالث ٣ شهور و بذلك تبقى سكر حمل gestational diabetes لابد من زياره الطبيب لتقرير خطه العلاج المناسبه.

طيب ايه هي مضاعفات زياده السكر على الجنين و على السيده الحامل

اولا السيده الحامل بتبقى في خطوره شديده انها يحدث لها غيبوبه ارتفاع السكر DKA لان مقاومه الانسولين بتبقى عاليه جدا بسبب حدوث ارتفاع فسيولوجي في هرمون الكورتيسول مع تقدم الحمل

ثانيا: الجنين بيبقى في عرضه زياده الحجم macrosomia و ده بيعرضه للاصابات أثناء الولاده زي إصابات مفصل الكتف اللي بتعمل شلل في اعصاب اليد shoulder dystocia مش كده بس ده بيبقى عرضه انه يحصله نقص في السكر hypoglycemia و ده ممكن لاقدر الله يؤدي إلى الوفاة.

طيب ايه قياسات السكر المناسبه

صائم اقل من ٩٥ مج/دل
فاطر بعد ساعه اقل من ١٤٠ مج/دل
فاطر بعد ساعتين اقل من ١٢٠ مج/دل
و ده لمنع حدوث اي مضاعفات

لابد من عمل تحليل صائم بعد ٦ أسابيع او عمل تحليل OGTT بعد الولاده بالنسبه للسيده التي لديها سكر حمل gestational diabetes و ذلك للتأكد من عدم استمرار السكر

شكرا جزيلا
السلام عليكم ورحمة الله وبركاته

27/07/2023

السلام عليكم ورحمة الله وبركاته
انهارده هنتكلم عن العلاقه بين مشاكل الغده الدرقيه و الحمل و ان شاء الله هنبداء بالعلاقه بين خمول الغده الدرقيه و الحمل
اولا: الغده الدرقيه مهمه جدا للنمو العقلي للجنين و سلامه الجهاز العصبي الخاص به و ليها دور كبير جدا أيضا في النمو العام للجنين و تنظيم عمليه الميتابوليزم.

ثانيا:الغده الدرقيه للجنين تبدأ في تجميع اليود من الأسبوع الثاني عشر للحمل ولا تبدأ في الافراز الفعلي لهرمون الغده الدرقيه thyroxine الا بعد الأسبوع الثامن عشر يعني طول الفتره السابقه الجنين ياخذ ال thyroxine من الام لذلك اي خلل في وظايف الغده الدرقيه في الام بالتأكيد يأثر على نمو الجنين.

ثالثا: مهم جدا للسيدات المقبلات على الحمل عمل تحليل الغده الدرقيه على الاقل عمل تحليل tsh لمعرفه اي خلل في وظائف الغده الدرقيه.

لو تحليل tsh اكثر من ١٠ في تلك الحاله يوجد خمول في الغده الدرقيه ولابد من عمل باقي التحاليل ft4 ft3 و سونار الغده الدرقيه و الأجسام المضاده للغده الدرقيه ثم البدأ في اخذ جرعات هرمون الغده الدرقيه و عند معرفه حدوث الحمل لابد من زياده الجرعه بنسبه ٣٠٪.

لو تحليل tsh اكثر من ٥ و لكن اقل من ١٠ لابد من عمل الأجسام المضاده للغده anti tpo و anti thyroglobulin لان لو مرتفعين لابد من أخذ دواء الغده الدرقيه لتقليل مخاطر حدوث فقد الحمل stillbirth

لو السيده لديها الأجسام المضاده عاليه و لم يحدث سقط في الحمل قبل ذلك لابد هتاخد هرمون الغده الدرقيه و لابد أن يكون تحليل tsh بعد ذلك اقل من ٢

لو السيده لديها تاريخ مرضى بحدوث سقط و ال tsh اكثر من ٥ حتى لو الأجسام المضاده غير مرتفعه بنسبه كبيره لابد أن تأخذ هرمون الغده الدرقيه أيضا و لابد ال tsh اقل من ٢ بعد ذلك لتجنب فقدان الجنين.

لابد للسيدات الحوامل المتابعه مع طبيب النسا و اي مشاكل في نمو الجنين لابد من عمل تحليل tsh لان مشاكل الغده الدرقيه يمكن أن تكتشف اثناء الحمل و لو حدث ان وجد tsh مرتفع اكثر من ٥ لابد من أخذ جرعات هرمون الغده الدرقيه و عموما لابد أن يكون قياسات ال tsh اثناء الحمل كالآتي :

اول ٣ شهور من الحمل tsh يبقى ١ او اقل يعني حتى. ٠.٥ و طبقا لكتاب Williams endocrinology لو حتى اقل من ٠.٥ و الجنين ليس لديه مشاكل في النمو و لايوجد مشاكل لدي الام فهذا مقبول

ثاني ٣ شهور يبقى ال tsh حتى ٢

ثالث ٣ يبقى ال tsh حتى ٣

شكرا جزيلا
السلام عليكم ورحمة